1 Petro 3:2 - MUMA MALER 2015

² kendo kaka timu ler, kendo kaka uluoro Nyasaye, kata ka ok uwachonigi gimoro.

Motingʼo Loko Manyien

² ka gineno bidhruok gi luor mar ngimau.

1 Petro 3:2 ပူးပေါင်းရင်းမြစ်များ

Jo-Efeso 5:33

To un bende owuoyo kuomu kama: Ng’ato ka ng’ato mondo oher chiege kaka oherore owuon, kendo dhako ka dhako bende nyaka luor chwore.

Jo-Efeso 6:5

Un wasumbini, winjuru wach ruodhiu mae pinyni, kuluor kendo kutetni, kendo timuru kamano gi chuny achiel, mana kaka uwinjo Kristo.

Jo-Filipi 1:27

To koro nyaka une ni ngimau mapile obedo mowinjore gi Wach Maber mar Kristo. Kata ka abiro nenou, kata ka ok abiro, to adwaro winjo ni uchung’ motegno gi chuny achiel, mondo uked ni adiera mar Wach Maber.

Jo-Filipi 3:20

Wan to polo e thurwa, kendo warito Ruoth Yesu Kristo mondo oa e polo obi oreswa.

Jo-Kolosai 3:22

Un wasumbini bende, winjuru chutho ruodhiu mae pinyni, kendo ka utiyo, to kik uti mana ni mondo ji oneu, ka gima udwaro bedo malong’o ni ji, to keturu chunyu e tichu, nikech uluoro Ruoth

1 Timotheo 4:12

ma ok iyie mondo ng’ato ochayi nikech itin. To bed ranyisi ni jo-Kristo, kuom weche miwacho, gi gik mitimo, kod hera miherogi ji, kendo kuom bedo jaadiera, bende kuom bedo ng’ama ler.

1 Petro 1:15

Kaka Jal mane oluongou ler, e kaka un bende nyaka ubed maler e timu duto.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

1 Petro 3:1

Un mon bende nyaka uluor chwou, mondo ka nitie chwo moko ma ok oyie, to gilokre ka gineno kaka ngimau chal,

1 Petro 3:3

Kik ulosru maber mana ni mondo oneu, kukado yie wiu maber, kendo kurwako tigo mag dhahabu kod lewni mabeyo.

2 Petro 3:11

Ka gigo duto biro leny nono kamano, koro un uparo ni onego ubed joma chal nadi? Donge onego ubed joma ler, mochiwore ni Nyasaye,