Pilimon 1:7 - Bigu a tipan: I mahusay a baheta para ta panahun tam

⁷ Tu péngmahal mo du iba a tolay, Wadeng, éy saya i nagpasayaa diyakén, da pinatibay mo kan i isip du étanan a méniwala ta Diyos.

Pilimon 1:7 ပူးပေါင်းရင်းမြစ်များ

1 Korinto 16:18

Pinatibay de dén i isip kua, sakay ta isip moya. Igalang moy i kona sa a tolay.

2 Korinto 7:13

Kanya tu ginimet moy éy nangatéd dén diyakén ta mahusay a isip. Sakay nasahat kame be to saya ni Tito to péngtulung moy diya.

2 Korinto 7:4

Mégkatiwalaék dikam. Purién ta kam ta tolay. Maski te hirap kame, éy mélowasék tu isip dikam, a mésayaék.

1 Tesalonika 1:3

Dahilan, bagay ménalangin kame ta Diyos, éy méala-ala me tu mahusay a ugali moy a gébwat ta péniwala moy; sakay méala-ala me tu péngtulung moy du iba da mahal moy side; sakay méala-ala me tu kéasa moy a matibay ni Panginoon Jesu Cristo.

1 Tesalonika 2:13

Kanya mégpasalamat kame ta Diyos a palagi, da tinanggap moy i kagi na Diyos, to pégpahayag me dikam. Napospusan moy a éwan san kagi na tolay, éngˈwan tukoy moy a saya i tunay a kagi na Diyos. Ey katutuhanan ngani ya. Ey saya i mégtoldua dikam, sikam a méniwala.

1 Tesalonika 2:19

Tandaan moy, ta kéharap me ta Panginoon Jesus ta késoli na, éy dikél i pag-asa me diya dahil dikam. Sakay dikél be i kasayaan me dikam. Sakay éwan kame mésanike diya, da sikam i katunayana a mahusay i tinarabaho me diya.

1 Tesalonika 3:9

Kanya mégpasalamat kame ta Diyos a tahod ta kasayaan me a niatéd moy dikame.

2 Timoteo 1:16

Pero ti Onesiporo, éy éwan. Kagbian maka na Diyos de Onesiporo a mététena, da inagumanék na ta meadu a beses. Maski pihesuék éy éwanék na ikésanike,

Pilimon 1:20

Kanya, Wadeng, éy umayun ka pad ta pékiohon ko a éye diko dahil ta péniwala ta ta Panginoon. Pakasayaénék pad, da patwadi kita dén ta péniwala.

2 Juan 1:4

Sakén, Dada, éy mésahaték a tahod, da dinemtan ko i sénganya a anak mo a ménatili ta tunay a péniwala tam, a kona to niutus dikitam Nama tam.