1 Ruodhi 1:2 - MUMA MALER 2015

² Emomiyo jotichne ne owachone niya, “Yie mondo wadwarni nyako manyalo tiyoni kendo riti. Bende nonind buti mondo iyud liet.”

Motingʼo Loko Manyien

² Omiyo wasumbinige nowachone niya, “Yie iwe wadwar nyako matin ma pod ok oriwore gi dichwo mondo orit ruoth kendo otine, bende onyalo nindo e bath Ruoth mondo ruodhwa obed maliet.”

1 Ruodhi 1:2 ပူးပေါင်းရင်းမြစ်များ

Chakruok 16:5

Eka Sarai nowacho ni Abram niya, “In ema imiyo Hagar jara! Namiyi jatichna, to ka noneno ni osemako ich, to ochako jara. Ruoth Nyasaye mondo ong’ad burani e kinda kodi.”

2 Samuel 12:3

to jachan ne onge gi gimoro, mak mana nyarombo achiel kende, ma noseng’iewo. Nopidhe kendo nodongo e ode kaachiel gi nyithinde, kochamo mana chiembe. Nometho e kikombene, kendo nonindo e kore, mobedone kaka nyare.

1 Ruodhi 1:1

Ruoth Daudi koro noseti, kendo hike ne oniang’, ma kata ne oume gi lep nindo, to pod ne ok onyal yudo liet.

1 Ruodhi 1:3

Omiyo ne gidwaro nyako ma jaber e piny Israel duto, nyaka ne giyudo Abishag nyar Shunam, mi ne gikele ir ruoth.

2 Weche mag Ndalo 29:11

Un nyithinda, kik koro umalru, nimar Ruoth Nyasaye oseyierou mondo uti e nyime ka jodolone, kutimone misengni.”

Eklesiastes 4:11

Ka piny ng’ich, to ji ariyo nyalo nindo kaachiel mi bed maliet. To ere kaka inyalo bet maliet ka in kendi?

Mika 7:5

Kik iyie gi weche wadu, kendo kik igen kuom osiepeni, to bende nyaka itang’ ni weche miwacho kata mana ni chiegi.

Rapar mar Chik 10:8

“E kindego Ruoth Nyasaye nowalo jo dhood Lawi mondo obed joting’ Sandug Muma mare, kendo obed jodolo mage, ka giguedho ji e nyinge, mana kaka pod gitimo nyaka chil kawuono.

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,