1 Petro 3:4 - MUMA MALER 2015

⁴ To beyou onego obed mana mar chuny. En ber ma ok rum, kendo mamuol, kendo modembore, kendo ma nengone tek e nyim Nyasaye.

Motingʼo Loko Manyien

⁴ To chutho ber maru onego obed mano maiye, ma en ber madier mar chuny mamuol kendo mokwe ma en gima duongʼ moloyo e wangʼ Nyasaye.

1 Petro 3:4 ပူးပေါင်းရင်းမြစ်များ

Zaburi 131:2

To abolora, kendo chunya nigi kue. Kaka nyathi ling’ mos e bad min mare e kaka chunya bende ling’ mos e iya.

Zaburi 147:6

Oting’o joma obolore malo, joricho to ochwado piny e lowo.

Zaburi 149:4

nimar Ruoth Nyasaye ohero joge. Oting’o joma obolore malo, komiyo gilocho.

Zaburi 25:9

Bende otelo ni joma muol mondo otim gik makare, kopuonjogi timo gik ma odwaro.

Zaburi 45:13

Nyar ruoth ni e odgi, to mano kaka ojaber! Lepe ochue mana gi usi mar dhahabu.

Zaburi 51:6

To chuny man gi adiera ema idwaro, omiyo pong’ parona gi riekoni.

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Isaya 29:19

Joma muol nochak obed mamor kuom Ruoth Nyasaye. Adier, joma odhierie moloyo nobed mamor kuom Ng’ama Ler mar Israel.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Jeremia 51:59

Seraya wuod Neria ma nyakwar Maseya ne jatich Zedekia ruodh Juda. E higa mar ang’wen mar loch Zedekia, noyudo Seraya dwaro dhi Babulon, omiyo Jeremia ne oore.

Mathayo 11:29

Rwakuru lodi ma amiyou e ng’utu, kendo puonjreuru kuoma, nikech chunya muol kendo dembore.

Mathayo 21:5

‘Nyisuru jo-Sayun ni, Neuru! Ruoth biro iru, kamuol, kendo koidho kanyna. Chutho oidho kanyna matin. Adier, en mana nyathi kanyna.’

Mathayo 23:26

Un jo-Farisai ma muofni, kwonguru ulwok kai agwata, eka ng’eye bende obed maler!

Mathayo 5:5

“Joma muol gin johawi, nikech piny nobed margi.

Luka 11:40

Mano kaka ufuwo! Donge Jal mane ochueyo ng’e gik moko ema nochueyo koda ka igi bende?

Luka 16:15

To Yesu nowachonigi niya, “Un e joma wuorore e nyim ji ni joma kare, to Nyasaye ong’eyo chunyu. Ng’euru ni Nyasaye ochayo gik moko ma dhano kwano ka gik madongo.

Jo-Rumi 1:23

Kar lamo Nyasaye ma ok tho, to gilamo mana kido mar dhano matho, kata mag winy, kata mag le, kod mag gik mamol.

Jo-Rumi 2:29

Ooyo, ja-Yahudi maradier en ng’at ma ja-Yahudi gie chunye, kendo tero nyangu maradier bende en mar chuny. En tich Roho, to ok en tich rito Chik. Kata obedo ni ng’at ma kamano ok yud pak kuom dhano, to oyudo kuom Nyasaye.

Jo-Rumi 6:6

Wang’eyo ni ngimawa machon nogur kode e msalape ni mondo kitwa mar richo orum, kendo ni mondo kik wamed bedo wasumb richo,

Jo-Rumi 7:22

E chunya maiye to amor gi Chik Nyasaye,

2 Jo-Korintho 10:1

An Paulo koro akwayou kuom muolo kod ng’wono mar Kristo mondo uwinja. An ma uwacho ni amuol ka an kodu, to ager ka an mabor kodu,

2 Jo-Korintho 4:16

Kuom mano, chunywa ok nyosre. Kata obedo ni ringrewa rumo, to chunywa iloso manyien pile ka pile,

Jo-Galatia 5:23

muolo, kod ritruok. Onge chik makwedo gik ma kamago.

Jo-Efeso 4:2

Pile kik ubed joma sungore, to beduru mamuol, kendo horeuru mos, bende nyisuru hera ma uherorugo kuom weyo ni joweteu kethogi.

Jo-Kolosai 3:12

Emomiyo, kaka Nyasaye oseyierou mondo ubed joge owuon mohero, nyaka ubed gi miwafu, gi ng’wono, gi bolruok, gi muolo kod horuok.

Jo-Kolosai 3:3

nikech usetho, kendo ngimau koro osepand gi Kristo kuom Nyasaye.

1 Jo-Thesalonika 4:11

Dwaruru dak e ngima mokue, kendo tiju kende ema urangi, ka utiyo gi luetu mana kaka ne wapuonjou mokwongo.

2 Jo-Thesalonika 3:12

E nying Ruoth Yesu Kristo wagolo chik ni joma kamago, kendo wasiemogi ni mondo giti gi kue, giyud gik ma gikonyorego.

1 Timotheo 2:2

Nyaka gilem ni ruodhi gi jotelo duto, mondo wadag e ngima mokue kendo moboch, kwaluoro Nyasaye, kendo ka wan joma odimbore chuth.

2 Timotheo 2:25

kendo marieyo joma dagi wachne gi muolo. Kamoro dipo ka Nyasaye nyalo miyo chunygi lokre mondo ging’e adiera,

Tito 3:2

Nyisgi ni kik giwuo marach kuom ng’ato, kata kik gibed joma ohero dhaw, to gibed joma dwaro kelo winjruok, ka ginyiso ji duto muolo ma gin go.

Jakobo 1:21

Emomiyo wituru gik mochido, gi timbe maricho mogundho. Bolreuru e nyim Nyasaye, kendo yieuru wach mane opidhi e chunyu, nikech en gi teko mar warou.

1 Petro 1:23

nikech kuom wach mangima kendo mosiko mar Nyasaye, osenyuolu nywol manyien, to ok kaka nyithind joma otho, to kaka nyithind Jal ma ok tho.

1 Petro 3:15

Miuru Ruoth Kristo duong’ e chunyu, kendo pile beduru kuikoru dwoko ng’ato ang’ata mapenjou tiend geno ma un-go.

1 Samuel 16:7

To Ruoth Nyasaye nowacho ni Samuel niya, “Kik ing’i wang’e kata borne, nikech asedage. Ruoth Nyasaye ok ng’ichi kaka dhano ng’icho. Dhano ng’iyo ringruok, to Ruoth Nyasaye ng’iyo chuny.”