1 Ruodhi 1:20 - MUMA MALER 2015

²⁰ Koro ruodha, jo-Israel rito wachni mondo inyisgi ng’at ma nobed ruoth kari.

Motingʼo Loko Manyien

²⁰ Ruodha, jo-Israel duto ngʼiyi mondo gingʼe kuomini en ngʼa mabiro bedo e kom duongʼ ruodha bangʼe.

1 Ruodhi 1:20 ပူးပေါင်းရင်းမြစ်များ

2 Samuel 23:2

“Roho mar Ruoth Nyasaye ema miya weche mawacho, kendo wachne nie dhoga.

1 Ruodhi 1:19

Osetimo misango gi ruedhi, kod dhok machwe, gi rombe mathoth, kendo osegwelo yawuot ruoth duto, kod Abiathar jadolo, gi Joab jatend jolweny. To ok ogwelo Solomon wuodi.

1 Ruodhi 1:21

Ka ok itimo kamano, to wan gi Solomon wuoda wanane masira kisetho.”

1 Weche mag Ndalo 28:10

Emomiyo par malong’o ni Ruoth Nyasaye oseyieri ni mondo iger ot moyangne. Bed gi jing’o kendo igere!”

1 Weche mag Ndalo 29:1

Bang’ mago, Daudi nowacho ni oganda jo-Israel mane osechokore niya, “Solomon wuoda ma Nyasaye oseyiero, pod en rawera to tijni e tich maduong’, nikech odni ok en mar dhano, to en mar Ruoth Nyasaye.

2 Weche mag Ndalo 20:12

A Nyasachwa, donge ibiro kumogi? Wan waonge gi teko ma dwasirgo oganda maduong’ mabiro monjowani! Ok wang’eyo gima dwatim, to wageno mana kuomi.”

Zaburi 123:2

Kaka jatich rango ruodhe, kendo kaka jatich ot manyako rango wuon ot motiyone, e kaka wan bende wasiko kwarangi, nyaka chop ikechwa, A Ruoth Nyasachwa.

Zaburi 25:15

E kinde duto ang’iyo mana Ruoth Nyasaye mondo okonya, nimar ogola e obadho momako tienda.

Zekaria 3:9

Aseketo kidi man gi bethe abiriyo e nyim Joshua, kendo an awuon abiro ndiko kuome weche mawacho niya, ‘Abiro tieko richo mag pinyni e odiechieng’ achiel.