1 Petro 4:9 - MUMA MALER 2015

⁹ Rwakuru joweteu ma ok ung’ur.

Motingʼo Loko Manyien

⁹ Rwakuru joweteu ma ok ungʼur.

1 Petro 4:9 ပူးပေါင်းရင်းမြစ်များ

Chakruok 24:19

Kane osetieko modho, Rebeka nowachone niya, “Koro adhi omo pi ni ngamia magi mondo omodh kaka gidwaro.”

Jo-Rumi 12:13

Poguru giu ni jo-Nyasaye modhier, kendo beduru joma ohero rwako welo.

Jo-Rumi 16:23

Gayo, ma an wendone, kendo ma bende jarwak jo-Kristo duto man ka e ode, omosou. Erasto ma jakeno mar dala, kod owadwa Kwarto, jomosou. [

2 Jo-Korintho 9:7

Ng’ato ka ng’ato mondo ochiw kaka oseparo e chunye, ma ok ochune, kendo ma ok oywago ang’e, nikech jachiwo mamor ema Nyasaye ohero.

Jo-Filipi 2:14

Gimoro amora mutimo to timuru ka ok ung’ur, kata ka ok ugoyoe mbaka.

1 Timotheo 3:2

Kuom mano jatend kanyakla mar jo-Kristo nyaka bed ng’at ma wach moro marach onge kuome, kendo mokendo dhako achiel kende, bende nyaka obed ng’at moritore, mobidhore, modimbore, mohero rwako welo, kendo ma japuonj molony.

Tito 1:8

To nyaka obed ng’at mohero rwako welo, kendo mohero gik malong’o. Bende nyaka obed ng’at mabidhore, kendo ma jang’ad bura kare, kendo ma timbene ler, kendo mong’eyo ritore owuon.

Filemon 1:14

To ok adwar chuni mondo ikonya, to daher mondo ikonya mana kuom ng’wononi. Kuom mano, ok anatim gimoro ka ok iyiego.

Jo-Hibrania 13:16

Kik uwe mak utimo timbe ng’wono, kendo poguru giu ni joma chandore, nikech mago e misengni ma Nyasaye morgo.

Jo-Hibrania 13:2

Kik uwe mak urwako welo e miechu, nikech rwako welo nomiyo jomoko opo mana korwako malaika!

Jakobo 5:9

Owetena, kik ng’ato ng’ur gi wadgi, mondo chieng’ moro Nyasaye kik ng’adnu bura. Jang’ad bura ni ka kendo ochung’ mana e dhoot.