1 Petro 2:7 - MUMA MALER 2015

⁷ Un joma uyie ema ung’eyo ni kidino nengone tek, to joma ok oyie to, “Kidi mane jogedo odagi osedoko kidi motegno moriwo kor ot.”

Motingʼo Loko Manyien

⁷ Kidini nigi nengo matek mana ni un joma oyie. To kuom joma ok oyie to, “Kidi mane jogedo odagi koro osedoko kidi moriwo kor ot,”

1 Petro 2:7 ပူးပေါင်းရင်းမြစ်များ

Isaya 28:5

Chieng’no Ruoth Nyasaye Manyalo Gik Moko Duto ema nobed osimbo maber mar duong’ ni joge manok modong’.

Hagai 2:7

Bende anayieng ogendini duto, mi mwandugi duto nobi ka, mi anapong’ Hekalu gi duong’ maler. An Ruoth Nyasaye ema awacho kamano.

Zekaria 4:7

Kata da bed ni thagruok mochomo Zerubabel dongo ka gode, to ginipie ka pewe. En ema obiro keto kidi matieko gero Hekalu, ka ji kok niya, ‘Mano kaka Hekalu ber! Ruoth Nyasaye mondo oguedhe.’ ”

Mathayo 21:42

Eka Yesu nopenjogi ni, “Pok usomo e Muma niya, ‘Kidi mane jogedo odagi, ema koro osedoko kidi motegno moriwo kor ot. Mano en tich Ruoth Nyasaye, kendo en gima lichnwa miwuoro’?

Luka 2:32

kendo ma biro kelo duong’ ni jogi Israel.”

Luka 2:34

Simeon noguedhogi, mowacho ni Maria min nyathino niya, “Nyathini oketi mondo ji mang’eny ochung’ e Israel, kendo enobed ranyisi ma ji dagi.

Luka 20:17

Yesu norangogi, mopenjogi niya, “To kara, ere tiend weche mondiki e Muma ma wacho ni, Kidi mane jogedo odagi, ema koro osedoko kidi motegno moriwo kor ot’?

Johana 4:42

Omiyo ne giwacho niya, “Koro wayie, to ok nikech gima nyocha iwacho, to mana nikech wasewinje gi itwa wawegi, kendo koro wang’eyo ni en Jawar mar piny.”

Tich Joote 26:19

“Kamano, Ruoth Agripa, ne ok adagi winjo wach fweny mane ayudo koa e polono.

Jo-Rumi 10:21

Kuom jo-Israel to owuoyoe niya, “Odiechieng’ duto narieyo bada, ka ahombo oganda ma wigi tek kendo ma piem koda, mondo oduog ira.”

Jo-Rumi 15:31

mondo oresa kuom jo-Judea motamore yie, kendo mondo jo-Nyasaye man Jerusalem oyie gi tich ma atiyonigi.

2 Jo-Korintho 2:16

Kuom joma lal en tik mar tho makelo tho, to kuom joma ireso to en tik mar ngima. Koro ere ng’ama nyalo gik ma kamago?

Jo-Kolosai 2:10

omiyo ka un kuom Kristo, to un gi gik moko duto te, nikech en e jatelo moloyo jotelo duto, kendo oloyo teko duto.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.

Jo-Hibrania 11:31

Yie ema ne omiyo Rahab, dhako mane jachode, ok onegi kane inego joma ne otamore winjo wach Nyasaye. Ne ok onege nikech ne oserwako jombetre gi ng’wono.

Jo-Hibrania 4:11

Emomiyo waketuru chunywa mondo wadonji e yueyono. Kik watamre yie kaka jogo notamore, nono to walal.

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,

1 Petro 2:4

Omiyo biuru ire. En kidi mangima mane ji odagi ni onge tich. Nyasaye to ne oyiere, kendo omiye duong’.

1 Petro 2:8

Muma kama chielo to wacho ni, “En e kidi mabiro chwanyo ji; Lwanda ma nomi gipodhi.” Gichwanyore nikech gidagi winjo Wach Maber. Mano e gima ne Nyasaye owalonigi.