1 Ruodhi 1:35 - MUMA MALER 2015

³⁵ Eka uluw bang’e, kuduoge ka, mondo obed e kom duong’na, nikech asekete ruoth kara, kendo aseyiere mondo obed jatend jo-Israel gi jo-Juda.”

Motingʼo Loko Manyien

³⁵ Eka unudhi kode kendo enobi mi obedi e kom lochna mondo olochi kara. Asekete jatelo kuom jo-Israel kod jo-Juda.”

1 Ruodhi 1:35 ပူးပေါင်းရင်းမြစ်များ

1 Ruodhi 1:13

Dhi ir ruoth Daudi, kendo penje niya, ‘Ruodha, donge isesingorina ni Solomon wuoda ema nobed ruoth kari, kendo nobed e kom duong’ni? Ka en kamano, to ang’o momiyo Adonija osebedo ruoth?’

1 Ruodhi 1:17

En to nodwoke niya, “Ruodha, nisingorina e nying Ruoth Nyasaye ma Nyasachi ni Solomon wuoda ema nobed ruoth kari, kobet e kom duong’ mari.

1 Ruodhi 1:34

kama Zadok jadolo gi Nathan janabi biro wiree gi mo, mondo obed ruodh Israel. Bang’e ugo tung’, kendo ukog niya, ‘Ruoth Solomon mondo odag aming’a!’

1 Ruodhi 1:36

Benaya wuod Jehoyada nodwoko Ruoth niya, “Obed kamano! Ruoth Nyasaye ma Nyasachi mondo oyie otimre kamano.

1 Ruodhi 2:12

Koro Solomon nobet ruoth kar Daudi wuon mare, kendo lochne nogurore motegno.

1 Ruodhi 2:15

Eka nowacho niya, “Ing’eyo ni yande loch onego bed mara, kendo jo-Israel duto nogeno ni an ema nabed ruoth. To wach olokore, kendo owadwa osebet ruoth, nikech Nyasaye ema omiye.

1 Weche mag Ndalo 23:1

Kane Daudi koro oseti, kendo hike oniang’, noyiero Solomon wuode mondo obed ruodh Israel.

1 Weche mag Ndalo 29:23

Kuom mano, Solomon nobedo ruodh jo-Ruoth Nyasaye kar Daudi wuon mare, mi nodhi maber, kendo jo-Israel duto nomiye luor.

Zaburi 2:6

Owacho niya, “Ruoth ma ayiero aseketo ewi Sayun, goda maler.”