1 Ruodhi 1:25 - MUMA MALER 2015

²⁵ Osedhi mwalo moyang’o ruedhi gi dhok machwe kod rombe mogundho. Osegwelo yawuot ruoth duto, kaachiel gi Joab jatend jolweny kod Abiathar jadolo, kendo koro gibet piny kode, ka gichiemo kendo gimetho. Giwacho niya, ‘Ruoth Adonija mondo odag aming’a!’

Motingʼo Loko Manyien

²⁵ Kawuono osedhi mi ochiwo misengini mathoth mag dhok gi nyiroye machwe kod rombe. Oseluongo yawuot ruoth duto gi jotend lweny kod Abiathar jadolo. E seche ma wawuoyoeni koro gichiemo kendo gimetho kode bende giwacho kama, ‘Ruoth Adonija mondo odag amingʼa!’

1 Ruodhi 1:25 ပူးပေါင်းရင်းမြစ်များ

2 Samuel 16:16

Hushai ja-Arki ma osiep Daudi nosudo ir Absalom, mowachone niya, “Ruoth, mondo idag aming’a!”

1 Ruodhi 1:19

Osetimo misango gi ruedhi, kod dhok machwe, gi rombe mathoth, kendo osegwelo yawuot ruoth duto, kod Abiathar jadolo, gi Joab jatend jolweny. To ok ogwelo Solomon wuodi.

1 Ruodhi 1:24

Eka nopenjo Ruoth niya, “Isewacho ni Adonija ema nobed ruoth kari, kendo nobed e kom duong’ni?

1 Ruodhi 1:34

kama Zadok jadolo gi Nathan janabi biro wiree gi mo, mondo obed ruodh Israel. Bang’e ugo tung’, kendo ukog niya, ‘Ruoth Solomon mondo odag aming’a!’

1 Ruodhi 1:39

Zadok jadolo nokawo tung’ mar mo mane ogolo e Hemb Nyasaye, mowirogo Solomon kuno. Eka ne gigoyo tung’, kendo ji duto nokok niya, “Ruoth Solomon mondo odag aming’a!”

1 Ruodhi 1:9

Adonija noyang’o rombe gi ruedhi kod dhok machwe, kotimogo misango but lwanda mar Zoheleth man but En-rogel. Nogwelo owetene duto ma yawuot ruoth, kod jodong Juda duto,

1 Ruodhi 2:15

Eka nowacho niya, “Ing’eyo ni yande loch onego bed mara, kendo jo-Israel duto nogeno ni an ema nabed ruoth. To wach olokore, kendo owadwa osebet ruoth, nikech Nyasaye ema omiye.

2 Ruodhi 11:12

Eka Jehoyada nogolo wuod ruoth oko. Nosidhone osimb duong’, momiye kitap chik, kendo nowire gi mo mondo obed ruoth. Ji duto nopamo lwetgi, ka kok niya, “Ruoth mondo odag aming’a!”

2 Ruodhi 11:14

Noneno ruoth kochung’ e bath siro, kaka kit jo-Israel nobet, ka tung’ ywak, kendo ji wer. Ji duto ne mor, kendo goyo tung’. Mi Athalia noyiecho lepe, ka kok niya, “Ujemo! Ujemo!”

2 Ruodhi 9:13

Mi jogo duto nopedho lepgi aruya ewi raidhi, mondo Jehu obedie. Eka ne gigoyo tung’ ka gikok niya, “Jehu e ruoth!”

1 Weche mag Ndalo 29:13

Koro wagoyoni erokamano Nyasachwa, kendo wapako nyingi maler.

1 Weche mag Ndalo 29:21

Kinyne ne gitimo ni Ruoth Nyasaye misengni gi ruedhi alufu achiel, gi imbe alufu achiel, gi nyirombe alufu achiel, kaachiel gi misengni miolo piny, kod misengni moko mang’eny moromo jo-Israel duto.

2 Weche mag Ndalo 23:11

Eka Jehoyada nogolo ruoth oko, mosidhone osimb duong’, kendo omiye kitap chik, mi gikete ruoth. Jehoyada gi yawuote nowire gi mo ka gikok niya, “Ruoth mondo odag aming’a!”

Mathayo 21:9

Joma notelo nyim Yesu, kod joma ne luwo bang’e nokok niya, “Duong’ obed ni Wuod Daudi! Ogwedh ng’ama biro e nying Ruoth! Duong’ obed ni Nyasaye e polo malo!”

Mathayo 22:4

Omiyo nochako ooro jotich mamoko, kowachonigi ni mondo ginyis joma oluonggo niya, ‘Nyasi oseikore, kendo aseyang’o ruetha gi jamba moko machwe, kendo gik moko duto oselosi. Omiyo biuru e kisera.’

Luka 19:38

Ne giwacho niya, “Oguedh Ruoth mabiro e nying Ruoth Nyasaye! Kue obedi e polo, kendo duong’ obedi e polo malo.”

1 Samuel 10:24

Samuel nowacho ni ji duto niya, “Neuru jal ma Ruoth Nyasaye oyiero. Onge ng’at machal kode kuomu duto.” Mi ji duto nokok kawacho niya, “Ruoth mondo odag aming’a!”