1 Petro 4:4 - MUMA MALER 2015

⁴ To tinde ka ok urip gi joma kamago e owruok mar ngima monjawni, to giwuoro, kendo giyanyou!

Motingʼo Loko Manyien

⁴ To tinde ka ok uriwru gi joma kamago e oowruok mar ngima monjawni, to giwuoro kendo giyanyou.

1 Petro 4:4 ပူးပေါင်းရင်းမြစ်များ

Mathayo 23:25

“Mano kaka unune malit, un jopuonj Chik gi jo-Farisai, mawuondore ni ohero Nyasaye! Ulwoko kang’e agwata gi kang’e tawo, to igi to uweyo kopong’ gi gik moyudi e yor mecho kod moyud e yor gombo mokadho ndaga.

Luka 15:13

Bang’ ndalo manok, wuowi machogo noloko gige duto pesa, mi owuok odhi e piny moro mabor. Eka nodonjo e ngima mar anjawo kuno, motieko pesane duto.

Tich Joote 13:45

To kane jo-Yahudi oneno oganda maduong’no nyiego nomakogi ahinya, mi gidagi weche Paulo, ka gikwere kendo giyanye.

Tich Joote 18:6

To kane gidagi wachne, kendo gichako yanye, noteng’onigi lepe, kosiemogi niya, “Ka ulal, to mano nobed wachu uwegi! Anto aonge wach kanyo. Chakre kawuono adhi ir joma ok jo-Yahudi.”

Jo-Rumi 13:13

Ngimawa mondo obed mobidhore, kaka joma wuotho e ler odiechieng’. Waweuru dwanyruok gi mer gi terruok gi anjawo gi dhaw kod nyiego.

Jo-Efeso 5:18

Weuru mer, nono to ubiro ketho ngimau chuth. Kar timo kamano, to Roho ema mondo opong’u.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

1 Petro 3:16

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.

2 Petro 2:12

To jogo chalo gi le maonge rieko, mane onywol mana ni mondo omaki kendo onegi. Giwuoyo marach kuom gik ma gikia, omiyo gin bende notiekgi mana ka le maonge rieko.

2 Petro 2:22

Osetimorenigi mana kaka ngero wacho ni, “Guok odok nang’o ng’okne,” kendo ni, “Ngurue moselwoki odok ng’ielore e chuodho.”

Juda 1:10

Jogi to yanyo gimoro amora ma ok ging’eyo to gik ma ging’eyo mana kuom gombo mag ringregi ka le ma onge rieko e gik matiekogi.