1 Petro 5:7 - MUMA MALER 2015

⁷ Keturu parruok duto ma un-go kuome, nikech oparou.

Motingʼo Loko Manyien

⁷ Keturu parruok duto ma un-go kuome nikech oparou.

1 Petro 5:7 ပူးပေါင်းရင်းမြစ်များ

Zaburi 34:15

Ruoth Nyasaye rango joma kare gi ng’wono, kendo pile oyie winjo ywakgi.

Zaburi 37:5

Chiwrine, kendo gen kuome, to obiro konyi.

Zaburi 40:17

An jachan, kendo ok anyal yudo kaka akonyora, to yie ipara in Ruoth Nyasaye. In e jakonyna kendo jawarna. Kik ideki, yaye Nyasacha!

Zaburi 55:22

Ket chandruokni ni Ruoth Nyasaye, to obiro konyi. Ok nowe mondo olo ng’at maber.

Ngeche 16:3

Ket gik moko duto mitimo e lwet Ruoth Nyasaye, eka itimgi maber.

Mathayo 6:27

Ere ng’ato kuomu ma parruok dimi ndalone medre?

Mathayo 6:28

Ere gima omiyo uparoru kuom lewni? Parieuru kaka ondanyo mae thim dongo. Ok giti gimoro, bende ok gitwang’ lewni ma girwako,

Mathayo 6:31

Emomiyo, kik uparru, kupenjoru ni, ‘Wabiro chamo ang’o?’ Kata ni, ‘Wabiro madho ang’o?’ Kata ni, ‘Wabiro rwako ang’o?’

Mariko 4:38

Yesu noyudo nindo kapier yie, koteno wiye gi raten. Eka jopuonjrene ne jochiewe, kawachone niya, “Japuonj, watho, to ok idew?”

Luka 12:22

Yesu nowacho ni jopuonjrene niya, “Mano emomiyo awachonu ni kik uparru kuom chiemo ma ducham mondo ubed mangima, kata kuom lewni ma durwaki mondo uumgo dendu,

Luka 12:26

Koro ka ok unyal timo kata mana gima tin kamano, to ere gima omiyo uparoru kuom weche mamoko?

Johana 10:13

Ng’atno ringo nikech ondike andika, omiyo ok odew rombe.

Jo-Filipi 4:6

omiyo kik upar gimoro, to nyisuru Nyasaye gik moko duto muchando, kulemo kendo ka chunyu goyone erokamano.

1 Samuel 30:6

Daudi nodhier nono, nikech joge ne wacho ni mondo ogoye gi kite, nimar chunygi ne lit ahinya, ka ng’ato ka ng’ato paro yawuote gi nyige. To kata kamano Daudi noyudo teko kuom Ruoth Nyasaye.