1 Johana 2:10 - MUMA MALER 2015

¹⁰ Ng’at mohero wadgi osiko e ler, kendo onge gimoro kuome madimi ochwanyre.

Motingʼo Loko Manyien

¹⁰ Ngʼat mohero owadgi to odak e ler, kendo ngʼama kamano onge obadho manyalo miyo ochwanyre.

1 Johana 2:10 ပူးပေါင်းရင်းမြစ်များ

Zaburi 119:165

joma ohero chikeni nigi kue mar adier, kendo onge gima nyalo miyo gipodhi.

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Mathayo 13:21

To wachno ok moki e chunye, omiyo ok odag aming’a kendo ka chandruok kata sand moro obiro nikech wachno, to opodho piyopiyo nono.

Mathayo 18:7

Gik mamiyo ji donjo e richo nomi ji modak e piny ne malit. Gik ma kamago ok nyal bare mak obetie, to mano kaka nobed malit ni ng’at makelogi!

Johana 11:9

Yesu nodwokogi ni, “Donge odiechieng’ achiel nigi seche apar gariyo? Ka ng’ato wuotho godiechieng’, to ok onyal chwanyore, nikech oneno ler mar pinyni.

Johana 12:35

To Yesu nodwokogi ni, “Pod odong’ kinde matin ma abiro betgo e kindu, ka amiyou ler. Wuothuru kapod un gi ler, mondo mudho kik juku. Ng’at mawuotho e mudho kia kuma dhiye.

Johana 8:31

Yesu nowachoni jo-Yahudi mane oyie wachne niya, “Ka umako puonjna, to eka un jopuonjrena adier.

Jo-Rumi 14:13

Kuom mano mondo waweuru ng’ado ni jowadwa bura. To keturu chunyu mondo une ni ok utimo gimoro manyalo miyo owadu podhi, kata ma dimi otim richo.

Jo-Filipi 1:10

mondo ubed gi rieko mar yiero mana gima kare kende. Kamano unubed maler kendo maonge bura chieng ma Kristo obiroe,

2 Petro 1:10

Emomiyo owetena, temuru matek moloyo mondo unyis ni oseluongu kendo oseyieru adier. Ka utimo kamano, to ok unuchwanyru.

1 Johana 2:11

To ng’at mamon gi wadgi nie mudho, kendo wuotho e mudho. Ok ong’eyo kuma odhiye, nikech mudho oimo wang’e.

1 Johana 3:14

Wang’eyo ni wasea e tho, mi wadonjo e ngima. Wangeyo kamano nikech wahero owete. Ng’at ma ok ohero wadgi to osiko e tho.