1 Ruodhi 1:29 - MUMA MALER 2015

²⁹ Eka ruoth nokuong’ore kowacho niya, “Adier gi nying Ruoth Nyasaye ma Nyasach Israel, mosereso ngimana e masiche duto,

Motingʼo Loko Manyien

²⁹ Bangʼ mano ruoth nokwongʼore kowacho niya, “Adier akwongʼora gi nying Jehova Nyasaye mangima ma oseresa e chandruok duto,

1 Ruodhi 1:29 ပူးပေါင်းရင်းမြစ်များ

Chakruok 48:16

Malaika ma oseresa e masiche duto, mondo oguedhgi. Noluonggi gi nyinga kod nying Ibrahim kwara gi nying Isaka wuora. Onego gimedre kendo gibed oganda maduong’ e piny.”

2 Samuel 12:5

Kane Daudi owinjo wachno, mirima nomake ahinya gi japithno. Nowacho ni Nathan niya, “Gi nying Ruoth Nyasaye, ng’at mosetimo kamano owinjore gi tho!

2 Samuel 4:9

To Daudi nodwoko Rekab gi Baana owadgi niya, “Gi nying Ruoth Nyasaye mosereso ngimana e masiche duto,

1 Ruodhi 1:28

Ruoth Daudi nodwoko niya, “Luongna Bathsheba obi ka.” Mi nobiro mochung’ e nyim Ruoth.

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

1 Ruodhi 18:10

Akuong’ora gi nying Ruoth Nyasaye ma Nyasachi ni onge oganda kata piny moro ma ruodha pok ooroe ji mondo odwari. To kane jopinjego okwer ni ionge kuno, to nyaka ne gikuong’re ni gikia kuma intie.

1 Ruodhi 2:24

Gi nying Ruoth Nyasaye mosemiyo agurora motegno e loch kar Daudi wuora, kendo mosemiyo jodhooda obedo jotelo kaka nosingore, akuong’ora ni, Adonija biro tho kawuono!”

2 Ruodhi 4:30

To min nyathi nowachone niya, “Gi nying Ruoth Nyasaye, kendo gi nyingi iwuon, ok naweyi.” Omiyo Elisha nochung’ modhi kode.

2 Ruodhi 5:16

To nodwoke niya, “Gi nying Ruoth Nyasayee ma atiyone, ok nakaw gimoro.” Nochune mondo okaw, to Elisha nodagi.

2 Ruodhi 5:20

Gehazi ma jatich Elisha ng’at Nyasaye, noparo niya, “Ruodha oseweyo Naaman ma ja-Aram odhi mak okawo mich ma nokelo. Gi nying Ruoth Nyasaye, abiro lawe mondo ayudie gimoro kuome.”

Zaburi 136:24

Chutho, ne ogolowa e teko wasikwa. Herane mosiko ochwere.

Zaburi 138:7

Kata e kinde ma masiche oketa diere, to irita maber. Ikwedo wasika ma jokwinyo, kendo iresa gi teko mar badi ma kor achwich.

Zaburi 72:14

Ogologi e thagruok, kendo e timbe mahundu, nimar okwano ngimagi ka gima nengogi tek.

Jong’ad Bura 8:19

Gideon nowachonigi niya, “Ne gin owetena ma yawuot mama. Akuong’ora e nying Nyasaye ni dine uwe negogi, to da ok anegou.”

1 Samuel 14:39

Gi nying Ruoth Nyasaye mareso Israel, kata dabed ni ng’at mokethono en mana Jonathan wuoda, to nyaka otho!” To onge kata ng’at achiel mane odwoke.

1 Samuel 14:45

To ji duto nowacho ni Saulo niya, “Bende Jonathan nyalo tho adier, to en ema osekelo konyruok maduong’ kama e Israel? Ngang’! Gi nying Ruoth Nyasaye, kata mana yie wiye achiel ok nolwar piny, nikech Nyasaye ema osekonye timo tich mosetimo kawuononi.” Kamano ji nowaro Jonathan mondo kik tho.

1 Samuel 19:6

Saulo nowinjo wach Jonathan, mi nokuong’ore gi nying Ruoth Nyasaye ni ok noneg Daudi.

1 Samuel 20:21

kendo naor rawera moro, mondo odhi omany asernigo. Ka awachone niya, ‘Aserni eko ni e bathi koni, kawgi,’ to mano nyiso ni mondo iwuog kama ipondoe, nikech wach ber kuomi. Akuong’ora gi nying Ruoth Nyasaye ni onge gima biro timi.