1 Johana 4:1 - MUMA MALER 2015

¹ Osiepena, kik uyie ni ji duto mawacho ni nigi Roho, nigi Roho adier, to temgiuru mondo une ane ka Roho ma gin-go oa kuom Nyasaye, nikech johul wach mang’eny mag miriambo osebiro e piny

Motingʼo Loko Manyien

¹ Osiepena mageno kik uyie roho duto, to temgiuru mondo ufwenygi ka bende gia kuom Nyasaye nikech jonabi mag miriambo mathoth osebiro e piny koni gi koni.

1 Johana 4:1 ပူးပေါင်းရင်းမြစ်များ

1 Ruodhi 13:18

Janabi motino nowuonde, kawachone niya, “An bende an janabi kaka in, kendo malaika osekelona wach Ruoth Nyasaye ni mondo abi aomi, wadhi e oda, ichiem.”

Ngeche 14:15

Ng’at ma riekone tin yie gimoro amora mowinjo. Ng’ama riek to ong’eyo pogo weche.

Jeremia 14:14

To Ruoth Nyasaye nowachona niya, “Jonabigo koro weche mag miriambo e nyinga. An ne ok aorogi, kendo ne ok amiyogi chik, bende ne ok awuoyo kodgi. Gik ma giwachonugo gin fweny ma ok owuok kuoma, to gikoro mana weche manono ma giparo apara.

Jeremia 23:16

Ruoth Nyasaye Manyalo Gik Moko Duto wacho ji jo-Jerusalem niya, “Kik uwinj gima jonabi wachonu, nikech gimiyo ugeno kuom gik ma ok bi timore. Ginyisou gik ma giparo apara giwegi, to ok gik ma an ema awacho.

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Mariko 13:21

“Ka ng’ato owachonu e ndalogo ni, ‘Neuru, ma e Mesia,’ kata ni, ‘Macha e en’ to kik uyie,

Luka 12:57

“Marang’o un uwegi ok ung’eyo gima kare monego utim?

Luka 21:8

Yesu nodwokogi niya, “Beduru motang’, mondo kik wuondu, nikech ji mang’eny nobi gi nyinga, kawacho ni, ‘An e en,’ kendo ni, ‘Ndalo chiegni.’ To kik uluwgi!

Tich Joote 17:11

Jo-Yahudi mane odak kuno ne nigi chuny mathuolo moloyo mago mane odak Thesalonika. Ne gichiko itgi mi giwinjo wach gi chuny moyangore chuth, kendo ne gisomo Muma pile mondo gine ane ka weche Paulo gin adier.

Tich Joote 20:29

Ang’eyo ni ka asea, to ondiegi mangemo nodonj e dieru, kendo ok giniwe kueth ngang’!

1 Jo-Korintho 12:10

Bende ng’at moro Roho omiyo teko mar timo honni, to ng’at machielo to omiyo teko mar hulo wach moa kuom Nyasaye, to eka moro to omiyo teko mar pogo mich moa kuom Roho kod mago ma ok oa kuom Roho. Ng’at machielo to omiyo teko mar dhumo dhok mayoreyore, eka moro to omiyo teko mar loko tiend weche midhumogo.

1 Jo-Korintho 14:29

To kuom jogo mahulo wach moa kuom Nyasaye, ji ariyo kata adek ema mondo olosi. Ji mamoko to mondo opim ane wechegigo.

1 Jo-Thesalonika 5:20

kendo kik ucha weche mag joma hulo wach moa kuom Nyasaye.

1 Jo-Thesalonika 5:21

Temuru gik ma kamago duto, kendo rituru mabeyo kuomgi,

2 Jo-Thesalonika 2:2

Wakwayou mondo kik uparru, kata kik chunyu chandre, kugalo ni Chieng’ Ruoth osechopo.

1 Timotheo 4:1

Roho wacho malong’o ni e ndalo giko, ji moko nowe yie marwa, ka gichiko itgi ni puonj mag jochiende ma miyo ji lal.

2 Timotheo 3:13

To joma richo gi joma wuondore nomed bedo joma richo moloyo, ka giwuondo ji, kendo gin bende iwuondogi.

2 Petro 2:1

To jonabi mag miriambo bende nowuok kuom oganda Nyasaye e ndalo mokadho. Kamano bende e kaka jopuonj mag miriambo biro wuok kuomu. Ginikel ling’ling’ puonj mag miriambo maketho ji, kendo ginikwed kata mana Ruoth mane owarogi, mi gimi tiekgi piyopiyo nono.

1 Johana 2:18

Nyithinda, giko koro chiegni! Ne onyisu ni Jasik Kristo nobi, to koro wasik Kristo mang’eny osetucho, omiyo wang’eyo ni giko chiegni.

1 Johana 2:7

Osiepena, chik ma andikonuni ok en chik manyien, to en chik machon ma usebedogo nyaka a chakruok.

2 Johana 1:7

Jowuond mathoth osewuok e piny. Gin e jogo ma ok oyie ni Yesu Kristo nobiro kaka dhano. Ng’at ma kamano en jawuond, kendo en Jasik Kristo.

3 Johana 1:11

Osiepna, kik iluw tim marach, to luw tim maber. Ng’at matimo maber en ng’at Nyasaye, to ng’at matimo marach, to pok oneno Nyasaye.

Fweny 2:2

Ang’eye timbeni gi tichni matek kod kinda misetimo, kendo ang’eyo bende ni in ok inyal yie gi joma richo, bende isetemo joma luongore ni joote, to ok gin joote, mi inwang’o ni gin jomriambo.