1 Petro 4:6 - MUMA MALER 2015

⁶ Joma otho nong’adnigi bura kane pod gin e pinyka, mana kaka ing’ado ni jomoko duto. Wach Maber to ne olandnigi bang’ thogi, mondo gibed mangima kuom chuny, kaka Nyasaye bende ngima.

Motingʼo Loko Manyien

⁶ Mano emomiyo ne oyal Injili nyaka ni joma koro osetho, mondo eka obi ongʼadnegi bura, kaka nongʼad ni ji duto manie ringruok, to chunygi mondo obed mangima kaluwore gi dwaro Nyasaye.

1 Petro 4:6 ပူးပေါင်းရင်းမြစ်များ

Jo-Rumi 8:2

nikech ka ng’ato ni kuom Kristo, to chik mar Roho makelo ngima osegonye kuom chik makelo richo kod tho.

1 Petro 3:19

kendo kuom chuny nodhi molando wach ni chuny mane nie tuech.

Jo-Galatia 5:25

Ka wabedo mangima kuom Roho, to ber mondo wawuothuru bende kuom Roho.

Mathayo 24:9

“E ndalogo, ginimaku ma giteru mondo okumu kendo onegu, bende ogendini duto nobed mamon kodu nikech un joga.

Jo-Galatia 2:19

Korka Chik to an ng’ama otho, ma Chik owuon ema onego, mondo obed mangima ni Nyasaye. Ne ogura gi Kristo e msalape,

Fweny 14:18

Eka malaika machielo man gi teko kuom mach noa e kendo-mar-misango. Ne okok matek ni malaika mane nigi pand keyo mabithno niya, “Kaw pandi mar keyo mabithno mondo ichok olemb mzabibu mag piny nikech olembene ochiek ahinya!”

1 Petro 1:12

Ne onyisgi ni tich koro mane gitiyo ne ok giti ni gin giwegi, to ne gitiyo mana ni un, kendo koro joland wach mane okelonu Injili kuom teko mar Roho Maler mane oor koa e polo, osehulonu wechego ratiro. Gin e weche ma kata mana malaika bende gombo ng’eyo ahinya.

1 Petro 3:18

nimar Kristo owuon notho dichiel kendo mogik nikech richou. Kata obedo ni en ne en ng’ama kare kamano, to notho ni joma ok kare, mondo oterwa ir Nyasaye. Ne oneg ringre, to Nyasaye nomiyo chunye obedo mangima,