Zakkaraasa 9:9 - ጌሻ ማጻፋ

⁹ ኔኖ ጽዮነ ካታማቴነ የሩሳላመ ካታማቴ፥ እልላ! በአ፥ ጾኔዳ ነ ጽሎ ካቲ ኔኮ ዬ። ነ ካቲ አሽከ ግዲደ፥ ሀርያ ቦላ፥ ሀርያ ማራ ቦላ ኡቲደ፥ ኔኮ ዬ።

Geeshsha Mas'aafaa

⁹ Neenoo S'iyoone katamateenne Yerusaalame katamatee, ilila! Be'a, s'ooneedda ne s'illo kaatii neekko yee. Ne kaatii ashkke gidiide, hariyaa bolla, hariyaa maraa bolla uttiide, neekko yee.

Zakkaraasa 9:9 ပူးပေါင်းရင်းမြစ်များ

1 ካታቱዋ 1:38

ሄዋ ድራዉ፥ ቄስያ ሳዶቀ፥ ትምቢትያ ኦድያ ናታን፥ ዮዳሄ ናአይ ባናይነ ካትያ ናግያዋንቱ ሶሎሞና ካቲ ዳዊተ ቶግያ ባቁሉዋ ቶግሲደ፥ ግዮነ አፌድኖ።

Mazimuriyaa 149:2

እስራኤልያ አሳቱ ባረንታ መዳዋን ናሸትኖ። ጽዮነ አሳቱ ባረንቱ ካትያን ሎይ ናሸትኖ።

Mazimuriyaa 2:6

ጎዳይ፥ “ታን ታ ጌሻ ደርያ ጽዮነ ቦላ ታ ካትያ ካዉድ” ያጌ።

Mazimuriyaa 45:1

ታን ታ የ ካትያ ስሳና፥ ታ ዎዛናይ ሎኦ ቆፋ ፑልቴ፤ ታ እንጻርሳይ ሎኦ ጻፍያ አሳ ብእርያ ማላ።

Isiyaasa 12:6

እስራኤልያ ጌሻይ ህንተ ግዶን ቁ ቁ ጌዳ ድራዉ፥ ህንተኖ፥ ጽዮነን ደእያዋንቶ፥ ሆምቦጭተ! ናሸቻዉ የጽተ!” ያጋና።

Isiyaasa 30:6

ኔጌባን ደእያ ዶአቱዋባ ጾሳይ ግያዌ ሀዋ፤ ኪተትያዋንቱ መቱነ ቱጋይ ደእያ ቢታ ግዱዋና፥ ጋሙነ ጋማታ ዎያ ሾሻቱነ ፓልያ ዳዌቱ ኮልጽያ ኢታ ቢታና አደ ባና። ባረ ዱረተ ሀረቱዋ ዞክያን፥ ባረንቱ አቁዋ ጋሎቱዋ ዝመን ጫን አኪደ፥ ኡንቱንቶ አያነ ዎሰና ቢታ ባና።

Isiyaasa 33:22

አያዉ ጎፐ፥ መና ጎዳይ ኑ ዳና፤ መና ጎዳይ ኑዉ ህግያ እሜዳዋ። መና ጎዳይ ኑ ካትያ፤ እ ኑና አሻና።

Isiyaasa 40:9

ኔኖ ምሽራቹዋ ኦድያ ጽዮኔ፥ ቃ ደርያ ፑደ ከሳ፤ ነኖ ምሽራቹዋ ኦድያ የሩሳላመ፥ ነ ኮሻ ዎልቃፐ ቁ ኦ፤ ያዮፓ፤ ቁ ኦ፤ ያታደ ይሁዳ ካታማቶ፥ “ህንተ ጾሳይ ሀዌኮ” ያጋ ኦዳ።

Isiyaasa 43:11

“ታናቴ፤ ታን መና ጎዳ። ታፐ አትና፥ ሀራ አሽያዌ ባዋ።

Isiyaasa 43:3

አያዉ ጎፐ፥ ታን ኔና አሽያ እስራኤልያ ጌሻ፥ መና ጎዳ ነ ጾሳ። ታን ግብጼ ነዉ ዎዞ ኦደ፥ ቶጵያነ ሳባ ነ ላምያ ኦደ እማና።

Isiyaasa 45:21

አነ ኦድተ፤ ህንተ ሞቱዋ ሺሽተ፤ ኡንቱንቱካ አነ እትፐ ዞረትኖ። አዱሳ ዎድያፐ ካሰ ሀዋ ኦዴዳዌ ኦኔ? በንፐ ሀዋ አዋዬዳዌ ኦኔ? ታና መና ጎዳ ግድክታየ? ታፐ አትና ሀራ ጾሳይ ባዋ። ታን ጽሎ ጾሳነ አሽያዋ። ታፐ ሀራይ ባዋ።

Isiyaasa 52:7

ሎኦ ምሽራቹዋ አህያ፥ ሳሮተ ኦድያ፥ ናሸችያ ምሽራቹዋ ኦድያ፥ አቶተ ኦድያነ፥ ጽዮኖካ፥ “ነ ጾሳይ ካተቴ” ጊደ ደረቱዋ ቦላና ይያ ብታንያ ገደቱ ዎት ሎእኖ!

Isiyaasa 57:15

አያዉ ጎፐ፥ መናዉ ደእያዌ፥ ግታይ፥ ቃን ደእያዌ፥ አ ሱንይካ ጌሻ ጌተትያዌ፥ ሀዋዳን ያጌ፤ “ታን ቁ ጌዳነ ጌሻ ሳኣን ደአይ፤ ግዶፐነ፥ ባረንቱ ኦዳ ናጋራዉ ካዮቲደ ስምያዋንቱናነ ባረና ዝቂ ኦያዋንቱና ደአይ። ያታደ ታን ባረንቱ ኦዳ ናጋራዉ ካዮቲደ ስምያዋንቱ አያናነ ባረና ዝቂ ኦያዋንቱ ዎዛና ኦራጽሳይ።

Isiyaasa 62:11

በእተ፥ መና ጎዳይ ቢታ ሳኣ ጋጻን ሀዋዳን ያጊደ አዋዬዳ፤ “ጽዮነ አሳዉ ሀዋዳን ያግተ፤ ‘በእተ፥ ህንተና አሽያዌ ጋኬዳ! በእተ፥ አ ጋቲ አናና ደኤ፤ ኦሶ እ እምያ ኬርሱካ አ ስንን ደኤ’ ያግተ” ያጌዳ።

Ermaasa 30:9

ሄዋ አጊደ ኡንቱንቱ መና ጎዳዉ፥ ባረንቱ ጾሳዉ፥ ኦና፤ ታን ኡንቱንቶ ደንያ ካትያ ዳዊተዉ ኡንቱንቱ ሞደታና።

Hizik'k'eela 21:32

ህንተ ታማዉ ኤያ ም ግዳና፤ ህንተ ሱይ ህንተ ቢታን ጉካና፤ ህንተ ላኤን ሀሳየትክታ። ታን መና ጎዳይ ሀዋ ኦዳድ” ያጌ’ ያጋ” ያጊደ ዬዳ።

Hoose 1:7

ሽን ታን ይሁዳ አሳዉ ቃረታና፤ ታን መና ጎዳን፥ ኡንቱንቱ ጾሳን፥ ኡንቱንታ አሻናፐ አትና፥ ዎንዳፍያን ዎይ ማሻን ዎይ ኦላን ዎይ ፓራቱዋን ዎይ ፓራ አሳቱዋን አሽከ” ያጌዳ።

Mikiyaasa 4:8

ኔኖ፥ መና ጎዳ አሳ ዎችያ የሩሳላመ ቃ ግምቢያዉ፥ ነዉ ካሰ ነ ሞድያ ማታይ፥ ቃይ የሩሳላመ ካዉተ ዛዋይ ኡባይካ ስማና።

Mikiyaasa 5:2

መና ጎዳይ ሀዋዳን ያጌ፤ “ኔኖ ኤፍራታ፥ ቤተሌመ ካታማዉ፥ ኔን ይሁዳ ካታማቱዋ ግዶን ጉ፤ ሽን አዉ ደንዱ በንፐ ዶሚደ፥ መናፐ ግዴዳዌ፥ እስራኤልያ አሳ ሞድያዌ ታዉ ኔፐ ከሳና” ያጌ።

Zakkaraasa 2:10

መና ጎዳይ ሀዋዳን ያጌ፤ “ጽዮነ አሳዉ፥ የጽተነ ናሸትተ! አያዉ ጎፐ፥ ታን ያደ ህንተ ግዶን ደአና” ያጌ።

Matthew 1:21

እዛ አቱማ ናኣ የላናዉኑ፤ ኔንካ፥ እ አሳ ናጋራፐ አሽያ ድራዉ አ ሱን የሱሳ ጋደ ጼሳናሳ” ያጌዳ።

Matthew 11:29

ታን ጋራነ ታ ዎዛናን አሽከ ግዶ ድራዉ፥ ታ ሞርገ ምን ዋጸትተ፤ ታፐ ታማርተ፤ ህንተንቱ ሼምፖካ ህንተ ሸምፑዋ ደማና።

Matthew 2:2

“አይሁዳ ካትያ ግዳናዉ የለቴዳ ናአይ ሀቃን ደኢ? ኑን አዋይፊ ዶልያ ባጋና ከሴዳ አ ጾልንትያ በኢደ፥ አዉ ጎይናናዉ ዬዶ” ያጊደ ኦቼድኖ።

Marqqoossa 11:7

ኡንቱንቱ ሀረ ማራ የሱሳኮ አሂደ፥ ባረንቱ ማዩዋ አ ዞክያን ዎድኖ፤ የሱስ ሄ ሀረ ማራ ቶጌዳ።

Luuqaasa 24:27

ሄዋፐ ስሚደ የሱስ ሙሴ ማጻፋቱዋፐነ ናባቱ ጻፌዳ ማጻፋቱዋፐ ዶሚደ፥ ጾሳ ማጻፋቱዋ ኡባን ጻፈቴዳ ባረባ ኡንቱንቶ ብሊደ ኦዴዳ።

Yohaannisa 1:49

ናትናኤል ዛሪደ፥ “ታማርስያዎ፥ ኔን ጾሳ ናኣ! ኔን እስራኤልያ ካትያ!” ያጌዳ።

Yohaannisa 19:15

አይሁዳቱ ባረንቱ ኮሻ ቁ ኦደ፥ “ድጋ! ድጋ! ማስቃልያ ቦላ ምስማርያን ሻደ ሱላ!” ያጌድኖ። ጵላጾስ ዛሪደ፥ “ህንተንቱ ካትያ ታን ማስቃልያ ቦላ ምስማርያን ሻደ ሱልያዋ ኮዪቴ?” ያጊደ ኦቼዳ። ቄሳቱዋ ካፓቱ፥ “ቄሳረፐ ሀራ ካቲ ኑዉ ባዋ!” ያጌድኖ።

Daannatuwaa 10:4

ሀታሙ ሀረቱዋ ቶግያ ሀታሙ አቱማ ናናይ ደኢኖ፤ ኡንቱንቶ ጋላኣደ ጋድያን ሀታሙ ካታማቱ ደኢኖ። ሄ ካታማቱ ሀቼ ጋካናዉ ሀቦት-ያኢራ ካታማቱዋ ጌተቲደ ጼሰቲኖ።