1 Johana 2:7 - MUMA MALER 2015

⁷ Osiepena, chik ma andikonuni ok en chik manyien, to en chik machon ma usebedogo nyaka a chakruok.

Motingʼo Loko Manyien

⁷ Joherana, chik ma andikonuni ok en manyien. En chik musebedogo nyaka aa chakruok. Chikno en e wach ma usewinjo.

1 Johana 2:7 ပူးပေါင်းရင်းမြစ်များ

Tim jo-Lawi 19:18

Kik ichul kuor kata kik ibed mamon gi jowadu, to nyaka iher wadu kaka iherori iwuon. An e Ruoth Nyasaye.

Tim jo-Lawi 19:34

Nyaka urite mana kaka wuodu, kendo uhere mana kaka uheroru uwegi, nikech un bende ne un jodak e piny Misri. An e Ruoth Nyasaye ma Nyasachu.

Mathayo 5:43

“Usewinjo ni ne owachi ni, nyaka uher joweteu, to ubed mamon gi wasiku.

Johana 13:34

Amiyou chik manyien ni mondo uherru. Kaka aseherou e kaka ng’ato ka ng’ato mondo oher wadgi.

Tich Joote 17:19

Omiyo ne giluonge mondo odhi kodgi e buch jodonggi machokore e got Areopago, eka ne gipenje niya, “Diyie inyiswae tiend puonj manyien ma iwachoni?

Rapar mar Chik 6:5

Heruru Ruoth Nyasaye ma Nyasachu gi chunyu duto, gi parou duto, kendo gi tekou duto.

Jo-Hibrania 6:9

To jowadwa, kata ka wawuoyo kodu kama, to wageno ni ubiro yudo gik mabeyo ma warruok kelo.

1 Johana 2:24

Un to neuru ni wach musewinjo nyaka a chakruok osiko e chunyu. Ka gima nuwinjo nyaka a chakruokno osiko e chunyu, to pile unusik ka unie achiel gi Wuowi kod Wuoro.

1 Johana 3:11

Wach musewinjo nyaka a chakruok en ni ng’ato ka ng’ato nyaka her wadgi.

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.

1 Johana 3:21

Osiepena, ka chunywa nyisowa ni bura ok oloyowa, to wanyalo biro e nyim Nyasaye gi chir

1 Johana 3:23

To chik ma Nyasaye omiyowa en ni mondo wayie kuom nying Wuode Yesu Kristo, kendo waherre ng’ato gi ng’ato mana kaka nochikowa.

1 Johana 4:1

Osiepena, kik uyie ni ji duto mawacho ni nigi Roho, nigi Roho adier, to temgiuru mondo une ane ka Roho ma gin-go oa kuom Nyasaye, nikech johul wach mang’eny mag miriambo osebiro e piny

1 Johana 4:11

Osiepena, ka kamano e kaka Nyasaye noherowa, to owinjore wan bende waherre.

1 Johana 4:21

To chik ma waseyudo kuom Nyasaye e ma: Ng’ama ohero Nyasaye nyaka her owadgi bende.

1 Johana 4:7

Osiepena, waherreuru, nimar hera en mar Nyasaye, omiyo ka ng’ato nigi hera, to en nyathi Nyasaye.