1 Petro 4:8 - MUMA MALER 2015

⁸ To moloyo nyaka uherru gi chunyu duto, nikech hera miyo iweyo ni ji richo mang’eny.

Motingʼo Loko Manyien

⁸ To moloyo mago duto, herreuru gihera matut ngʼato gi ngʼato, nikech hera umo richo mangʼeny.

1 Petro 4:8 ပူးပေါင်းရင်းမြစ်များ

Ngeche 10:12

Sigu kelo miero, hera to umo ketho duto.

Ngeche 12:16

Ng’at mofuwo nyiso mirimbe piyopiyo. Ng’at mariek to mwonyo ayany.

Ngeche 17:9

Ka idwaro ni mondo ji oheri, to ng’wonnigi ka gitimoni marach. Ka pile ilwero ng’ato kuom gimoro marach mosetimo, to osiep ema iketho.

Ngeche 18:13

Chik iti kapok idwoko penjo. Ka ok itimo kamano to ibedo mofuwo, kendo ikelo wichkuot.

1 Jo-Korintho 13:1

Kata dabed ni awuoyo gi dhok mag ji, kata mana gi dho malaika, to aonge gi hera, to achalo mana okot maywak, kata olang’ migoyo.

1 Jo-Korintho 13:4

Hera timo kinda, kendo ong’won. Ok otim nyiego, kendo ok osungre, bende ok opakre.

Jo-Kolosai 3:14

To ewi mago duto, to beduru gi hera, nikech hera ema riwo gik moko duto bedo achiel chuth.

1 Jo-Thesalonika 3:12

To un, Ruoth mondo omi uherru, kendo uher ji duto gi hera mogundho mana kaka wan bende waherou.

2 Jo-Thesalonika 1:3

Owetewa, nyaka wago erokamano ni Nyasaye nikech un. Owinjore mondo watim kamano nimar yie ma un-go medore ahinya, kendo hera ma ng’ato ka ng’ato kuomu oherogo wadgi bende medore moloyo.

1 Timotheo 1:5

Gima omiyo ne anyisi mondo itim kamano en ni mondo hera mawuok e chuny maler maonge bura, kendo man gi yie maradier, obedie.

Jo-Hibrania 13:1

Hera ma owete kuom Kristo oherorego mondo osiki.

Jakobo 5:12

To owetena, gima duong’ie moloyo gik moko duto en ni, ka usingoru e wach moro, to kik ukuong’oru, bed ni ukuong’oru gi polo, kata gi piny, kata gi gimoro amora. Kudwaro wacho ni, “Ee,” to wachuru mana ni, “Ee” kende. Kata kudwaro wacho ni, “Ooyo,” to wachuru mana ni, “Ooyo,” mondo kik buch Nyasaye lou.

Jakobo 5:20

to ng’euru ni ng’ama odwoko jaricho mobayo yono oreso chunye e tho bende omiyo richo mathoth owe.

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

3 Johana 1:2

Osiepna, akwayo Nyasaye ni mondo idhi maber e yore duto, kendo ibed mangima e ringri mana kaka ang’eyo ni ingima e chunyi bende.