1 Ruodhi 1:33 - MUMA MALER 2015

³³ “Dhiuru gi askechena, uket Solomon wuoda e kanja, kendo ukowe nyaka Gihon,

Motingʼo Loko Manyien

³³ nowachonegi niya, “Kauru jotich ruoth kodu kendo keturu Solomon wuoda e punda awuon kendo tereuru Gihon.

1 Ruodhi 1:33 ပူးပေါင်းရင်းမြစ်များ

Chakruok 41:43

Nomiyo oidho gach ruoth mar ariyo, kendo joritne ne goyo koko e nyime, ka wacho niya, “Yawneuru e yo!” Kamano Josef noket ruodh Misri duto.

2 Samuel 13:29

Mi jotich Absalom notimo ni Amnon mana kaka Absalom nochikogi. To yawuot ruoth moko duto noidho kenjegi piyopiyo, moringo.

1 Ruodhi 1:38

Eka Zadok jadolo, gi Nathan janabi, kod Benaya wuod Jehoyada, kaachiel gi jo-Kereth kod jo-Peleth, nomiyo Solomon oidho kanyna mar ruoth Daudi, mi ne gilor ka gikowe nyaka Gihon.

1 Ruodhi 1:5

Adonija wuod Hagith nochako kawore, kaparo ni nobed ruoth. Nong’iewo geche lweny, gi joidh farese kod gi ji piero abich mane telo nyime.

1 Ruodhi 2:35

Ruoth noketo Benaya wuod Jehoyada jatend jolweny kar Joab, to Zadok jadolo noketo kar Abiathar.

1 Weche mag Ndalo 29:22

Chieng’no ne gichiemo kendo gimetho e nyim Ruoth Nyasaye gi mor maduong’. Bang’e ne gichako giketo Solomon wuod Daudi e kom ruoth, kendo ne giwire gi mo mondo obed jatendgi ma Ruoth Nyasaye oyiero. To Zadok bende ne owir mondo obed jadolo.

2 Weche mag Ndalo 32:30

Hezekia nogono nogeng’o soko mar Gihon gi yo ka malo, mochiko pi, mi omol kochomo dala Daudi yo podho chieng’. Tije duto mane Hezekia ochako, notieko maber.

2 Weche mag Ndalo 33:14

Bang’e nogero ohinga moro e holo gi yo ka oko mar dala Daudi kor podho chieng’ mar Gihon. Ohingano nochopo e Dhoranga Rech, mi odhogo got Ofel kendo nodhi malo mabor ahinya. Bende noketo jotend jolweny e miech Juda duto mochiel gohinga.

Tim jo-Lawi 19:19

“Nyaka urit chikena. Kik uwe jamni mopogore opogore luwre, kendo kik uchwo kothe ariyo mopogore opogore e puotheu. Bende kik urwak lewni molos gi usi ariyo mopogore opogore.