Mazimuriyaa 28:7 - Geeshsha Mas'aafaa

⁷ Med'inaa Goday taw wolk'k'anne gonddalle; Ta wozanay an ammanettee; hewan taani maadettaad. Hewaa diraw, ta wozanay an nashettee; taani yetsan Aa sabbana.

ጌሻ ማጻፋ

⁷ መና ጎዳይ ታዉ ዎልቃነ ጎንዳለ፤ ታ ዎዛናይ አን አማነቴ፤ ሄዋን ታን ማደታድ። ሄዋ ድራዉ፥ ታ ዎዛናይ አን ናሸቴ፤ ታን የን አ ሳባና።

Mazimuriyaa 28:7 ပူးပေါင်းရင်းမြစ်များ

Doometsaa 15:1

Hewaappe guyye, Med'inaa Godaa k'aalay sas'aani Abraamekko yiide, «Abraamaa, yayyoppa! Taani new gonddalle; ne gatii loytsi dara» yaageedda.

Mazimuriyaa 13:5

Shin aggena ne maarotaan taani ammanettay; neeni taana ashshiyaa diraw, taani nashettay.

Mazimuriyaa 13:6

Med'inaa Godaw, taani new yes's'ana; ayaw gooppe, neeni taw keekkaadda.

Mazimuriyaa 19:14

Abeet Med'inaa Godaw, ta wogga zaallaw, taana wozeeddawoo, Ta doonaappe kesiyaa k'aalaynne ta wozanaa k'ofay neena nashechchiyaawaa gido.

Mazimuriyaa 21:1

Abeet Med'inaa Godaw, kaatii ne minotetsan hashshu gee; neeni immeedda s'oonuwaan I ayaa nashettii!

Mazimuriyaa 22:4

Kase nu aawotuu neenan ammanetteedino; neenan ammanettina, neeni unttuntta ashshaada.

Mazimuriyaa 28:8

Med'inaa Goday bare asaw wolk'k'aa; I bare okkeedda kaatiyaa ashshiyaa miis'aa.

Mazimuriyaa 3:3

Shin abeet Med'inaa Godaw, Neeni ta yuushshuwaan gonddalle. Taana bonchchissiyaawenne ta suntsaa d'ok'k'u ootsiyaawe neenattee.

Mazimuriyaa 3:4

Taani ta k'aalaa d'ok'k'issaade Med'inaa Godaakko waassay. Bare geeshsha deriyaappe taw I zaaree.

Mazimuriyaa 33:21

Nuuni Aa geeshsha suntsan ammanettiyaa diraw, nu wozanay an nashettee.

Mazimuriyaa 37:39

S'illotuwaa atotetsay Med'inaa Godaappe yee; metuwaa wode I unttunttoo naagetti attiyaa sa'aa.

Mazimuriyaa 40:3

I ta doonaan ooratsa yetsaa wotseedda; he yetsaynne, «Nu S'oossay galatetto» yaagiyaawaa. Darotuu be'iide, yayananne Med'inaa Godan ammanettana.

Mazimuriyaa 43:2

S'oossaw, taani naagetta attiyaa miis'ay neena. Neeni taana ayaw aggay? Taani ayaw ta morkkiyaan, naak'ettaade kayyotaadde hamettoo?

Mazimuriyaa 46:1

S'oossay nuuni naagetti attiyaa saanne nuw wolk'k'aa. Nuuna metuu gakkiyaa wode, maaddanaw I ubbaa gede matan de'ee.

Mazimuriyaa 46:2

Hewaa diraw, biittay k'aas's'inttokka, woy deretuu abban kunddinttokka, Nuuni yayyokko.

Mazimuriyaa 69:30

Taani S'oossaa suntsaa yetsan galatana; galataa imuwaan Aa darssana.

Mazimuriyaa 84:11

Med'inaa Goday S'oossay nuw gonddallenne poo"uwaa; Med'inaa Goday nuw bonchchuwaanne keekkatetsaa immee. Suuretetsan hamettiyaawantta I lo"obaa ubbaa diggenna.

Mazimuriyaa 91:4

I bare baalletuwaan neena kammana; Aa k'efetuwaa garssa neeni bak'ataade k'osetta attana. Aa ammanettussay new gonddalle.

Isiyaasa 12:2

«Be'ite, Med'inaa Goday ta atotetsaa; taani aan ammanettaade, yayyikke. Ayaw gooppe, Med'inaa Goday, taw wolk'k'anne yetsaa. I ta atotetsaa gideedda» yaagana.

Isiyaasa 45:24

«Unttunttu tawaa haasayiidde, ‹S'illotetsaynne minotetsay Med'inaa Godaa s'alalan de'ee› yaagana» yaagee. Aa is's'iyaawanttu ubbay aakko yiide yeellatana.

Isiyaasa 61:10

Taani Med'inaa Godaan loytsa nashetay; ta shemppuukka ta S'oossan hashshu gee. Ayaw gooppe, bullachchiyaawe bare huup'iyaan K'eesii shaashiyaa wotsiyaawaadan, bullachchettiyaanakka dumma dumma alleek'k'uwan alleek'k'ettiyaawaadan, I taana atotetsaa mayuwaa mayzzeedda; s'illotetsaa k'umayuwaakka bollaanna taw gujjeedda.

Efesoona 6:10

Wurssetsaan, Godaaninne Aa wolk'k'aama wolk'k'an ubbaa wode minnite.

ሳፃ ማፃፋ 15:3

Unttunttu, S'oossaa oosanchchaa Muse mazimuriyaanne Dorssaa mazimuriyaa hawaadan yes's'eeddino. «Godaw, Ubbaappe Wolk'k'aama S'oossaw, ne kiitay gitanne maalalissiyaawaa. Asaa zariyaa ubbaa Kaatew, ne ogii s'illuwaanne tumuwaa.

ሳፃ ማፃፋ 5:9

Unttunttu, «S'aatsa mas'aafaa akkanawunne, maatafaa dooyaade, s'eellanaw new bessee. Ayaw gooppe, neeni shukettaadda. Neeni k'ommuwaa ubbaappe, dumma dumma gadiyaa k'aalaa ubbaappe, yaraa ubbaappenne, zariyaa ubbaappe, ne suutsan, S'oossaw asaa wozaadda.