1 Ruodhi 1:1 - MUMA MALER 2015

¹ Ruoth Daudi koro noseti, kendo hike ne oniang’, ma kata ne oume gi lep nindo, to pod ne ok onyal yudo liet.

Motingʼo Loko Manyien

¹ Kane Ruoth Daudi oseti kendo hike ne ngʼeny, kata ne oume gi lep nindo to ne ok onyal yudo liet.

1 Ruodhi 1:1 ပူးပေါင်းရင်းမြစ်များ

Chakruok 18:11

Ibrahim gi Sara ne josedoko moti, kendo ndalo Sara mag nywol nosekadho.

Chakruok 24:1

Ibrahim koro nosedoko moti ahinya, kendo Ruoth Nyasaye noseguedhe e yorene duto.

2 Samuel 24:25

Eka nogero ni Ruoth Nyasaye kendo-mar-misango kanyono, motimoe misengni miwang’o pep, kod mag sawo. Ruoth Nyasaye nowinjo lemo ma nochiwne, kendo nogeng’o tho malitno mondo kik oneg jo-Israel.

2 Samuel 5:4

Daudi ne jahigni piero adek ka nochako tich ruoth, kendo nobedo ruoth kuom higni piero ang’wen.

1 Ruodhi 1:15

Omiyo Bathsheba nodonjo e od ruoth. Ndalogo Daudi noseti ahinya, kendo Abishag nyar Shunam ne tiyone.

1 Ruodhi 1:2

Emomiyo jotichne ne owachone niya, “Yie mondo wadwarni nyako manyalo tiyoni kendo riti. Bende nonind buti mondo iyud liet.”

1 Weche mag Ndalo 23:1

Kane Daudi koro oseti, kendo hike oniang’, noyiero Solomon wuode mondo obed ruodh Israel.

Zaburi 90:10

Hik dhano gin piero abiriyo, to ka ng’ato nigi ngima maber, to onyalo dak higni piero aboro. To hignigo duto kelonwa mana chandruok gi kuyo. Ngimawa rumo piyo, kendo walal nono.

Eklesiastes 4:11

Ka piny ng’ich, to ji ariyo nyalo nindo kaachiel mi bed maliet. To ere kaka inyalo bet maliet ka in kendi?

Luka 1:7

To ne gionge nyathi, nikech Elizabeth ne dhako ma migumba, kendo giduto koro ne gin joma oti.

Joshua 13:1

Joshua koro noseti, kendo hike oniang’, mi Ruoth Nyasaye nowachone niya, “Isedoko jaduong’ moti to piny malach pod odong’ monego kaw.