1 Johana 5:9 - MUMA MALER 2015

⁹ Ka wanyalo yie ni weche ma dhano wacho gin adier, to nyaka wayie gima Nyasaye wacho moloyo, kendo Nyasaye owuon osenyisowa ni gima owacho kuom Wuode en adier.

Motingʼo Loko Manyien

⁹ Wayie gi nend dhano, to nend Nyasaye ema duongʼ moloyo nikech en neno ma Nyasaye owuon osewacho kuom Wuode.

1 Johana 5:9 ပူးပေါင်းရင်းမြစ်များ

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”

Johana 10:38

To ka atiyo tichne, to kata ka ok unyal yie koda, to onego uyie gi tich matiyo, mondo ung’e chutho ni an ei Wuora kendo Wuora ni eiya.”

Johana 5:39

“Uketo chunyu kuom somo Muma, ka uparo ni Muma nyalo miyo uyud ngima ma nyaka chieng’. Adier, Muma ema wuoyo kuoma,

Tich Joote 17:31

nimar oseketo chieng’ ma obiro miyo ng’at moseyiero ng’adoe bura gi adiera. Bende osenyiso ji duto malong’o ni obiro timo kamano, kuom chiero ng’atno a kuom joma otho.”

Tich Joote 5:32

Wan, kaachiel gi Roho Maler ma Nyasaye miyo joma oluore, ema wanyiso ji ni gigo notimre adier.”

Jo-Hibrania 2:4

Nyasaye owuon bende nonyiso ni en adier, kuom timo ranyisi gi honni kod tije madongo mopogore opogore, kendo kuom pogonwa mich mag Roho kaka en owuon odwaro.

Jo-Hibrania 6:18

Kuom mano, Nyasaye nokonyore gi gik moko ariyo ma ok nyal lokore, kendo ma ok onyal wachoe miriambo, tiende ni singruok gi kuong’ruok. To wan, joma osetony, koro wayudo jip motegno ka wamakogo geno manie nyimwa.

1 Johana 5:10

Ng’at moyie kuom Wuod Nyasaye to ong’eyo e chunye ni gima Nyasaye wacho en adier. To ng’at ma ok oyie Nyasaye miyo Nyasaye doko jamriambo, nikech ok oseyie gi gima Nyasaye osewacho kuom Wuode.

1 Johana 5:8

gin Roho gi pi kod remo, kendo gik moko adekgo nyiso mana gimoro achiel.