1 Johana 1:9 - MUMA MALER 2015

⁹ To ka wahulo richowa, to oweyonwagi, kendo opwodhowa kuom tim duto ma ok odhi kare, nikech en jaadiera, kendo otimo mana gima kare.

Motingʼo Loko Manyien

⁹ To ka wahulo richowa, to oweyonwagi kendo opwodhowa kuom timbe duto ma ok odhi kare nikech en Ja-adiera kendo otimo gima kare.

1 Johana 1:9 ပူးပေါင်းရင်းမြစ်များ

1 Ruodhi 8:30

Iwinj kwayo ma an kod jogi Israel biro kwayi ka eri. Yie iwinj e polo kama idakie, to kiwinjo, to mondo iwenwa richowa.

1 Ruodhi 8:47

to eka bang’e giloko parogi e piny motuegieno, mi chunygi olokore, kendo gikwayi niya, ‘Waseketho, kwatimo wich teko kod richo,’

Nehemia 1:6

Yie ichik iti kendo inen, mondo iwinj kwayona ma aketo e nyimi odiechieng’ gotieno, kakwayo ni jo-Israel. Ahulo richo ma wan jo-Israel wasetimo e nyimi. Ee, an kaachiel gi dhoodwa wasetimo richo.

Zaburi 19:12

To ere ng’ama nyalo ng’eyo kethone owuon? Wena kethona mopondo.

Zaburi 32:5

Bang’e ne ahulo richona e nyimi, kendo ne ok apando timbena mamono. Ne aneno ni ber mondo ahulni richona, mi iweyonagi duto.

Wuok 34:7

Arito singruokna masetimo gi ji gana gi gana, kendo aweyonigi rochruokgi gi kethogi kod richogi, to kata kamano ok akwan jaketho ka ng’ama ler, to akumo nyithindo gi nyikwayo nyaka tieng’ mar adek kod mar ang’wen nikech richo kweregi.”

Ngeche 28:13

Ng’at ma temo pando richone ok nyal dhi maber, to ng’ama hulo richone kendo weyo ema Nyasaye kecho.

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 33:8

Abiro pwodhogi kuom richogi duto, kendo abiro weyonigi timbe maricho ma gisetimo e nyima ka gitamore mako chikna.

Ywagruok 3:23

Ginyien pile, okinyi kokinyi. Chutho, adiera mare duong’.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Ezekiel 37:23

Ok ginichak gidwanyre gi nyiseche manono kendo makuero, bende ok ginindhogre gi richo. Anaresgi, kagologi e yore duto mag richo koda ka mago ma gindhogago. Anapwodhgi, mi gibed joga, kendo anabed Nyasachgi.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Mathayo 3:6

Ne gihulo richogi, kendo nobatisogi e aora Jordan.

Mariko 1:5

Ji duto modak e piny Judea kod dala mar Jerusalem nodhi ire. Ne gihulo richogi, kendo ne obatisogi e aora Jordan.

Luka 22:57

To Petro nokwer ni, “Nyako! Ok ang’eye.”

Johana 17:25

A Wuora makare, kata obedo ni piny ok ong’eyi, an to ang’eyi, kendo jogi bende ong’eyo ni ne iora.

Tich Joote 19:18

Ji mang’eny kuom joma oyie nobiro, mi ohulo ratiro kendo onyiso timbe mag ajuoke mane osebedo ka gitimo.

Jo-Rumi 3:26

To bende notimo kamano mondo onyisgo ni pod otimo gima kare ndalogi, kendo ni ng’ato ka ng’ato moyie kuom Yesu, to omiyo bet e winjruok kode.

1 Jo-Korintho 1:9

Nyasaye mane oluongou mondo ubed e achiel gi wuode Yesu Kristo Ruodhwa en jaadiera.

1 Jo-Korintho 6:11

To kamano e kaka moko kuomu ne chalo! To koro osepwodhu kuom richo, kendo owalu ubed jo-Nyasaye, bende osemi ubet e winjruok gi Nyasaye e nying Ruoth Yesu Kristo, kendo kuom teko mar Roho mar Nyasachwa.

Jo-Efeso 5:26

Ne ochiwore kamano mondo opwodhe, kolwoke gi pi kendo gi wach,

Rapar mar Chik 7:9

Omiyo koro ng’euru ni Ruoth Nyasaye ma Nyasachu en Nyasaye. En Nyasaye ma jaadiera kendo marito singruokne kuom tienge gana gi gana mag ji mohere kendo momako chikene, koherogi gi hera mosiko.

1 Timotheo 1:15

Wach maradier kendo mowinjore ji oyiego chuth en ni, “Yesu Kristo nobiro e piny mondo owar joricho,” To an e jaricho marachie moloyo joricho duto,

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 10:23

Wamakuru matek gik mwahulo ni wageno kuomgi, mak wamindni, nikech Nyasaye mane omiyowa singruokne en jaadiera.

Jo-Hibrania 11:11

Yie ema nomiyo Sara owuon bende onwang’o teko mar mako ich, kata obedo ni ne en migumba, kendo ndalone mar nywol nosekadho kamano. Noyudo tekono nikech nokwano ni Jal mane osesingorene en jaadiera.

Jo-Hibrania 6:10

Nyasaye en jaadiera, kendo wiye ok nyal wil gi tichu kod hera ma usenyiso ni uherego, ka ukonyo joge, kaka usebedo kutimo kendo pod utimo,

1 Johana 1:7

To ka wawuotho e ler kaka Nyasaye ni e ler, to wan e achiel ng’ato gi ng’ato, kendo remb Yesu Wuode pwodhowa kuom richowa duto.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!