1 Petro 4:7 - MUMA MALER 2015

⁷ Giko mar gik moko duto chiegni. Emomiyo, beduru mariek, kuritoru mondo uikru ni lemo.

Motingʼo Loko Manyien

⁷ Giko gik moko duto chiegni. Emomiyo beduru gi paro maler kendo ritreuru mondo ulam.

1 Petro 4:7 ပူးပေါင်းရင်းမြစ်များ

Chakruok 19:35

Kuom mano ne gichako gimero wuon-gi otienono, mi nyako matin bende nodhi moriwore kode, to Lut ne ok ong’eyo gima timore.

Chakruok 6:13

Eka nowacho ni Nowa niya, “Asechano ni mondo atiek dhano. Abiro negogi duto, nikech piny opong’ gi timbegi maricho.

Eklesiastes 7:2

Ber dhi e dala ma iywagoe ng’at motho, moloyo dhiyo kama itimoe mor, nikech pile joma ngima nyaka par ni tho ema ochikowa waduto.

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Ezekiel 7:6

Gik moko duto orumo! Giko osechopo! Adier, osepoyou, mi urumo!

Mathayo 24:42

Kuom mano, beduru motang’, nikech ok ung’eyo chieng’ ma Ruodhu biroe.

Mathayo 25:13

Eka Yesu notieko ka wachonigi niya, “Mano emomiyo un bende beduru motang’, nikech ok ung’eyo odiechieng’ kata sa ma anabie.”

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,

Luka 21:36

Omiyo beduru motang’ kulemo pile mondo uyud teko mar tony e gik mabiro timore duto, kendo uchung’ e nyim Wuod Dhano.”

Luka 22:46

Nowachonigi ni, “Ang’o momiyo unindo? Auru malo ulem, mondo kik udonj e tem.”

Jo-Rumi 12:12

Geno ma un-go mondo omi ubed mamor. Kisandou, to timuru sinani, kendo lemuru mak uweyo.

1 Jo-Korintho 15:24

Bang’ mano chieng’ giko nochopi, ma Kristo nochiwie loch ni Nyasaye Wuoro, kosetieko loch duto, gi teko duto kod nyalo duto,

1 Jo-Korintho 7:29

Owetena, awachonu kamano nikech ndalo modong’ nok, omiyo chakre kawuono, joma nigi mon mondo obed ka joma ongego,

Jo-Efeso 6:18

Keturu chunyu pile kuom lemo, kukwayo Nyasaye mondo okonyu, kulemo kuom Roho kinde duto. Ritreuru kuom wachni odiechieng’ gotieno, kendo timuru kinda kukwayo ni jo-Nyasaye duto.

Jo-Filipi 4:5

Muolo maru mondo onenre ni ji duto. Ruoth chiegni,

Jo-Kolosai 4:2

Timuru kinda kuom lemo, kendo kulemo kamano, to parou obed moyawore, kendo ugo ni Nyasaye erokamano.

2 Timotheo 4:5

In to, bed modhil kinde duto. Nyaka iyie yudo masira kitiyo tich mar lando Wach Maber, kendo chop tich duto ma omiyi.

Tito 2:12

Ng’wonono puonjowa mondo wawe richo gi gombo mag piny, mi wabed joma oritore kendo makare, ka waluoro Nyasaye e pinyni,

Jo-Hibrania 10:25

Kik wawe mak wachokore kaachiel, kaka jomoko oseweyo timo, to nyaka wajiwreuru ng’ato gi ng’ato, to moloyo onego utim kamano kuneno ka Chieng’ Ruoth sudo machiegni.

Jo-Hibrania 9:26

nikech ka da bed ni otimo kamano, to dine osande pile, chakre chuech piny. To e ndalo ma piny rumoeni osefwenyore mana dichiel kende, ni mondo otiek richo, kochiwore owuon ka misango.

1 Petro 1:13

Emomiyo beduru motang’, ka parou bith. Keturu chunyu duto kuom gueth ma Yesu Kristo biro kelonu kuom ng’wonone ka obiro.

1 Petro 3:7

Un chwo bende daguru gi mondu ka ung’eyo ni gin chuech mang’aw. Omiyo nyaka umigi luor, nimar gin bende giyudo kodu mich mar ngima ma Nyasaye chiwo kuom ng’wonone. Kutimo kamano, to onge gimoro mabiro monou lemo.

1 Petro 5:8

Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam!

Fweny 16:15

(Neuru! Abiro ka jakuo! Ng’at ma neno, kendo ma orwako lepe mondo wiye kik kuodi kowuotho duk, en jahawi!)