1 Petro 5:8 - MUMA MALER 2015

⁸ Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam!

Motingʼo Loko Manyien

⁸ Beduru motangʼ ka ungʼeyo ni jasiku, ma en Satan, bayo kuonde duto mana ka sibuor maruto, komanyo ngʼama dongam.

1 Petro 5:8 ပူးပေါင်းရင်းမြစ်များ

Ayub 2:2

Ruoth Nyasaye nopenjo Satan ni, “Ia kanye?” Satan nodwoke ni, “Asebedo ka abayo abaya e piny, ka alworora koni gi koni.”

Zaburi 104:21

Sibuoche ruto, kadhi dwaro chiemo. Gimanyo chiemo ma Nyasaye miyogi.

Zaburi 109:6

Giwacho niya, “Mad ng’at mamon kode donjne, kendo ng’at marach ng’adne bura!

Ngeche 19:12

Ruoth ma mirima omako chalo gi sibuor maruto, to ka omor kodi, to morneno chalo koth machue.

Ngeche 20:2

Ka ruoth okecho, to nyaka iluore, mana kaka iluoro sibuor karuto, nikech kimedo wang’o iye, to ichalo mana gi ng’ama dere.

Ngeche 28:15

Jatelo marach ma rito joma chandore chalo mana gi sibuor modenyo, kata ka ondiek ma kech nego.

Isaya 50:8

bende ang’eyo ni ng’at ma biro pogo wachna kare ni buta. Kuom mano, ng’at ma hedhore piem koda mondo obi waradi! Adier, ng’at ma dwaro kwero wechena mondo owuog ane!

Jeremia 2:15

Wasikgigo rutonigi matek, mana ka sibuoche. Giseketho pinygi, molokore thim. Miechgi bende okethore, maonge ng’ama dagie.

Jeremia 51:38

Jo-Babulon goyo asumbi ka sibuor, kendo giruto ka nyithind sibuor.

Ezekiel 19:7

Ne omuko ut ruodhi, mi oweyo miechgi gundni, kendo pile kane oruto, to kibaji goyo joma odak e pinyno.

Ezekiel 22:25

Jotendgi chalo gi sibuoche ma ng’ur ka kidho le ma gisemako. Ginego ji, omiyo mond liete doko mang’eny, kendo giyako mwandu kod gik mabeyo.

Daniel 6:24

Bang’ mano, ruoth ne ogolo chik ni mondo joma ne odonjo ni Daniel owiti e bur sibuoche kaachiel gi mondgi kod nyithindgi. To kane owitgi e bur kamano, sibuoche ne ongamogi moturo chokegi duto matindotindo, mana kapok gichopo kata e pier bur piny.

Hosea 11:10

Abiro ruto ni wasik jo-Israel ka sibuor, mi joga biro biro ira. Gibiro ringo ira ka gia yo podho chieng’.

Hosea 13:8

Abiro monjou mana ka ondiek ma osema nyithinde, kendo abiro yiechou tiarara. Ee, abiro kidhou ka diemo wang’, mana ka sibuor, mi ang’inyu matindo tindo ka ondiek.

Joel 3:16

Dwond Ruoth Nyasaye mor gi ewi got Sayun. Ee, omor Jerusalem, kendo polo gi piny yiengni. To Ruoth Nyasaye nores joge Israel, kobedonigi kama ginyalo geng’oree.

Amos 1:2

Nowacho niya, “Ruoth Nyasaye ruto Sayun! Ee, dwonde mor Jerusalem! Kuom mano lege jamni two, kendo wi got Karmel mang’ich ner.”

Amos 3:4

Koso sibuor bende ruto e bungu ka onge gima osemako? Kata nyathi sibuor nyalo ng’ur e gono adier, ka onge gima ochamo?

Amos 3:8

“Ere ng’ama ok diluor ka sibuor ruto? Koso ere janabi ma diling’ mak ohulo gima Ruoth Nyasaye owachone?”

Zekaria 11:3

Winjuru kaka jotelo ywak ka chunygi lit, nimar duong’ ma yande gin-go olal nono. Adier, winjuru kaka giywak ka sibuoche maruto nimar bung Jordan ma gidakie osekethi.

Zekaria 3:1

Bang’e Ruoth Nyasaye nonyisa Joshua, jadolo maduong’, kochuny e nyim malaika mar Ruoth Nyasaye, kendo ne aneno Satan bende kochung’ e bad Joshua korachwich, mondo odonjne.

Mathayo 13:39

kendo jasigu mane ochwoyo ogolo e Satan. Keyo to e giko piny, kendo jokeyo e malaika.

Mathayo 24:42

Kuom mano, beduru motang’, nikech ok ung’eyo chieng’ ma Ruodhu biroe.

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Mathayo 4:1

Bang’ mano, Roho notero Yesu nyaka e thim, mondo Satan oteme.

Mathayo 4:11

Bang’ mano, Satan noweyo Yesu mi malaika nobiro motiyone.

Mariko 4:15

To kodhi molwar e wang’yo e joma ochwo wachno e chunygi, kendo ka gisewinje to Satan biro, kendo gole oko kuomgi.

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,

Luka 21:36

Omiyo beduru motang’ kulemo pile mondo uyud teko mar tony e gik mabiro timore duto, kendo uchung’ e nyim Wuod Dhano.”

Luka 22:31

Eka Yesu nodhi nyime ni, “Simon, Simon, winji! Satan oseyudo thuolo mondo opiedhu mana kaka dhako piedho cham.

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.

2 Jo-Korintho 2:11

mondo Satan kik lowa, nikech wang’eyo riekone!

Jo-Efeso 4:27

Kik umi Satan thuolo ma kamano.

Jo-Efeso 6:11

Manreuru gi gilweny duto mag Nyasaye, mondo uyud teko mar siro wuond mariek mag Satan,

1 Timotheo 2:15

To kata kamano, dhako noyud resruok e yor nywolo nyithindo, ka osiko e yie gi hera gi puodhruok kod ritruok.

1 Timotheo 2:9

Mon bende onego rwakre gi lewni mowinjore, ka gibidhore kendo giritore kare. Rwakruokgi kik bed mana mar kado wich, kata mar dhahabu, kata kite mabeyo, kata lewni ma nengogi tek,

1 Timotheo 3:11

Kamano mondgi bende nyaka bed gi tim makare, to kik gibed mon ma jokuoth, to gibed mon moritore, kendo ma jo adiera e weche duto.

1 Timotheo 3:2

Kuom mano jatend kanyakla mar jo-Kristo nyaka bed ng’at ma wach moro marach onge kuome, kendo mokendo dhako achiel kende, bende nyaka obed ng’at moritore, mobidhore, modimbore, mohero rwako welo, kendo ma japuonj molony.

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.

Tito 1:8

To nyaka obed ng’at mohero rwako welo, kendo mohero gik malong’o. Bende nyaka obed ng’at mabidhore, kendo ma jang’ad bura kare, kendo ma timbene ler, kendo mong’eyo ritore owuon.

Tito 2:12

Ng’wonono puonjowa mondo wawe richo gi gombo mag piny, mi wabed joma oritore kendo makare, ka waluoro Nyasaye e pinyni,

Tito 2:2

Nyaka inyis joma dongo mondo obed joma oritore, kendo ma ok ohero oyuma, kendo joma bidhore. Bende gibed joma nigi yie motegno, kendo man gi hera kod kinda.

Tito 2:4

mondo omi mon matindo opuonjre hero chwogi kod nyithindgi,

Tito 2:6

Kamano e kaka onego jiw yawuowi bende mondo gibed joma oritore e yore duto.

Jakobo 4:7

Emomiyo, winjuru Nyasaye. Tamuru Satan to noringu.

1 Petro 1:13

Emomiyo beduru motang’, ka parou bith. Keturu chunyu duto kuom gueth ma Yesu Kristo biro kelonu kuom ng’wonone ka obiro.

1 Petro 4:7

Giko mar gik moko duto chiegni. Emomiyo, beduru mariek, kuritoru mondo uikru ni lemo.

Fweny 12:10

Eka ne awinjo dwol maduong moa e polo, kawacho niya, “Koro Nyasachwa oselocho. En kinde mar tekone gi lochne kaachiel gi mar Mesia mare, ma bende oyudo lochne. Oselo jadonj ni owetewa, madonjonigi e nyim Nyasaye odiechieng’ gotieno, mi owite e piny.

Fweny 12:12

Omiyo, polo kod joma odakie mondo obed mamor! To mano kaka nobednu malit un piny gi nam, nimar Satan oselor obiro iru ka nigi mirima mager nikech ong’eyo ni odongne mana ndalo matin kende.”

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 20:10

kendo Satan mane owuondogi ne owit e ataro mar ligek mach, kama Ondiek kod Janabi mar Miriambo bende nitie. Kuno ginisandre odiechieng’ gotieno nyaka chieng’.

Fweny 20:2

Ne omako Thuol malichno, tiende ni thuol machon miluongo ni Jachien kata Satan, mi otweyo gi nyororo kuom higni alufu achiel.

Jong’ad Bura 14:5

Chieng’ moro Samson ne lor dhi Timna gi jonywolne, to ka nochopo e puoth mzabibu man kanyo, nopo ka nyathi sibuor ochome ka ruto.