1 Petro 3:3 - MUMA MALER 2015

³ Kik ulosru maber mana ni mondo oneu, kukado yie wiu maber, kendo kurwako tigo mag dhahabu kod lewni mabeyo.

Motingʼo Loko Manyien

³ Ber maru ok onego onenre mana kuom gik mulichogo dendu ma oko: kaka kado wich gi rwako bangli mag dhahabu kod lewni ma nengogi tek.

1 Petro 3:3 ပူးပေါင်းရင်းမြစ်များ

Chakruok 24:22

Kane Rebeka osetieko omo pi ni ngamia, ng’atno nokawo tere mar um ma nengone tek, moketo e um Rebeka, kaachiel gi bangli ariyo mag dhahabu ma pekgi oromo achiel kuom apar mar kilo, moketo e bade.

Chakruok 24:47

Bang’e napenje niya, ‘In nyar ng’a?’ Nodwoka ni, ‘An nyar Bethuel, wuod Nahor gi Milka.’ Eka naketo tere e ume, kod bangli e bade,

Chakruok 24:53

Eka nomiyo Rebeka gik moko mag fedha gi mag dhahabu, kaachiel gi lewni. Owadgi Rebeka kod min-gi bende nomiyo chiwo moko ma nengogi tek.

2 Ruodhi 9:30

Kane Jehu ochopo Jezreel, Jezebel nowinjo birone, omiyo nowiro wang’e gi mo, kendo oloso yie wiye. Eka nong’icho gie dirisa.

Zaburi 45:9

Nyiri moko manie dalani gin nyi ruodhi, to e bath komi korachwich, chiegi ochung’ie, korwakore gi dhahabu maler moa Ofir.

Wuok 3:22

Dhako ka dhako nodwar gik moko mag fedha kod dhahabu, kaachiel gi lewni kuom jagweng’gi, kendo kuom dhako moro amora modak kode e ode. Unurwak nyithindu gi gigo, kendo mano e kaka unuyak jo-Misri.”

Wuok 32:2

Harun nodwokogi niya, “Deduru bonje mag dhahabu ma mondu gi yawuotu kod nyiu orwako mondo ukelna.”

Wuok 33:4

Kane jo-Israel owinjo wach magerno, ne gichako ywak, mi onge ng’at ma norwako bonjene.

Wuok 35:22

Mon gi chwo nobiro, kendo ng’ato ka ng’ato ma noyie golo chiwo nokelo ngaga gi sitadi gi bony gi mula kod gimoro amora maber mar dhahabu. Ji duto nokelo ni Ruoth Nyasaye chiwo mag dhahabu,

Wuok 38:8

Nolenyo mula mag rangi mane okawo kuom mon mane tiyo e dho Hemb Romo, mi olosogo karaya mar lwok kod rachungine.

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Jeremia 2:32

Bende wi nyako nyalo wil gi gik ma olichorego? Koso wi miaha nyalo wil gi lawe mar kisera? An to, wi joga osewil koda kuom ndalo mang’eny mokadho akwana.

Jeremia 4:30

Un jo-Jerusalem, urumo! Ere gimomiyo urwakoru gi lewni mabeyo, koso ere gima omiyo urwako stadi kendo uwiro wengeu? Ubisoru maber kayiem nono, to chodeu oseweyou, kendo koro dwaro negou.

Ezekiel 23:40

“Bende ne gioro joote mondo oluong joma odak e piny moro mabor, mi jogo nobiro. Eka mon ariyogo nolwokore, mi owiro wang’gi kendo olichore gi gik ma nengogi tek.

Jo-Rumi 12:2

Kik uluw timbe mag pinyni, to lokreuru mondo parou odok manyien, eka ubiro ng’eyo gik ma Nyasaye dwaro. Gin gik mabeyo kendo malong’o ma Nyasaye oyiego.

1 Petro 3:2

kendo kaka timu ler, kendo kaka uluoro Nyasaye, kata ka ok uwachonigi gimoro.