1 Petro 5:3 - MUMA MALER 2015

³ Kik utimru ruodhi ni jogo moketi e lwetu ka kueth mondo uriti, to nyaka udok nigi ranyisi maber.

Motingʼo Loko Manyien

³ Kik utimru ruodhi ewi joma oketi e lwetu mondo uriti, to bedne giuru ranyisi maber.

1 Petro 5:3 ပူးပေါင်းရင်းမြစ်များ

Zaburi 33:12

Oganda ma Ruoth Nyasaye e Nyasachgi nigi hawi. Ee, joma oseyiero mondo obed joge owuon gin joma oguedhi.

Zaburi 74:2

Parie joma ne iyiero chon mondo obed jogi. Gin joma ne iwaro mondo obed ogandani iwuon. Bende parie got Sayun kama ne isedakie.

Ezekiel 34:4

Adier, ok urit rombe moyomno, kendo ok uthiedh mago matuo, bende ok uchom mago motur, bende ok uchok mago moke, kata manyo molal ok umany, to usandogi asanda.

Mika 7:14

A Ruoth Nyasaye, rit jogi miseyiero, kaka jakwath kawo luth, kendo kwayogo jambe. Gidak mana kendgi e thim, ka piny momew olworogi koni gi koni. To we mondo gikwa e lege mag Bashan gi mag Gilead, kaka ne gitimo chon.

Kwan 18:7

To in gi yawuoti kende ema nyaka uti tichu mar dolo mitimo e kendo-mar-misango, kendo mitimo e tok Pasia. Tich dolono e tich ma amiyou. Ng’ato ang’ata ma ok jadolo motiyo tich dolo nyaka negi.”

Johana 13:15

Gima asetimonu en ranyisi, omiyo un bende timuru mana kaka asetimonuno.

Tich Joote 20:28

To tang’uru, kendo rituru kueth duto ma Roho Maler osemiyou mondo uriti. Beduru jokwath mag kanyakla mar joma oyie kuom Nyasaye mane ong’iewo gi remb Wuode owuon.

1 Jo-Korintho 11:11

To kata kamano, kuom Ruoth, dhako ok gimoro ka dichwo onge, mana kaka dichwo bende ok en gimoro ka dhako onge,

1 Jo-Korintho 3:5

Un uparo ni Apolo en ng’a? Koso Paulo to ng’a? Donge wan mana jotich Nyasaye mane omiyo uyie kuom Kristo? Ng’ato ka ng’ato kuomwa tiyo tich mane Ruoth omiye mondo oti.

1 Jo-Korintho 3:9

Waduto wan jotich Nyasaye; un to un puoth Nyasaye, kendo un ot ma Nyasaye gero.

2 Jo-Korintho 1:24

Ok wan gi teko kuom yieu ni nyaka uyie gima wawacho, nikech un joma nigi yie motegno. To watiyo kaachiel kodu mana ni mondo ubed mamor.

2 Jo-Korintho 4:5

Ok waland wach kuomwa wan wawegi, to walando mana wach ni, Kristo Yesu en Ruoth, kendo ni wan mana jotichu nikech Kristo.

Rapar mar Chik 32:9

To Ruoth Nyasaye owuon noyiero joka Jakobo mondo obed joge owuon, kendo obed mwandune.

Jo-Filipi 3:17

Owetena, temuru uduto mondo uluw timna. Wasebedonu ranyisi makare, omiyo ng’iuru ane jogo ma timgi oluwore gi timwa,

Jo-Filipi 4:9

Timuru gik moko duto mane apuonjou, kendo uyudo kuoma, bende ma usewinjo ka awacho kata ka atimo. Eka Nyasach kue nobed kodu.

1 Jo-Thesalonika 1:7

Kuom mano, ne udoko ranyisi ni joma oyie duto manie piny Makedonia, kod piny Akaya,

2 Jo-Thesalonika 3:9

Ok ne watimo kamano nikech ne waonge gi ratiro mar yudo konyruok kuomu, to ne watimo kamano mana ni mondo wabed ranyisi munyalo luwo.

1 Timotheo 4:12

ma ok iyie mondo ng’ato ochayi nikech itin. To bed ranyisi ni jo-Kristo, kuom weche miwacho, gi gik mitimo, kod hera miherogi ji, kendo kuom bedo jaadiera, bende kuom bedo ng’ama ler.

Tito 2:7

In iwuon nyaka ibednigi ranyisi maber, kendo kipuonjo, to nyis ni in ng’at moriere, ma ok dwar oyuma.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!