Mikiyaasa 7:18 - ጌሻ ማጻፋ

¹⁸ ናቁዋ አቶ ያግያዌ፥ ባረ አሳ አቴዳዋንቱ ማካላ ፓይደናዌ ነ ማላ ጾሳይ ኦኔ? ኔን ሀንቁ ሀንቆሽን፥ መናዉ ደአ አጋካ፤ አያዉ ጎፐ፥ ኔን ነ አሳዉ ነ አገና ሲቁዋ በስያዋን ናሸታሳ።

Geeshsha Mas'aafaa

¹⁸ Naak'uwaa atto yaagiyaawe, bare asaa atteedawanttu makkalaa paydennawe ne mala S'oossay oonee? Neeni hank'k'uu hank'k'oshin, med'inaw de'a aggakka; ayaw gooppe, neeni ne asaw ne aggena siik'uwaa bessiyaawan nashettaasa.

Mikiyaasa 7:18 ပူးပေါင်းရင်းမြစ်များ

Doometsaa 4:7

ኔን ሎኦባ ኦዋ ግድንቶ፥ ነ ሶምእ ፓሽከኔ? ሽን ኔን ሎኦባ ኦና ዮፐ፥ ናጋራይ ዶኣዳን ነ ፐንግያን ሙጌ፤ እ ኔና ሞዳና ኮዬ፤ ሽን ኔን አ ጾናና በሴ” ያጌዳ።

1 ካታቱዋ 8:23

ሀዋዳን ያጊደ ዎሴዳ፤ “አቤት መና ጎዳዉ፥ እስራኤልያ ጾሳዉ፥ ቦላ ሳሉዋን ዎይ ጋርሳ ሳኣን ነ ማላ ጾስ ባዋ። ኔን ነ ቃላ ጫቁዋ ናጋሳ፤ ባረ ኩመን ዎዛናፐ ነ ስንን ሀመቴዳ ነ ቆማቱዋ አገና ሲቁዋን ሲቃሳ።

2 Oduwaa 30:9

ህንተንቱ መና ጎዳኮ ስሞፐ፥ ህንተንቱ እሻቱዋነ ህንተንቱ ናናይ ባረንታ ኦሞዴዳዋንቱ ስንን ማሮታ ደሚደ፥ ሀ ጋድያ ስማና። አያዉ ጎፐ፥ መና ጎዳይ ህንተንቱ ጾሳይ ቃረትያዋነ ማርያዋ። ህንተንቱ አኮ ስሞፐ፥ ባረ ስን ህንተፐ ዎራ ዛረና” ያግያዋ።

2 Oduwaa 6:21

ታን ነ ቆማይነ ነ አሳይ እስራኤሊ ሀ ጌሻ ጎልያኮ ስሚደ፥ ዎትዋትያ ዋትዋቱዋ ኔን ስሳ። ኔን ደእያ ሳኣን ሳሉዋን ስሳደ፥ ኑዉ አቶ ያጋ።

Nahimiyaa 9:17

አዛዘተናን እጼድኖ፤ ቃይ ኔን ኡንቱንቶ ኦዳ ማላልስያባ ኡባ ሀሳይበይክኖ። ኡንቱንቱ ሞርግያ ኦርዶ ግዴድኖ፤ ቃይ ባረንቱ ማካላፐ ደንዴዳዋን፥ ግብጼ ጋድያ ጉየ አይለተዉ ዛሪደ ካለና ማላ፥ ካፑዋ ባረንቶ ዶሬድኖ። ግዶ ሽን፥ ኔን አቶ ግያ ጾሳ፤ ኬካነ ማርያዋ። ሲቁዋን ኩሜዳዋነ ሀንቆ ኤሌለናዋ። ሄዋ ድራዉ፥ ነ ሲቁ መናሳ፤ ኔን ኡንቱንታ አጋ በይካ።

Mazimuriyaa 103:13

አዉ ባረ ናናቶ ቃረትያዋዳን፥ መና ጎዳይ ባረዉ ያይያዋንቶ ቃረቴ።

Mazimuriyaa 130:4

ሽን ኑን ኔና ቦንቺደ አዛዘታና ማላ፥ ኑዉ አቶ ያጋሳ።

Mazimuriyaa 35:10

ታ ኩመን አሳተይ ኔና፥ “አቤት መና ጎዳዉ፥ ነ ማል ኦኔ? ህዬሳ ዎልቃማ ኩሽያፐ ዎ አካሳ። ህዬሳነ መቶታንቻ ቦንቂ ምያዋንቱ ኩሽያፐ አሻሳ” ያጋና።

Mazimuriyaa 65:3

ኑ ናጋራይ ኑና ሙኬዳ ዎደ፥ ነ ኑዉ አቶተ እማዳ።

Mazimuriyaa 65:4

ኔን ዶሬዳነ ነ ችሎታን ኡታናዉ ማታ ሺሽያ አሳይ አንጀቴዳዋ። ኑን ነ ሶን፥ ጌሻ ዱንካንያን ደእያ ሎኦባን ኩሜዶ።

Mazimuriyaa 71:19

አቤት ጾሳዉ፥ ነ ጽሎተይ፥ ቦላ ሳሉዋ ጋኬዳ። አቤት ዎልቃማባ ኦዳ ጾሳዉ፥ ነ ማል ኦንነ ባዋ።

Mazimuriyaa 86:15

ሽን አቤት ጎዳዉ፥ ኔን ቃረትያነ ማርያ ጾሳ፤ ሀንቀታናዉ ጋምኣሳ፤ ሲቁነ አማነቱሳይ ዳርያዋ።

Mazimuriyaa 86:5

አቤት ጾሳዉ፥ ኔን ኬካነ አቶ ግያዋ፤ ኔና ጼስያ ኡባዉ ነ ሲቁ ዳራ።

Mazimuriyaa 89:6

ሳሉዋን መና ጎዳና ልከታናዉ ዳንዳይያዌ ኦኔ? ሳሉዋ መተቱዋ ግዶን ቃይ መና ጎዳ ማል ኦኔ?

Mazimuriyaa 89:8

አቤት ኡባፐ ዎልቃማ መና ጎዳዉ፥ ጾሳዉ፥ ኔናዳን ዎልቃማይ ኦኔ? አቤት መና ጎዳዉ፥ ኔን ኡባባንካ አማነትያዋ።

Kessaa 15:11

አቤት መና ጎዳዉ፥ ጾሳቱዋ ግዶን ነ ማላይ ኦኔ? ጌሻተን ቦንቼትያዌ፥ ቦንቹዋን ያየትያዌ፥ ማላልያባ ኦያዌ ነ ማላይ ኦኔ?

Kessaa 34:9

“አቤት ጎዳዉ፥ ኔን ታናን ናሸቴዳዋ ግዶፐ፥ ኑናና እትፐ ደንዳ። ሀዌ አሳይ ሞርጊ ሌፋቴዳዋ ግዶፐነ፥ ኑ ኢታተነ ኑ ናጋራ አቶ ያጋደ፥ ኑና ነ አሳ ኦ” ያጌዳ።

Isiyaasa 1:18

ቃይካ መና ጎዳይ፥ “ሃይተ፤ አነ ዞረቶይተ። ህንተ ናጋራይ ባራዳን ዞእንቶካ፥ ሻቻዳን ቦጻና፤ ሱዳን ዞእንቶካ፥ ፑቱዋዳን ቦጻና።

Isiyaasa 33:24

ጽዮነን ደእያ ኦንነ፥ “ታን ሀርጋይ” ያገና፤ ያን ደእያ አሳ ናጋራይ አቶ ጌተታና።

Isiyaasa 38:17

በአ፥ ታን ሀ ዎልቃማ ቱጋ ቱጋቴዳዌ ታዉ ሎአ ግዴዳ። ኔን ታ ሸምፑዋ ባሻ ኦላፐ ጉየ ዛራደ አሻዳ፤ ኔን ታ ናጋራ ኡባ ኔፐ ጉየ ዛራደ ኦላዳ።

Isiyaasa 40:18

ያትና፥ ጾሳ ህንተ ኦናና ማላትሲቴ? ዎይ አይ ምስለቱዋና ልኪ ጼሊቴ?

Isiyaasa 40:25

ጌሻይ ኡንቱንታ፥ “ያትና፥ ታን አናና ልከታናዉ ታና ኦናና ማላትሲቴ?” ያጌ።

Isiyaasa 43:25

“ታና፥ ነ ባይዙዋ ታ ድራዉ ጋደ ቁጭያዌ ታናቴ፤ ነ ናጋራካ ዛረደ ሃሳይከ።

Isiyaasa 44:22

ታን ነ ባይዙዋ ሻርያዳን፥ ነ ናጋራካ ጫጋናዳን ቁጫድ። ታን ኔና ዎዜዳ ድራዉ፥ ታኮ ስማ” ያጌ።

Isiyaasa 55:7

ኢታይ ባረ ኦሱዋ፥ ናጋራንቻይካ ባረ ቆፋ አጎ፤ ጾሳኮ እ ስሞ። እ አ ማራና። እ ኑ መና ጎዳኮ ስሞ። እ አዉ ጮ አቶ ጋና።

Isiyaasa 57:10

ህንተ ሀራ ጾሳቱዋ ኮዪደ ዳቡሬድታ፤ ሽን፥ ‘ህዶት ባዋ’ ያግበይክታ። ህንተ ዎልቃይ ሃ ኦራጼዳ፤ ሄዋ ድራዉ፥ ላባኒደ ኩንድበይክታ።

Isiyaasa 57:16

ታን መናዉ ሞትከ፤ ኡባ ገደካ ሀንቀትከ። አሳ አያናይ፥ ታን መዳ አሳ ሸምፑ ዳቡራና።

Isiyaasa 62:5

ዎዳላይ ዎዶራቶ ማችያዋዳን፥ ነ ናናይ ኔና አካና፤ ማቻቶ ቡላችያዌ ቡላቼትያንን ናሸትያዋዳን፥ ሄዋዳንካ፥ ነ ጾሳይ ኔናን ናሸታና።

Isiyaasa 64:9

አቤት መና ጎዳዉ፥ ሎይ ሀንቀቶፓ፤ ኑ ናጋራካ መናዉ ሀሳዮፓ። ኑና በአ፥ ኑን ኡባይካ ነ አሳ።

Isiyaasa 65:19

ታን የሩሳላመን ናሸታና፤ ታ አሳንካ ሀሹ ጋና። ሀዋፐ ስንናዉ ዬክያዋ ኮሻይነ ኡንኤቲደ ዋስያዋ ኮሻይ ያን ስሰተና።

Ermaasa 3:12

ባ፤ ሁጲሳ ባጋዉ ሀዋዳን ያጋደ አዋያ፤ መና ጎዳይ ሀዋዳን ያጌ፤ ‘ሀነ፥ አማኑ ባይና እስራኤላቴ፥ ስማ! ታን ማሮታይ ኩሜዳዋ ግድያ ድራዉ፥ ታን ኔና ኢታ አይፍያን ጼልከ። መናዉ ሀንቀትከ።

Ermaasa 3:5

ኔን ኡባ ገደ ታ ቦላ ይሎታይ? ነ ሀንቁ መናዉካ አገኔ?’ ያጋሳ። ኤ፥ ኔን ሀዋ ያጋሳ፤ ሽን ኔን ኦናዉ ዳንዳይያ ኢታ ኡባ ኦሳ” ያጌ።

Ermaasa 31:20

“ቱሙ ኤፍሬመ ታዉ አልኦ ናኣ ግደኔ? እ ታን ሲቅያ ናኣ ግደኔ? ኤ! ታን ዳሮ ገደ አ ሱን ደንዳ ዎደ ኡባን፥ አ ሀሳይያዋ አጋበይከ። ሄዋ ድራዉ፥ ታ ዎዛናይ አ ላሞቴ፤ ታን አዉ ሎይ ቃረታይ። ታን መና ጎዳይ ሀዋ ኦዳይ።

Ermaasa 31:34

አሳይ ባረ ሾሩዋ ዎይ ባረ እሻ፥ ‘መና ጎዳ ኤራ’ ያጊደ ታማርስያዋ አጋና፤ አያዉ ጎፐ፥ ጉፐ ዶሚደ፥ ዎጋ ጋካናዉ፥ ኡንቱንቱ ኡባይ ታና ኤራና። ታን ኡንቱንቱ ናቁዋ አቶ ጋና፤ ኡንቱንቱ ናጋራካ ላኤን ሀሳይከ። ታን መና ጎዳይ ሀዋ ኦዳይ” ያጌ።

Ermaasa 32:41

ታን ኡንቱንቶ ሎኦባ ኦያዋዳን ናሸታና፤ ቃይ ታን ታ ኩመን ዎዛናፐነ ታ ኩመን ሸምፑዋፐ ሀ ቢታን ኡንቱንታ ቱሙዋፐ ቶካና” ያጌ።

Ermaasa 33:8

ኡንቱንቱ ታና ናቄዳ ናጋራ ኡባፐ ታን ኡንቱንታ ጌሻና፤ ጌሻደ ኡንቱንቱ ታና ናቄዳ ናቁዋነ ማካሌዳ ማካላ ኡባ አቶ ያጋና።

Ermaasa 38:8

አበድመሌክ ካትያኮ ቢደ፥ ሀዋዳን ያጌዳ፤

Ermaasa 50:20

ሄ ዎድያንነ ሄ ጋላሳቱዋን አሳይ እስራኤልያን ባይዙዋ ኮያና፤ ሽን ባይዙ ያና፤ ይሁዳን ናጋራ ኮያና፤ ሽን ቤተና። አያዉ ጎፐ፥ ሀይቁዋፐ ታን አሼዳ እስራኤልያ አሳ አቴዳዋንቱ ናጋራ ታን አቶ ያጋና። ታን መና ጎዳይ ሀዋ ኦዳይ” ያጌ።

Ermaasa 9:24

ሽን ጬቂያ ኡራይ ኦንነ ታና ኤርያዋንነ አኬክያዋን ጬቆ። አገና ሲቁዋ፥ ሱረ ፕርዳነ ጽሎተ ሳኣ ቦላን ኦያ መና ጎዳ፥ ታና ኤርያዋን ጬቆ። አያዉ ጎፐ፥ ታን ሀዋንቱን ናሸታይ። ታን መና ጎዳይ ሀዋ ኦዳድ” ያጌ።

Hizik'k'eela 18:23

ናጋራንቻይ ባረ ኦግያፐ ስሚደ፥ ፓጻ ደእያዋን ናሸታይፐ አትና፥ ታን ኡባ ሞድያ መና ጎዳይ አ ሀይቁዋን ናሸትከ።

Hizik'k'eela 33:11

ታን መና ጎዳይ ደኡዋን ሀዋዳን ያጋደ ጫቃይ፤ “ናጋራንቻይ ባረ ናጋራ አጊደ፥ ፓጻ ደአና ማላ ኮያይፐ አትና፥ ናጋራንቻ ሀይቁዋን ናሸትከ። ታን ኡባ ሞድያ መና ጎዳይ ሀዋ ኦዳይ። ህንተኖ፥ እስራኤልያ አሳዉ፥ ስምተ፤ ህንተ ኢታ ኦሱዋፐ ጉየ ስምተ! አያዉ ሀይቃናዉ ኮዪቴ?” ያጋይ’ ያጋ።

Hizik'k'eela 33:16

እ ካሰ ኦዳ ናጋራይ እቱነ ቆፈተና፤ ሀእ ፕርዳነ ሱረ ኦሱዋ ኦዳ ድራዉ፥ እ ቱማ ፓጻ ደአና።

Daaneela 9:9

ሽን ኑን አዉ ማካሌዳባ ግዶፐካ፥ ጎዳይ ኑ ጾሳይ ማርያዋነ አቶ ያግያዋ።

Hoose 14:2

መና ጎዳኮ ስሚደ፥ ሀዋዳን ያጊደ ዎስተ፤ “ኑ ናጋራ ኡባፐ ኑና ማራ፤ ኔን ኑና ነ ኬካተን ሺሻ አካ፤ ያትና ኑን ኑ እንጻርሳን ኔና ጋላታና።

Hoose 14:5

ታን እስራኤልያ አሳዉ ጮኩዋ ማላ ግዳና፤ ኡንቱንቱ ጪሻዳን ጪሺደ፥ ሊባኖሳ ዝጋዳን፥ ጻጱዋ የዳና።

Iyyu'eela 2:32

ሄ ዎደ ሀዋዳን ሀናና፤ መና ጎዳ ሱን ጼስያ ኡባይ አታና። መና ጎዳይ ጌዳዋዳን፥ ጽዮነ ደርያንነ የሩሳላመን አትያዋንቱ ደአና። ሄዋንቱፐካ መና ጎዳይ ጼሴዳዋንቱ ፓጻ ደአና።”

Amoos'a 1:11

መና ጎዳይ ሀዋዳን ያጌ፤ “ኤዶማ ጋድያ አሳይ ዛር ዛሪደ ኦዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ባረንቱ እሻቱዋ እስራኤላቱዋ ማሻን የደርሴድኖ፤ ኡንቱንቱ ኡንቱንቶ ቃረትበይክኖ። ኡንቱንቱ ኡባ ገደ ሀንቀቲኖ፤ ኡንቱንቱ ይሉ መናዉካ ስመና።

Amoos'a 7:8

መና ጎዳይ ታና፥ “አሞጻ፥ ሀ ኔን ጼልያዌ አዬ?” ያጊደ ኦቼዳ። ታን፥ “ቱምቢያ” ያጋድ። መና ጎዳይ ታና፥ “በአ፥ ታን ታ አሳ እስራኤልያ ግዶን ቱምቢያ የጋይ፤ ታን ኡንቱንታ ሙረናን አከ።

Amoos'a 8:2

እ ታና፥ “አሞጻ፥ ሀ ኔን በእያዌ አዬ?” ያጊደ ኦቼዳ። ታን፥ “ቴራይ ኩሜዳ ኬሻ በአይ” ያጋድ። ያትና መና ጎዳይ ታዉ ሀዋዳን ያጌዳ፤ “ታ አሳ እስራኤላዉ ዉርሰይ ጋኬዳ፤ ሀዋፐ ስንናዉ ታን ኡንቱንታ ሙረናን አከ” ያጌዳ።

Yoonaasa 4:2

መና ጎዳ ሀዋዳን ያጊደ ዎሴዳ፤ “አቤት መና ጎዳዉ፥ ታን ብሮ ታ ጋደን ደኣደ ጌዳዌ ሀዋ ግደኔ? ታን ነ ስንፐ ባቃታደ ታርሴሰ ባናዉ ኤሌሌዳዌ ሀዋሳ። ኔን ቃረታይነ ማሮተይ ኩሜዳ ጾሳ ግድያዋ፥ ሀንቆ ኤሌለናዋነ አገና ሲቁዋን ኩሜዳዋ፥ ቃይ አሀና ጌዳ ኢታባካ አግያ ጾሳ ግድያዋ ታን ካሰካ ኤራድ።

Mikiyaasa 2:12

“ህንተኖ፥ ያቆባ ዛረቶ፥ ታን ህንተና ኡባካ ሺሻና፤ ታን እስራኤልያ አሳፐ አቴዳዋንታ ቱሙዋፐ ኡባካ ሺሻና። ዶርሳቱ ካሉዋን ሺቅያዋዳንነ ዶርሳ ዉዲ ሄን ጋደን ሺቅያዋዳን፥ ታን ኡንቱንታ እትፐ ሺሻደ ዎና። ሄ ሳአይ ዳሮ አሳ ሻባረቱሳን ኩማና።

Mikiyaasa 4:7

ታን ዎባቱዋ ዉሪደ አቴዳ አቶዋንታ ኦና፤ ቃይ ኦሞዱዋን ሃኮ ሳኣ ቤዳዋንታካ ምኖ ካዉተ ከሳና። ሄ ዎድያፐ ዶማደ መና ጋካናዉ፥ ታን መና ጎዳይ ጽዮነ ደርያን ኡንቱንቱ ቦላ ካተታና” ያጌ።

Mikiyaasa 5:3

ሄዋ ድራዉ፥ የሉዋ ኦይቀትያ ምሽራታ ሄ ናኣ የላና ጋካናዉ፥ መና ጎዳይ እስራኤልያ አሳ ሞርከቱዋ ኩሽያን አደ እማና። ሄዋፐ ጉይያን፥ ኦሞዱዋን ደእያ አ እሻቱ ስሚደ፥ ባረንቱ አሳና ዋላከታና።

Mikiyaasa 7:14

ኔን ነ አሳ፥ አራዳ ቢታይ ዩሹዋን ደእያ ባዙዋን ባረካ ደእያ ነ ቡዞ ዶርሳ ዉድያ ነ ጋትማን ሄማ። ኡንቱንቱ ካሰዋዳንካ ባሳነንነ ጋላኣደን ሄመትኖ።

Sofonaasa 3:17

መና ጎዳይ ነ ጾሳይ ነ ግዶን ደኤ፤ እ ነዉ ጾኑዋ እምያ ኦላንቻ። እ ኔናን ናሸታና፤ እ ባረ ሲቁዋን ኔና ኦራጽሳና፤ አሳይ ባላ ጋላስ የጽያዋዳን፥ እ ኔናን ናሸቴዳዋ ማዛሙርያ የጺደ በሳና” ያጋና።

Payduwaa 23:21

ያቆባ ዛርያዉ ኢታባይ ያናባይ፥ እስራኤልያ አሳዉ መቱ ጋካናባይ ታዉ ቤትቤና። መና ጎዳይ ኡንቱንቱ ጾሳይ ኡንቱንቱና ደኤ፤ እ ኡንቱንቶ ካትያ ግድያዋ አዋዪኖ።

Luuqaasa 15:32

ሽን ሀዌ ነ እሻይ፥ ሀይቄዳዌ ፓጾ ድራዉነ ባዬዳዌ ቤቶ ድራዉ፥ ኑን ሚድነ ኡሺደ ናሸታናዉ በሴ’ ያጌዳ” ጊደ ኦዴዳ።

Luuqaasa 24:47

አ አ ሱንን ናጋራ ፓጸይነ ማሮታ ደሙሳይ የሩሳላመፐ ዶሚደ አሳዉ ኡባዉ ኦደታናዋ’ ያገቲደ ጻፈቴዳ።

Romans 11:4

ጾሳይ አዉ ዋግ ዛሬዴ? “ታን ኤቃ ባኣላዉ ጉልባትቤና ላፑ ሻአ አሳ ታዉ አሻድ” ያጌዳ።

Zaaretsuwaa 33:26

“ኔኖ ይሽሩና፥ ሳሉዋፐ ህንተና ማዳናዉ፥ ባረ ግታተን ሻራን ሀመትያ ህንተ ጾሳ ማላ ጾስ ባዋ።

ያቆባ ኪታ 2:13

አያዉ ጎፐ፥ አሳ ማርቤና ኡራ ጾሳይ ማረናን ፕርዳና፤ ማሮተይ ፕርዳ ጾኔ።

Daannatuwaa 10:16

አላጋ ጾሳቱዋ ባረንቱ ግዶፐ ድጊደ፥ መና ጎዳዉ ጎይኔድኖ። እስራኤልያ አሳይ ቱጋቴዳዎ ጾሳይካ ሴለቴዳ።