1 Johana 1:8 - MUMA MALER 2015

⁸ Ka wawacho ni waonge richo, to wawuondore kendwa, kendo adiera onge e chunywa.

Motingʼo Loko Manyien

⁸ Ka wawacho ni waonge richo, to wawuondore kendwa wawegi, kendo adiera onge e chunywa.

1 Johana 1:8 ပူးပေါင်းရင်းမြစ်များ

1 Ruodhi 8:46

“Ka gitimo gima isekwero, (nimar onge ng’ato ma ok kethi,) kendo ikecho kodgi, michiwogi e lwet wasikgi mondo otergi e tuech e piny wasikgigo, kuma bor kata kuma chiegni,

2 Ruodhi 20:15

Isaya nomedo penje niya, “To ang’o ma gineno e odi?” Hezekia nodwoke ni, “Giseneno gik moko duto manie oda. Onge gimoro amora modong’ mak anyisogi e kuonde kenona.”

2 Weche mag Ndalo 6:36

“Ka gitimo gima isekwero, (nimar onge ng’at ma ok kethi), kendo ikecho kodgi, michiwogi e lwet wasikgi mondo otergi e tuech e piny mabor kata machiegni,

Ayub 14:4

Onge gima ler ma diwuog kuom gima ochido ka dhano.

Ayub 15:14

Bende nitie ng’at maler chutho adier? Koso bende nitie ng’at malong’o e wang’ Nyasaye?

Ayub 25:4

Bende nitie ng’at manyalo bet makare kata maler e wang’ Nyasaye?

Ayub 9:2

“Ee, ayie gi wecheni, to ere kaka dhano dilo Nyasaye gi bura?

Zaburi 143:2

Kik iyala, an jatichni, nimar onge ng’ama kare e nyimi.

Ngeche 20:9

Ere ng’ama nyalo wacho ni parone long’o, kendo ni richone duto osepuodhi?

Eklesiastes 7:20

Onge ng’ato kata achiel e piny ngima manyalo timo mana gik mabeyo lilo, ma ok oketho gimoro.

Isaya 53:6

Waduto ne waselal mana ka rombe, ka ng’ato ka ng’ato ochiko mana yore owuon, to en ema ne Ruoth Nyasaye oketo kuome richowa duto.

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Jeremia 2:35

‘Waonge ketho, kendo adier, Ruoth Nyasaye ok okecho kodwa.’ To ng’euru ni an Ruoth Nyasaye abiro kumou kuom wacho ni uonge gi richo kamano.

Tim jo-Lawi 13:12

To ka tuono nenore ni jadolo ka gima olandore motieko dend ng’atno duto,

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.

Jo-Rumi 3:10

mana kaka Muma wacho niya, “Onge ng’ama kare. Ooyo, onge kata mana ng’at achiel.

Jo-Rumi 3:23

Ji duto oseketho, kendo girem kuom duong’ mar Nyasaye.

1 Jo-Korintho 3:18

Kik ng’ato wuondre owuon! Ka ng’ato kuomu galo ni en ng’at mariek, kaka pinyni okwano rieko, to onego obed mofuwo, eka mondo obed mariek adier,

Jo-Galatia 6:3

Ka ng’ato galo ni en gimoro, ka ok en gimoro, to owuondore owuon.

1 Timotheo 6:5

kod dondruok maonge giko. Joma timo gik ma kamago gin joma parogi okethore, kendo ma adiera oselalnigi. Giparo ni lamo Nyasaye nyalo kelonigi ohala!

2 Timotheo 3:13

To joma richo gi joma wuondore nomed bedo joma richo moloyo, ka giwuondo ji, kendo gin bende iwuondogi.

Jakobo 1:22

To kik uwuondru, kuwinjo wach awinja, to beduru joma timo gima uwinjo.

Jakobo 1:26

Ka ng’ato galo ni en jalemo maber to ok orito lewe, to mano owuondore awuonda, kendo lemo mare onge tich.

Jakobo 3:2

Waduto wachwanyore pile, to ng’at ma ok chwanyre e gima owacho e ng’at malong’o chutho. Ng’at ma kamano nyalo ritore e yore duto.

2 Petro 2:13

Giniyud pok mar richo, kar richo ma gisetimo. Timo gik ma gombogi dwaro odiechieng’ alanga ema miyogi mor. Ka gichiemo kodu to gikelonu wichkuot, kendo gimiyo nyingu kethore, ka giowore gi timbegi mag wuond!

1 Johana 1:10

To ka wawacho ni ok wasetimo richo, to wamiyo odoko jamriambo, kendo wachne onge e chunywa.

1 Johana 1:6

Ka wawacho ni wan e achiel kode, to eka pod wawuotho e mudho, to wariambo, kendo ok wawuoth e adiera.

1 Johana 2:4

To ka ng’ato wacho ni ong’eyo Nyasaye, to ok orito chikene, to en jamriambo, kendo adiera onge e chunye.

1 Johana 4:20

Ka ng’ato wacho ni ohero Nyasaye to omon gi owadgi, to ojamriambo, nikech ok nyal bet ni ng’ama ok ohero owadgi ma oneno, nyalo hero Nyasaye mapok oneno.

2 Johana 1:2

nikech adiera manie iwa, kendo ma osiko kodwa nyaka chieng’.

3 Johana 1:3

Ne abedo mamor ahinya kane owete moko obiro, mowacho kaka isiko kuom adiera, kendo kaka iwuotho e ngima mar adiera.