Juan 9:1 - Bigu a tipan: I mahusay a baheta para ta panahun tam

¹ Nadid, to péglakad de Jesus, éy neta de tu lélake a buhék sapul to nikeeanak na.

Juan 9:1 ပူးပေါင်းရင်းမြစ်များ

Mateo 20:30

Ey nadid éy te éduwa a buhék a te eknud to digdig no dilan. Ey pékabati de a sumalegéd dén ti Jesus, éy dinumulaw side a kinagi de, a “Panginoon, Apo ni Dabid, kagbian mo kame pad!”

Mateo 9:27

Nadid, kéhektat ni Jesus ta éya, éy tinagubet siya na éduwa a lélake a buhék. Mégdulaw side a kinagi de, a “Apo ni Dabid, kagbian mo kame!”

Marcos 9:21

Ey kinagi ni Jesus to ama na, a “Nagsénganya beman dén ye diya?” “Ey sapul to kéanak na,” kagi na.

Lukas 8:43

Ey to péglakad de éy kaununod ni Jesus i esa a bébe a te saket. Labindalawa dén a taon siya a mégdédigién. Inubus na dén tu kabuhayan na ta pégpagamot na, pero éwan tu makagamot diya.

Juan 5:5

Nadid, te lélake ta éya, a te ladu ta étélo dén a pulu a taon éy ta walu.

Juan 8:59

Nadid, pékabati du Judeo ta éya, éy nangalap side ta bito, a talaga de a batibatikalén. Pero éwan, da linumiso ti Jesus dide, a linumwas dén siya ta Templo.

Juan 9:2

Ey kinagi diya du alagad na, a “Anya wade, Maistu, bakit wade nienak i lélake a éya a buhék? Parusa ina na kasalanan na a sarili, o na kasalanan dena na?”

Tu Gimet 14:8

Ta Listra éy te esa a lélake a éwan mékalakad. Lumpu siya sapul to nikeenak na.

Tu Gimet 28:4

Ey du tolay a taga éya, péketa de to ulag a te kaget to kamét ni Pablo, éy “Adiyoy,” kagi de, “talaga a nakabuno dén i lélake a ina. Maski nakaligtas siya ta diget, éy pakaten be san siya na Diyos!”

Tu Gimet 4:22

Sakay pati, tu lélake a pinahusay de éy mahigit dén ta épat a pulu a taon i idad naa.

Tu Gimet 9:33

éy netaunan na i esa a lélake a lumpu, a ti Eneas i ngahen naa. Walu dén siya a taon a te saket.