1 Johana 4:8 - MUMA MALER 2015

⁸ To ng’at maonge gi hera ok ong’eyo Nyasaye, nikech Nyasaye en hera.

Motingʼo Loko Manyien

⁸ Ngʼat maonge hera kia Nyasaye, nikech Nyasaye en hera.

1 Johana 4:8 ပူးပေါင်းရင်းမြစ်များ

Zaburi 86:15

Ruoth, in e Nyasaye ma jang’wono kendo makecho ji. Iyi ok wang’ piyo, kendo inyiso adierani kod herani mosiko.

Zaburi 86:5

A Ruoth Nyasaye, iber kendo ing’wono ni ji, bende inyiso herani mogundho ni ji duto maywakni.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

Jo-Efeso 2:4

To Nyasaye noherowa ahinya, omiyo nonyisowa kaka ng’wonone ogundho,

Jo-Hibrania 12:29

nikech Nyasachwa en mach ma tieko gik mowang’o duto.

1 Johana 1:5

Wach mane wawinjo ka Yesu wacho, kendo ma koro wanyisou e ma: Nyasaye en ler, kendo mudho onge kuome kata matin.

1 Johana 2:4

To ka ng’ato wacho ni ong’eyo Nyasaye, to ok orito chikene, to en jamriambo, kendo adiera onge e chunye.

1 Johana 2:9

Ng’at mawacho ni nie ler to mon gi wadgi, pod nie mudho.

1 Johana 3:10

Pogruok manie kind nyithind Nyasaye gi nyithind Satan ong’ere kama: Ng’at ma ok tim gima kare, kata ma ok ohero wadgi, ok en nyathi Nyasaye.

1 Johana 3:6

Kuom mano ng’at mosiko kuome ok tim richo. To ng’at matimo richo pok onene, bende ok ong’eye.

1 Johana 4:16

Wang’eyo hera ma Nyasaye oherowago, kendo wageno kuom herano. Nyasaye en hera kendo ng’at mosiko ei hera, osiko ei Nyasaye, kendo Nyasaye osiko e iye.

1 Johana 4:7

Osiepena, waherreuru, nimar hera en mar Nyasaye, omiyo ka ng’ato nigi hera, to en nyathi Nyasaye.