Mazimuriyaa 51:12 - Geeshsha Mas'aafaa

¹² Ne atotetsaa nashshechchaa taw zaaraadde imma; taani new eeno gaade azazettanaadan, Taana zemppissa.

ጌሻ ማጻፋ

¹² ነ አቶተ ናሸቻ ታዉ ዛራደ እማ፤ ታን ነዉ ኤኖ ጋደ አዛዘታናዳን፥ ታና ዘምፕሳ።

Mazimuriyaa 51:12 ပူးပေါင်းရင်းမြစ်များ

Mazimuriyaa 119:133

Neeni geedda k'aalaadan ta hemetaa suurissa; ay nagaraynne taana mooddoppo.

Mazimuriyaa 13:5

Shin aggena ne maarotaan taani ammanettay; neeni taana ashshiyaa diraw, taani nashettay.

Mazimuriyaa 17:5

Ta gedii d'ubettenna mala, ta tangguu ne ogiyaappe gas'aa kesibeenna.

Mazimuriyaa 19:13

K'ay taani, ne k'oomay, S'alan nagaraa ootsennaadan, neeni taana naaga. Taana nagaraw moodisoppa; he wode taani suure gidaade, wolk'k'aama bayzzuwaappe geeyana.

Mazimuriyaa 21:1

Abeet Med'inaa Godaw, kaatii ne minotetsan hashshu gee; neeni immeedda s'oonuwaan I ayaa nashettii!

Mazimuriyaa 24:4

Aa kushii nagaraappe geeyyeeddawaa, Aa wozanay geeshsha gideeddawaa, eek'aw goyinnennawaa, wordduwaan c'aak'k'ennawaa.

Mazimuriyaa 35:9

He wode taani Med'inaa Godaan nashettana; I ashsheeda diraw, taani nashshechchaa nooc'u gaana.

Isiyaasa 41:10

Taani neenana de'iyaa diraw yayyoppa; taani ne S'oossaa gidiyaa diraw dagammoppa. Taani neena minisana; k'ay taani neena maaddana. Taani neena ta s'ooniyaa ushechcha kushiyan zemppisaade oyk'k'ana.

Isiyaasa 49:13

Hinttenoo salotoo, nashshechchan yes's'ite. Neenoo biittaw nashetaa. Hinttenoo deretoo, ililite! Ayaw gooppe, Med'inaa Goday bare asaa mintsetseedda; k'ay bare metootanchchatookka k'aretee.

Isiyaasa 61:10

Taani Med'inaa Godaan loytsa nashetay; ta shemppuukka ta S'oossan hashshu gee. Ayaw gooppe, bullachchiyaawe bare huup'iyaan K'eesii shaashiyaa wotsiyaawaadan, bullachchettiyaanakka dumma dumma alleek'k'uwan alleek'k'ettiyaawaadan, I taana atotetsaa mayuwaa mayzzeedda; s'illotetsaa k'umayuwaakka bollaanna taw gujjeedda.

Ermaasa 10:23

Abeet Med'inaa Godaw, asaa de'uu he aawoo buzo gidennawaanne bare hemetaa suurissanawe aawuu shene gidennawaa taani eray.

Luuqaasa 1:47

Ta ayyaanaykka ta S'oossaa, ta d'aliyaan, loytsa nashettaw.

Romans 14:4

Hara asaa k'oomaa bolla pirddiyaawe neeni oonee? I kunddina woy denddina bare Godaassa; shin Goday Aa dentsanaw danddayiyaa diraw, I ek'k'ana.

Romans 8:15

Ayaw gooppe, nuuni nu kooshshaa d'ok'k'u ootsiide, «Abbaa! Ta Aabboo» yaagiide s'eesiyaa, nuuna S'oossaa naanaa kessiyaa Geeshsha Ayaanaa S'oossaappe akkeeddoppe attin, laa'entsuwaa yayyanaw ayile kessiyaa ayaanaa akkibeykko.

2 ቆሮንቶሳ 3:17

Goday Geeshsha Ayaana. Godaa Ayyaanay de'iyaa saan ayiletetsay baawa.

1 Peter 1:5

Hewekka hinttenttoo, S'oossaa wolk'k'aan ammanuwaan naagetti uttiide, atotetsaw giigeeddawanttoo wurssetsaa wodiyaan k'onc'c'anawaa.

ይሁዳ ኪታ 1:24

Hintte kunddennaadan, hinttena naaganawunne pokkuu baynnawantta ootsiide, bare bonchchuwaa sintsa wolk'k'aama nashechchaan shiishshanaw danddayiyaa nuuna ashshiyaa itti S'oossaw, nu Godaa Yesuusi Kiristtoosa baggana bonchchuu, gitatetsay, wolk'k'aynne maatay, aad'd'eedda wode ubbaappenne ha"inne med'inaa gakkanaw gido. Amen"i.