ኤርማሳ ሴላ 5:1 - ጌሻ ማጻፋ

¹ አቤት መና ጎዳዉ፥ ኑ ቦላ ጋኬዳዋ ኡባ ሀሳያ፤ ኑና ጼላ፤ ኑ ካዉሻካ በአ!

Geeshsha Mas'aafaa

¹ Abeet Med'inaa Godaw, nu bolla gakkeeddawaa ubbaa hassaya; nuuna s'eella; nu kawushshaakka be'a!

ኤርማሳ ሴላ 5:1 ပူးပေါင်းရင်းမြစ်များ

Nahimiyaa 1:3

ኡንቱንቱ ዛሪደ፥ “ኦሞዱዋን ብቤናዋንቱነ ደኡዋን ደእያዋንቱ ዎልቃማ መቱዋንነ ዬላ ግዶን ደኢኖ። የሩሳላመ ግምቢያ ድርሳይ ኮለቴዳ፤ ቃይ ግምቢያ ድርሳ ፐንገቱካ ታማን ጹገቴድኖ” ያጌድኖ።

Nahimiyaa 1:8

ነ ቆማ ሙሴዉ ኔን ሀዋዳን ያጋደ ኦዴዳ ቃላ ሀያና ቆፓ፤ ‘ህንተኖ፥ እስራኤልያ አሳቶ፥ ህንተንቱ ታዉ አማነተናን እጾፐ፥ ታን ህንተንታ አይሁዳ ግደና ቢታቱዋን ላላና።

Nahimiyaa 4:4

ሄዋፐ ጉይያን፥ ታን ሀዋዳን ያጋደ ዎሳድ፤ “ኑ ጾሳዉ፥ ኡንቱንቱ ኑና ዎት ዎት ቅሊጭንቶ ሀዋ ስሳ! ኡንቱንቱ ኑና ሸቂያ ሸቃይ ኡንቱንቱ ሁጲያን ስሞ። ባረንቶ ደእያ አቁዋ ቦንቀት ክቺደ፥ አላጋ ጋድያን ኦሞደቴዳ አሳ ግድኖ።

Iyyooba 10:9

ኔን ታና ኡርቃፐ መዳዋ ሀሳያ። ያትና፥ ሀእ ታና ባናዳን ሊቅሳናዉ ሀናይ?

Iyyooba 7:7

“አቤት ጾሳዉ፥ ታ ላይይ ሲያና ሸምፕያ እት ሸምፑዋ ማላ ግድያዋ ሀሳያ! ታ አይፊ ላኤን ኬካባ በኤናን አቴዳ።

Mazimuriyaa 119:153

ታ ቱጋ በኣደ፥ ታና አሻ፤ አያዉ ጎፐ፥ ታን ነ ህግያ ዶጋበይከ።

Mazimuriyaa 74:18

ሽን አቤት መና ጎዳዉ፥ ነ ሞርከቱ፥ ኔና ዎት ቅሊጬድኖንቶ፥ ቦዛ አሳቱ ነ ሱን ዎት ቦሬድኖንቶ ሀሳያ።

Mazimuriyaa 79:12

አቤት ጾሳዉ፥ ኑ ሾሮ ካዉተቱ ኔና ቦሬዳዋ፥ ሀሉዋ ላፑን ኩሽያ ኡንቱንቱ ክዉዋን እድን።

Mazimuriyaa 79:4

ኑ ሾሮቶ ኑን ሸቂያዋ ግዴዶ፤ ኑ ሄራን ደእያዋንቱ፥ ሚጭያዋነ ቅያዋ ግዴዶ።

Isiyaasa 62:6

ኔኖ የሩሳላመ፥ ነ ድርሳ ግምቢያ ቦላን ዎችያዋንታ ታን ዎድ፤ ኡንቱንቱ ጋላስካ ቃማካ ጮኡ ጊክኖ።

Ermaasa 15:15

አቤት መና ጎዳዉ፥ ኔን ኤራሳ። ታና ሀሳያደ ማዳ፤ ታና የደርስያዋንቱ ቦላ ታ ሀሉዋ ከሳ። ኔን ኡንቱንቶ ዳንዳያደ፥ ታና ዎራ የጎፓ። ታን ነ ድራዉ ሸቀትያዋ ቆፓ።

Ermaasa 51:51

ህንተ፥ ‘ኑን ቦረቴዳ ድራዉ ካዉሼዶ፤ አላጋቱ መና ጎዳ ጎልያን ጌሻ ሳአቱዋ ገሌዳ ድራዉ፥ ኑን ዬላ ማዬዶ’ ያጌድታ።

ኤርማሳ ሴላ 1:11

እዝ አሳቱ ኮሻቲደ፥ ቁማ ደማናዉ ኦሊኖ። ኡንቱንቱ ፓጻ ደአና ድራዉ ጊደ፥ ባረንቱ ቦንቾ ዱረታ ኡባ ቁማን ላሚኖ። የሩሳላማ ሀዋዳን ያጋዉ፤ “አቤት መና ጎዳዉ፥ ጼላ፤ ታን ካቴዳዋ በአ!

ኤርማሳ ሴላ 1:20

አቤት መና ጎዳዉ፥ ታ ዋይያ በአ! ታ ጋርሳይ ሻቢረቴዳ። ታን ሎይ ማካሌዳ ድራዉ፥ ታ ዎዛናይ መኤዳ። ካረን ማሻይ ዉርሴ፤ ሶንካ ሀይቆ ጻላላይ ደኤ።

ኤርማሳ ሴላ 1:9

እ ቱናተይ እ አፍላ ጼራ ባቂ ኦይቄዳ። ስንፐ ባረ ቦላ ያናባ እዛ ቆፓበይኩ። ሄዋ ድራዉ፥ እዝ ኩንደይ ዳጋንያዋ። እዛ፥ “አቤት መና ጎዳዉ፥ ታ ቱጋ በአ! ታ ሞርከቱ ታና ጾኔድኖ” ጊናካ፥ እዞ ምንያዌ እቱነ ባዋ።

ኤርማሳ ሴላ 2:15

ነ ማታና አያ ኡባይ ባረ ብራያ ነ ቦላን ዱኬ። ቃይ፥ “ቢታን ሳኣን ኡባፐ አአደ ሎእያ ካታማታ ሀኒ? ኩመን ቢታዉ ናሸቻ ጌተቴዳ ካታማታ ሀኒ?” ያጊደ ኔና ቅሊጬድኖ፤ ባረንቱ ሁጲያካ ቃኖ።

ኤርማሳ ሴላ 2:20

አቤት መና ጎዳዉ፥ በአ! ኔን ኦ ቦላ ካሰ ሀዋዳን ኦድንቶ፥ አነ ቆፓ። አየቱ ባረንቱ ክዉዋን እሻልሲደ ድቼዳ ባረንቱ ናናቱዋ ሚኖ ጋይ? ቃይ ቄሳቱ ነ ናበቱ ጎዳ ጌሻ ጎልያ ግዶን ሀይቂኖ ጋይ?

ኤርማሳ ሴላ 3:19

ታ መቱዋነ ታን ቶይላካትያዋ ሀሳይና፥ ደኡ ታና ጫሜዳ።

ኤርማሳ ሴላ 3:50

መና ጎዳይ ሳሉዋፐ ዱገ ጼሊደ በአና ጋካናዉ ሄዌ ሀኔ።

ኤርማሳ ሴላ 3:61

አቤት መና ጎዳዉ፥ ኡንቱንቱ ታና ሸቂያ ሸቃነ ታ ቦላን ማቀትያ ማቁዋ ኡባ ስሳዳ።

Imbbaak'ooma 3:2

አቤት መና ጎዳዉ፥ ኔን ካሰ ኦዳዋ ታን ስሳደ ያያድ። አቤት መና ጎዳዉ፥ ኑ ዎድያንካ ሄ ኦሶቱዋ ዛረደ ኦ፤ ኡንቱንቱ ኑ ዎድያንካ ኤረትኖ። ኔን ሀንቀያ ዎደ ነ ማሮታ ቆፓ።

Luuqaasa 23:42

እ የሱሳ፥ “ኔን ነ ካዉተ ዎልቃን ይያ ዎደ፥ ታና ቆፓ” ያጌዳ።