1 Petro 3:1 - MUMA MALER 2015

¹ Un mon bende nyaka uluor chwou, mondo ka nitie chwo moko ma ok oyie, to gilokre ka gineno kaka ngimau chal,

Motingʼo Loko Manyien

¹ Kamano un bende mon luoruru chwou, mondo ka moko kuomgi pok oyie to gilokre, ok nikech wecheu to nikech timbeu maler,

1 Petro 3:1 ပူးပေါင်းရင်းမြစ်များ

Chakruok 3:16

Eka nowacho ni dhako niya, “Anamedni chandruok ka in gi ich, kendo muoch nokayi kinyuol. Kata kamano inigomb mondo ibed gi chwori, to enobed ng’ama chiki.”

Ngeche 11:30

Tim makare kelo ngima maber. Timbe mahundu to kelo mana tho!

Ngeche 18:19

Kikonyo owadu, to enoriti mana ka dala mochiel motegno, to ka idhaw kode to enolorni dhoot.

Mathayo 18:15

“Ka wadu moro otimoni marach, to dhi ire mondo inyise wachno ka un kode ji ariyo. Ka owinjo wachni to iloso kindi gi wadu.

Jo-Rumi 10:16

To ok en ni ji duto ne oyie Wach Maberno, to obet mana kaka Isaya wacho niya, “Ruoth, ere ng’ama oseyie wach mwalando?”

Jo-Rumi 6:17

To wagoyo ni Nyasaye erokamano nikech kata obedo ni yande un wasumb richo, to koro urito puonj mane omiu gi chunyu duto.

Jo-Rumi 7:2

Wakawuru dhako man gi chwore kaka ranyisi: Chik kend otueye kuom chwore ka pod chwore ngima. To ka chwore otho, to ogonye kuom chik mane otueye kuom chwore.

1 Jo-Korintho 11:3

To adwaro ni mondo ung’e ni wi dichwo ka dichwo en Kristo, kendo wi dhako en dichwo, to wi Kristo en Nyasaye.

1 Jo-Korintho 14:34

Mon to mondo oling’ e chokruok mana kaka obet e chokruok duto mag jo-Kristo. Ok oyienigi wuoyo, mana kaka Chik Musa bende wacho.

1 Jo-Korintho 7:16

In dhako moyie, ing’eyo nadi kata dires chwori? Koso in dichwo moyie, ing’eyo nadi kata dires chiegi?

Jo-Efeso 5:33

To un bende owuoyo kuomu kama: Ng’ato ka ng’ato mondo oher chiege kaka oherore owuon, kendo dhako ka dhako bende nyaka luor chwore.

Jo-Kolosai 3:18

Un mon, winjuru chwou, nimar mano e gima joma obedo kuom Ruoth onego tim.

Jo-Kolosai 4:5

Ng’euru kaka utiyo gi rieko gi joma ok oyie kuom Kristo, ma ok uketho kinde ma un go kata matin.

2 Jo-Thesalonika 1:8

e mach maliel mondo ochul kuor ni joma ok oyie Nyasaye, kendo ni joma odagi winjo Wach Maber man kuom Ruodhwa Yesu.

Jo-Hibrania 11:8

Yie ema nomiyo Ibrahim oyie luong mar Nyasaye, mi odhi e piny mane Nyasaye osingore ni nomiye, kendo noweyo pinygi ka okia kuma odhiye.

Jo-Hibrania 5:9

Kendo kane osebedo ng’ama kare chuth, nodoko jakel warruok mosiko ni ji duto mawinjo wachne,

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

1 Petro 3:2

kendo kaka timu ler, kendo kaka uluoro Nyasaye, kata ka ok uwachonigi gimoro.

1 Petro 3:7

Un chwo bende daguru gi mondu ka ung’eyo ni gin chuech mang’aw. Omiyo nyaka umigi luor, nimar gin bende giyudo kodu mich mar ngima ma Nyasaye chiwo kuom ng’wonone. Kutimo kamano, to onge gimoro mabiro monou lemo.

1 Petro 4:17

Ndalo mar ng’ado bura osechopo, kendo jo-Nyasaye ema ikwongo ng’ad nigi bura! To ka wan ema bura ochakore kuomwa kamano, to jogo ma otamore winjo Wach Maber mar Nyasaye to nobed nadi,