2 Korinto 7:6 - Bigu a tipan: I mahusay a baheta para ta panahun tam

⁶ Pero i Diyos, éy ugali na a tumulung du mélungkut. Ey tinulungan na kame be, da pinademét na ti Tito dikame.

2 Korinto 7:6 ပူးပေါင်းရင်းမြစ်များ

Mateo 5:4

Masuwerte du mélungkut, da pakasayaén side na Diyos.

Juan 14:16

Ey sakén, éy manalanginék Nama ko a atdinan na kam ta Espiritu na a kalewas ko, a siya i Katulung moy, a kaguman moy a éwan tu katapusan.

Taga Roma 15:5

Atdinan kam na Diyos ta pégtiyaga moy sakay ta kétibay na isip moya. Ey i panalangin ko nadid, éy aguman na kam maka, monda négsuyuan kam ta mahusay, ayun ta kaluubén ni Cristo Jesus.

2 Korinto 7:13

Kanya tu ginimet moy éy nangatéd dén diyakén ta mahusay a isip. Sakay nasahat kame be to saya ni Tito to péngtulung moy diya.

2 Korinto 7:14

Pinuri ta kam ni Tito to araw, éy éwanék dén mésanike nadid, da neta na dén a tutuhanan a mahusay kam, a kona to kinagi ko diya. Négkagiék dikam ta katutuhanan. Ey nadid, tu kinagi ko ni Tito, éy katutuhanan be.

2 Korinto 7:7

Ey sikame, éy mésaya kame to demét na. Sakay lalo kame a mésaya to péngibaheta na dikame, a tinulungan moy siya. Nibaheta be ni Tito dikame a nagsisi kam dén, a mégamwaw kam kan dén diyakén, a isuhogék moy kan dén. Kanya laloék dén a mahusay tu isip dikam.

Taga Pilipos 2:1

Nadid, éng nabati moy dén i pégpatibay ni Cristo dikam, sakay éng nabati moy i pégmahal na dikam, sakay éng mékiagum kam dén ta Espiritu na, sakay éng négkasuyuan kam ta mahusay,