1 Petro 3:8 - MUMA MALER 2015

⁸ Mogik to uduto nyaka ubed gi chuny achiel, kendo gi paro achiel. Herreuru kaka owete, bende beduru mamuol kendo mang’won.

Motingʼo Loko Manyien

⁸ Mogik, neuru ni un duto un gi chuny achiel kod paro achiel, kuheroru kaka owete, kendo beduru mamuol kendo mangʼwon.

1 Petro 3:8 ပူးပေါင်းရင်းမြစ်များ

Jo-Rumi 12:10

Herreuru kaka owete onego herre, ka ng’ato ka ng’ato miyo owadgi duong’ moloyo en owuon.

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

Jo-Efeso 4:31

Kuom mano, weuru kecho, gi mirima, gi ichwang’, gi dhaw, gi ayany, kod himruok duto.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

Jo-Efeso 4:2

Pile kik ubed joma sungore, to beduru mamuol, kendo horeuru mos, bende nyisuru hera ma uherorugo kuom weyo ni joweteu kethogi.

Zekaria 7:9

“An Ruoth Nyasaye ne awacho niya, ‘Ng’aduru bura kare, ka ng’ato ka ng’ato miyo wadgi luor kendo timone ng’wono.

Jo-Kolosai 3:12

Emomiyo, kaka Nyasaye oseyierou mondo ubed joge owuon mohero, nyaka ubed gi miwafu, gi ng’wono, gi bolruok, gi muolo kod horuok.

1 Jo-Korintho 12:26

Ka fuonni achiel lit, to fuoni duto lit, kendo ka fuonni achiel omi duong’, to fuoni duto bedo mamor kaachiel kode.

Mathayo 18:33

To koro donge owinjore ikech jatich wadu mana kaka an bende nende akechi?’

1 Johana 3:14

Wang’eyo ni wasea e tho, mi wadonjo e ngima. Wangeyo kamano nikech wahero owete. Ng’at ma ok ohero wadgi to osiko e tho.

1 Jo-Korintho 1:10

Owetena, asayou e nying Ruodhwa Yesu Kristo ni beduru gi winjruok uduto kuom gima uwacho, mondo kik ubed gi pogruok e kindu, to uriwru chutho kuom paro achiel kod dwaro achiel.

Tich Joote 4:32

Joma oyie duto ne nigi paro achiel kod chuny achiel. Onge ng’ato kuomgi mane nyalo wacho ni gima en-go en mare owuon, to ne giriwo gik moko duto mane gin-go kaachiel.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”

Jo-Hibrania 13:1

Hera ma owete kuom Kristo oherorego mondo osiki.

2 Petro 1:7

Luoro Nyasaye to jiwuru gi hero owete, hero owete to jiwuru gi hera maradier.

1 Petro 2:17

Miuru ji duto duong’, kendo heruru oweteu kuom Ruoth. Luoruru Nyasaye, to ruodh piny bende miuru duong’.

Zaburi 103:13

Ruoth Nyasaye ohero joma oluore, mana kaka wuoro ohero wuode.

Jakobo 5:11

nimar wakwano joma ohore mos nyaka giko ni gin johawi. Usewinjo bende kaka ne Ayubu ohore mos, kendo ung’eyo gik mane Ruoth omiye e giko, nimar Ruoth ng’won gi lala, kendo okecho ji.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Jo-Filipi 3:16

To wadhiuru nyime mana kwaluwo chike ma waseluwo nyaka sani.

Jo-Rumi 15:5

To Nyasaye ma wuon kinda gi hoch mondo omi ubed gi winjruok achiel kaka Yesu Kristo dwaro,

Tich Joote 28:7

Machiegni gi kanyo ne nitie puothe mag ruodh chulano, ma nyinge Publio. Ne orwakowa, mi oritowa maber kuom ndalo adek.

Tich Joote 27:3

Kinyne ne wachopo Sidon, kendo Julio notimo ng’wono ni Paulo, mi oyiene odhi ir osiepene mondo omiye gik ma dokonyrego.

Tich Joote 2:1

Kane chieng’ Pentekost ochopo, noyudo joma oyie duto ochokore kanyakla.

Ngeche 28:8

Ka iholo ji gik moko mondo odwokni gi ohala, to ohala miyudono nodog ni ng’at machielo makonyo jochan.

Luka 10:33

To kane ja-Samaria moro ma bende noyudo nie wuoth ochopo kanyo, moneno ng’atno, nokeche.

Jo-Efeso 4:32

To beduru mang’won, ka ng’ato ka ng’ato kecho wadgi, kendo weyone richone, mana kaka Nyasaye oseweyonu kuom Kristo.

Jo-Filipi 2:3

Kik ubed gi piem kata sunga, to beduru mobolore, ka ukwanoru ka joma tindoe moloyo jomoko,