1 Johana 3:1 - MUMA MALER 2015

¹ Mano hera maduong’ manadi ma Wuoro osenyisowa kuom luongowa ni nyithind Nyasaye! Adier, wan nyithinde! Gimomiyo piny ok ong’eyowa en ni, piny kia Nyasaye.

Motingʼo Loko Manyien

¹ Mano kaka hera ma Wuoro oherowago duongʼ kuom luongowa ni nyithind Nyasaye. Kendo mano e gima wan! Gimomiyo piny, ok ongʼeyowa en nikech piny ne ok ongʼeye.

1 Johana 3:1 ပူးပေါင်းရင်းမြစ်များ

2 Samuel 7:19

To gima isetimona pod in ikwano ka gima tin, nimar bende isewacho ni dhooda nosik kuom ndalo mang’eny, kendo isenyisa kaka tienge mabiro nochal.

Zaburi 31:19

Mano kaka gik mikano ni joma oluori beyo! Rit miritogo joma ogeno kuomi bende lich miwuoro.

Jeremia 3:19

“Un jo-Israel aseyie kawou ka yawuota, mondo amiu piny maberie moloyo pinje mamoko duto. Ne aparo ni ubiro luonga ni wuonu, kendo ok nuchak uweya.

Hosea 1:10

“To kata kamano jo-Israel nobed mang’eny ma ok nyal kwan kata pim, mana ka kuoyo mae dhonam. Sani koro awachonigi ni ok gin joga, kendo chieng’ moro nawachnigi niya, ‘Un nyithind Nyasaye mangima’,

Luka 20:36

Adier ok ginyal tho kendo, nikech gichal gi malaika, kendo gin nyithind Nyasaye, nimar gin joma osechier.

Johana 1:12

To ji duto mane orwake, mi oyie kuome, nomiyo teko mar doko nyithind Nyasaye.

Johana 11:52

To ne ok okoro ni Yesu biro tho mana ne jo-Yahudi kende, to ni obiro tho mondo ochok nyithind Nyasaye obed e kanyakla achiel.

Johana 15:21

To ginitimnu kamano mana nikech an, nimar gikia Jal mane oora.

Johana 16:3

Ginitim kamano nikech ok ging’eyo Wuoro, kata an.

Johana 17:25

A Wuora makare, kata obedo ni piny ok ong’eyi, an to ang’eyi, kendo jogi bende ong’eyo ni ne iora.

Johana 3:16

Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’.

Jo-Rumi 5:8

To gima nyisowa ni Nyasaye oherowa gi hera maduong’ en ni Kristo nothonwa kane pod wan joricho.

Jo-Rumi 8:19

Gik moko duto mochue rito kogeno ahinya mondo Nyasaye omi nyithinde ofwenyre.

Jo-Rumi 8:21

chieng’ moro nogony gik moko duto mochue, mondo kik gibed gik matow, to giyud thuolo maduong’ ma nyithind Nyasaye nigo.

Jo-Rumi 8:32

Nyasaye ne ok otimo migundia kuom Wuode owuon, to ne ochiwe mi otho nikech wan duto. To kane ochiwo Wuode kamano, to ere kaka dotamre miyowa gik moko duto mogundho?

2 Jo-Korintho 6:18

Kutimo kamano to eka anabed wuonu, kendo unubed yawuota gi nyiga. An Ruoth Nyasaye Manyalo Gik Moko Duto ema awacho kamano.”

Jo-Galatia 3:26

nimar kuom yie uduto un nyithind Nyasaye kuom Yesu Kristo.

Jo-Galatia 3:29

To ka un jo-Kristo, to kara un nyikwa Ibrahim, kendo unuyud mich mane Nyasaye osingore.

Rapar mar Chik 14:1

“Un e nyithind Ruoth Nyasaye ma Nyasachu, omiyo kik usar dendu kata kik uliel nyiem wengeu kuywago ng’at motho,

Jo-Kolosai 3:3

nikech usetho, kendo ngimau koro osepand gi Kristo kuom Nyasaye.

1 Johana 3:10

Pogruok manie kind nyithind Nyasaye gi nyithind Satan ong’ere kama: Ng’at ma ok tim gima kare, kata ma ok ohero wadgi, ok en nyathi Nyasaye.

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.

1 Johana 4:17

Ka hera malong’o opong’o chunywa, to wanyalo bedo gi chir Chieng’ Bura, nikech ngimawa e pinyni chalo gi mar Kristo.

Fweny 21:7

Ng’at molocho noyud gigo, kendo anabed Nyasache, to enobed wuoda.