Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Petro 4:3 - MUMA MALER 2015

3 E ndalo mosekadho, ne un gi kinde malach moromou timo gik ma joma ok oyie dwaro. Ne utimo timbe maricho, kaka owruok, gi gombo, gi mer, gi dwanyruok, gi metho mag anjawo, kod lamo nyiseche manono, ma en gima Chik okwero.

အခန်းကိုကြည့်ပါ။ ကော်ပီ

Motingʼo Loko Manyien

3 Nikech ne un gi kinde malach mokadho, nutimo gik ma jopiny ohero timo kaka: dwanyruok, gombo, mer, tugo e thum, math mar anjawo kod lamo nyiseche manono.

အခန်းကိုကြည့်ပါ။ ကော်ပီ




1 Petro 4:3
30 ပူးပေါင်းရင်းမြစ်များ  

Absalom noloso chiemo mathoth, to noyudo osewacho ni jotichne niya, “Ka Amnon osemer, mi awachonu ni, ‘Negeuru,’ to unege. Kik uluor, nikech an awuon ema achikou. Beduru gi chir, kuikoru.”


Notimo gik makuero chuth, kolamo gik maket kaka jo-Amor ne timo. Jo-Amorgo ema ne Ruoth Nyasaye oriembo mondo owe ni jo-Israel.


Kane Asa owinjo weche mane Azaria wuod Oded okorone, notimo chir mogolo nyiseche mokwer e piny Juda gi Benjamin duto kod mier duto ma nokawo e piny gode mag Efraim. Noloso kendo-mar-misango mar Ruoth Nyasaye mane nie nyim agoch Od Ruoth Nyasaye.


To koro jotend Jerusalem duto bende gin jomer. Jodolo mage kod jonabine mer kendo kwang’ nikech kong’o makech, omiyo gitimo gik mofuwo. Gitagore ataga ka gineno fweny, kata ka ging’ado bura.


Yaye, unune malit, un joma chiew gokinyi mang’ich kadhi dwaro kong’o, kendo budho nyaka dier otieno ka mer!


Ne gigwom e liete joma otho, kendo ne gipondo kuonde mobuto otieno duto, bende ne gichamo ring mbidhi, kod chiemo moko makuero.


To dwokgi ni Ruoth Nyasaye owacho kama: ‘Kwereu noweya, mi otiyo ni nyiseche mamoko kendo olamo. Ne giweya kendo ne ok giwinjo chikena.


Abiro miyo gichul nyadiriyo kuom richogi gi timbegi mamono. Gisedwanyo pinya gi nyisechegi maonge gi ngima mana ka ringre joma otho, kendo gisepong’o piny gi nyisechegi mamono gogo.”


“Nyis jo-Israel ma jopiemgo ni an Ruoth Nyasaye ok nachak ayie gi gik makuodo wich ma gisebedo ka gitimo.


Ruoth Nyasaye nowacho niya, “Usetimo richo aming’a un jotend Israel. Weuru timbeu mag mecho kod mag thir muthirogo ji. To timuru mana gik makare kendo mowinjore. Bende kik uchak uriemb joga e lopgi kendo. An Ruoth Nyasaye ema awacho kamano.


gi terruok kod gombo, kaachiel gi gik mamono, kaka wuond gi anjawo gi nyiego gi kuoth gi sunga kod fuwo.


Nyasaye ne ok odewo richo mane ji osebedo ka timo e ndalo mane ok ging’eyo dwarone. To koro osegolo chik ni ji duto kuonde duto, mondo olokre owe richogi,


Ngimawa mondo obed mobidhore, kaka joma wuotho e ler odiechieng’. Waweuru dwanyruok gi mer gi terruok gi anjawo gi dhaw kod nyiego.


Ung’eyo ni kane pok uyie kuom Kristo, ne iterou ir nyiseche manono mamomni, mi ulal.


To kamano e kaka moko kuomu ne chalo! To koro osepwodhu kuom richo, kendo owalu ubed jo-Nyasaye, bende osemi ubet e winjruok gi Nyasaye e nying Ruoth Yesu Kristo, kendo kuom teko mar Roho mar Nyasachwa.


Bende aluor ni ka abiro to Nyasacha dipo ka omiya bedo gi wichkuot e nyimu, mi dabed gi kuyo nikech joma thoth mane oketho, to otamore lokore kuom tim ma ok ler mane gisebedo ka gitimo, kaka terruok kod anjawo.


Timbe mag ngima dhano nenore ratiro. Gin terruok, tim ma ok ler, anjawo,


gombo, mer, dwanyruok, kod gik moko machal kamago. To asiemou, kaka nasiemou chon ni, joma timo gik ma kamago ok noyud gueth mar Loch Nyasaye.


Weuru mer, nono to ubiro ketho ngimau chuth. Kar timo kamano, to Roho ema mondo opong’u.


Kik umi gombou thuolo kaka joma ok oyie Nyasaye timo.


Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.


Luoruru Nyasaye kubedo ka nyithindo ma winjo wach, kendo kik uyie gombo mane un-go e ndalo moko kane pod ukia Nyasaye chak telnu e ngimau.


Nyaka andik kamano nimar jomoko ma ok oluoro Nyasaye, ma gin joma oseketi ni bura oloyo chon nikech wachni, osedonjo kuomu ling’ling’, ka gitemo mondo gilok ng’wono mar Nyasachwa obed anjawo, kendo gidagi Ruodhwa achiel kende, ma en Ruoth Yesu Kristo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ