1 Johana 2:4 - MUMA MALER 2015

⁴ To ka ng’ato wacho ni ong’eyo Nyasaye, to ok orito chikene, to en jamriambo, kendo adiera onge e chunye.

Motingʼo Loko Manyien

⁴ To ngʼat mawacho ni ongʼeye to ok tim gima odwaro en ja-miriambo kendo adiera onge e chunye.

1 Johana 2:4 ပူးပေါင်းရင်းမြစ်များ

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.

Tito 1:10

Chutho, nitie ji mang’eny ma wang’gi tek, kendo mohero weche mag ayiem, bende ma jowuond. To moloyo gin jo-Yahudi moyie kuom Kristo.

Tito 1:16

Giwacho ni ging’eyo Nyasaye, to timbegi nyiso ni gidage. Gin joma timbegi mono, kendo ma ok winj wach, kendo ma ok nyal timo gimoro maber.

1 Johana 1:10

To ka wawacho ni ok wasetimo richo, to wamiyo odoko jamriambo, kendo wachne onge e chunywa.

1 Johana 1:6

Ka wawacho ni wan e achiel kode, to eka pod wawuotho e mudho, to wariambo, kendo ok wawuoth e adiera.

1 Johana 1:8

Ka wawacho ni waonge richo, to wawuondore kendwa, kendo adiera onge e chunywa.

1 Johana 2:3

Ka warito chik Nyasaye, eka wan gi ratiro ni wang’eye.

1 Johana 2:9

Ng’at mawacho ni nie ler to mon gi wadgi, pod nie mudho.

1 Johana 3:6

Kuom mano ng’at mosiko kuome ok tim richo. To ng’at matimo richo pok onene, bende ok ong’eye.

1 Johana 4:20

Ka ng’ato wacho ni ohero Nyasaye to omon gi owadgi, to ojamriambo, nikech ok nyal bet ni ng’ama ok ohero owadgi ma oneno, nyalo hero Nyasaye mapok oneno.

1 Johana 4:7

Osiepena, waherreuru, nimar hera en mar Nyasaye, omiyo ka ng’ato nigi hera, to en nyathi Nyasaye.