Kessaa 20:2 - ጌሻ ማጻፋ

² “ኔና ግብጼፐ አይለተ ጋድያፐ ከሴዳ መና ጎዳይ ነ ጾሳይ ታና።

Geeshsha Mas'aafaa

² «Neena Gibs'eppe ayiletetsaa gadiyaappe keseedda Med'inaa Goday ne S'oossay taana.

Kessaa 20:2 ပူးပေါင်းရင်းမြစ်များ

1 ካታቱዋ 18:39

አሳይ ኡባይ ሄዋ በኤዳ ዎደ፥ ባረንቱ ዴሙዋን ጉፋኒደ፥ “መና ጎዳይ ጾሳ! መና ጎዳ ጻላላይ ጾሳ!” ያጌድኖ።

2 ካታቱዋ 17:12

መና ጎዳይ ኡንቱንታ፥ “ኤቃዉ ጎይኖፕተ” ግ ዎና፥ ኡንቱንቱ ኤቃዉ ጎይኔድኖ።

2 ካታቱዋ 17:7

ሀዌ ኡባይ ሀኔዳዌ፥ እስራኤልያ አሳይ መና ጎዳ ባረንቱ ጾሳ ቦላ፥ ኡንቱንቱ ግብጼፐ፥ ግብጼ ካትያ ኩሽያፐ ከሴዳዋ ቦላ ናጋራ ኦዳ ጋሱዋና። ቃይ ኡንቱንቱ ሀራ ጾሳቶ ጎይኒደ፥

2 Oduwaa 28:5

ሄዋ ድራዉ፥ መና ጎዳይ አ ጾሳይ አ ሶርያ ካትያ ኩሽያን አ እሜዳ። ኡንቱንቱ አ ጾኒደ፥ አ አሳፐ ዳሮ አሳ ኦሞዲደ፥ ዳማስቆ አፌድኖ። ቃይካ ጾሳይ አ እስራኤልያ ካትያ ኩሽያዉ አ እምና፥ ካቲ ኢታ ሾቻ ሾጬዳ።

Mazimuriyaa 50:7

“ታ አሳዉ፥ ስሳ! ታን ነዉ ኦዳይ። እስራኤልያ አሳዉ፥ ታን ነ ቦላ ማርካታይ። ታን ጾሳ፥ ነ ጾሳ።

Mazimuriyaa 81:10

ታን፥ መና ጎዳ ህንተ ጾሳ፥ ህንተና ግብጼ ቢታፐ ከሳደ አሄዳዋ። ነ ዶና ሎይ ሀንጋ፤ ታን ኔና ዳርሳደ ባርሳና።

Mazimuriyaa 81:11

“ሽን ታ አሳቱ ታ ቃላ ስስበይክኖ፤ እስራኤላቱ ታዉ አዛዘትበይክኖ።

Mazimuriyaa 81:7

ህንተ መቱዋ ዎደ ታና ጼሴድታ፤ ህንተና አሻድ፤ ታን ጉምያ ሻርያ ግዶን ጌሜዳሳፐ ህንተና አላድ። ማሪባ ግያ ፑልቱዋ ማታን ታን ህንተና ፓጫድ።

Kessaa 13:14

ስንና ያና ዎድያን ነ ናአይ ኔና፥ ‘ሀዌ አዬ?’ ያጊደ ኦቾፐ፥ ኔን አ፥ ‘መና ጎዳይ ኑና ዎልቃማ ኩሽያን ግብጼፐ፥ አይለተ ጋድያፐ ከሴዳ፤

Kessaa 13:3

ሄዋፐ ጉይያን ሙሴ አሳ፥ “ግብጼፐ፥ አይለተ ጋድያፐ ህንተንቱ ከሴዳ ጋላሳ፥ ሀ ጋላሳ ሀሳይተ፤ አያዉ ጎፐ፥ መና ጎዳይ ባረ ዎልቃማ ኩሽያን ህንተንታ ከሴዳ፤ ሄዋ ድራዉ፥ እርሹ ገሌዳዋ ኡባካ ሞፕተ።

Kessaa 15:13

“ኔን ዎዜዳ ነ አሳ አገና ነ ሲቁዋን ካለዳ። ኔን ነ ዎልቃን ኡንቱንታ ኔን ደእያ ጌሻ ሳኣ ገልሳዳ።

Kessaa 15:16

አቤት መና ጎዳዉ ዳጋማይነ ያሻይ ኡንቱንታ ኦይቂና፥ ኡንቱንቱ ነ ዎልቃ ግታተ በኢደ፥ ነ አሳይ አና ጋካናዉ፥ ኔን ዎዜዳ አሳይ አና ጋካናዉ፥ ሹቻዳን ሙሚደ ኤቂኖ።

Kessaa 15:26

እ ኡንቱንታ ሀዋዳን ያጌዳ፤ “መና ጎዳይ ህንተንቱ ጾሳይ ኦድያዋ ምንሲደ ስሶፐነ አ አይፍያ ስንን ልከባ ኦፐ፥ ህንተንቱ አ አዛዙዋ ሀይዞፐነ አ ዎጋ ኡባ ናጎፐ፥ ታን ግብጼቱዋ ቦላ አሄዳ ሀርግያፐ እቱዋነ ህንተንቱ ቦላ አህከ፤ አያዉ ጎፐ፥ ታን ህንተንታ ፓያ መና ጎዳቴ” ያጌዳ።

Kessaa 20:1

ጾሳይ ሀ ቃላቱዋ ኡባ ሀዋዳን ያጊደ ሃሳዬዳ፤

Kessaa 29:46

ታን ኡንቱንቱ ግዶን ደአና ማላ፥ ግብጼፐ ኡንቱንታ ከሴዳ መና ጎዳ ኡንቱንቱ ጾሳ ግድያዋ ኡንቱንቱ ኤራና። ኤ፥ ታን መና ጎዳ ኡንቱንቱ ጾሳ።

Kessaa 6:6

“ሄዋ ድራዉ፥ ኔን እስራኤላቱዋ፥ ‘ታን መና ጎዳ፤ ታን ህንተንታ ግብጼቱዋ ናቁዋፐ ከሳና፤ ታን ህንተንታ ኡንቱንቱ አይለተፐካ ላአ ከሳና፤ ቃይ ታን ታ ዎልቃማ ዎልቃን ግብጼቱዋ ቦላ ኢታ ፕርዳ አሃደ ህንተንታ ዎዛና።

Isiyaasa 43:3

አያዉ ጎፐ፥ ታን ኔና አሽያ እስራኤልያ ጌሻ፥ መና ጎዳ ነ ጾሳ። ታን ግብጼ ነዉ ዎዞ ኦደ፥ ቶጵያነ ሳባ ነ ላምያ ኦደ እማና።

Ermaasa 16:14

መና ጎዳይ ሀዋዳን ያጌ፤ “ ‘እስራኤልያ አሳ ግብጼ ቢታፐ ከሴዳ መና ጎዳይ ኤሮ’ ያጊደ ጫቀና ዎዲ ያና።

Ermaasa 2:6

ኡንቱንቱ፥ ‘ኑና ግብጼፐ ከሴዳዌ፥ መላ አፎ ግዴዳ ባዙዋና፥ ኮሻይነ ጵ ጎ ማይ ደእያ ቢታና፥ አይ አሳይነ አና ዎይ ደኤና ሳና ካለዳ መና ጎዳይ ሀቃን ደኢ?’ ያግበይክኖ።

Ermaasa 31:1

መና ጎዳይ ሀዋዳን ያጌ፤ “ሄ ዎደ ታን እስራኤልያ ያራቶ ኡባዉ ጾሳ ግዳና፤ ኡንቱንቱካ ታ አሳ ግዳናዋ” ያጌ።

Ermaasa 31:33

ሽን ታን መና ጎዳይ ሄ ጋላሳቱዋፐ ጉይያን እስራኤልያ አሳና ጫቀታና ጫቁ ሀዋ: ታን ታ ህግያ ኡንቱንቱ ግዶን ዎና፤ ቃይ ኡንቱንቱ ዎዛናንካ ጻፋና። ታን ኡንቱንቱ ጾሳ ግዳና፤ ቃይ ኡንቱንቱካ ታ አሳ ግዳና።

Ermaasa 34:13

መና ጎዳይ እስራኤልያ ጾሳይ ሀዋዳን ያጌ፤ “ታን ህንተ ማይዛ አዎቱዋ ግብጼፐ፥ አይለተ ቢታፐ ከሴዳ ዎደ፥ ኡንቱንቱና ቃላ ጫቁዋ ጫቃ ኡታድ።

Hizik'k'eela 20:19

ታን መና ጎዳ ህንተ ጾሳ። ታ ዎጋዳን ሀመትተ፤ ታ ህግያካ ናግተ።

Hizik'k'eela 20:5

ኡንቱንቶ ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ታን እስራኤልያ ዶሬዳ ዎደ ታ ኩሽያ ደንደ ጫቃድ፥ ያቆባ ዛረቶ ግብጼን ደእሺና፥ ታናተ ኤርሳደ፥ ታ ኩሽያካ ደንደ ጫቃደ፥ ታን መና ጎዳ ህንተ ጾሳ” ጋደ ኦዳድ።

Hizik'k'eela 20:7

ቃይ ታን ኡንቱንታ፤ “ህንተፐ እቱ እቱ ባረ ሲቅያ ቱና ኤቃቱዋ ድጎ፤ ግብጼ ኤቃቱዋን ቱኖፕተ። ታን መና ጎዳ ህንተ ጾሳ” ያጋድ።

Hoose 12:10

ታን ትምቢትያ ኦድያዋንቶ ሃሳያድ። ዳሮ ሳጻካ ኡንቱንቶ እማድ፤ ቃይ ኡንቱንቱ ባጋና ዳሮ ሌምሳቱዋ ኦዳድ” ያጌ።

Hoose 13:4

ጾሳይ ሀዋዳን ያጌ፤ “ታን ህንተና ግብጼ ጋድያፐ ከሳደ አሄዳ መና ጎዳ ህንተ ጾሳ። ህንተ ታፐ አትና፥ ሀራ ጾሳ ኤርክታ፤ አሽያዌካ ታፐ አትና፥ ሀራይ ባዋ።

Wogaa 11:45

አያዉ ጎፐ፥ ታን ህንተ ጾሳ ግዳናዉ፥ ህንተና ግብጼ ጋድያፐ ከሴዳ መና ጎዳ። ሄዋ ድራዉ፥ ታን ጌሻ ግድያ ድራዉ፥ ህንተካ ጌሻ ግድተ ያግተ ያጌዳ።

Wogaa 19:36

ህንተ ኪሉዋ ሚዛናይ፥ ህንተ ማክያባይነ ልክያ ሚሻቱ ኡባይ ልከ ግድኖ። ታን ህንተና ግብጼ ጋድያፐ ከሳደ አሄዳ መና ጎዳ ህንተ ጾሳ።

Wogaa 23:43

ሄዌ ስንና ይያ የለታይ ኡባይ እስራኤልያ አሳ ታን ግብጼፐ ከሴዳ ዎደ፥ ኡንቱንቱ ዳስያን ደአናዳን ኦዳዋ ኤራናሳ። ታን መና ጎዳ ህንተ ጾሳ’ ያጋ” ያጌዳ።

Wogaa 25:38

ህንተዉ ካናነ ቢታ እማናዉነ ህንተ ጾሳ ግዳናዉ፥ ህንተና ግብጼ ጋድያፐ ከሴዳዌ፥ ታን መና ጎዳይ፥ ህንተ ጾሳ።

Wogaa 25:42

እስራኤላቱ ታን ግብጼ ጋድያፐ ከሴዳ ታ አይለቱዋ ግድያ ድራዉ፥ ኡንቱንቱ አይለተዉ ዛልኤቶፕኖ።

Wogaa 25:55

አያዉ ጎፐ፥ እስራኤልያ አሳይ ታ ቆማቱዋቴ፤ ታን ግብጼ ጋድያፐ ከሴዳ ታ ቆማቱዋ። ታን፥ መና ጎዳይ፥ ህንተ ጾሳ’ ያጋ” ያጌዳ።

Wogaa 26:1

መና ጎዳይ ሀዋዳን ያጌ፤ “ህንተ ኡንቱንቶ ጎይናናዉ ኤቃቱዋ መፕተ፤ ቃይ ሀዉልትያ፥ ማሰቴዳ ምስልያ ዎይ ማሰቴዳ ሹቻ ኤሶፕተ። ታን፥ መና ጎዳይ፥ ህንተ ጾሳ።

Wogaa 26:13

ህንተ ግብጼቶ አይልያ ግደናዳን፥ ግብጼ ጋድያፐ ህንተና ከሴዳዌ ታን መና ጎዳይ ህንተ ጾሳ። ታን ህንተ አይለተ ሞርገ ም መንድ፤ ቃይ ህንተካ ቁ ጊደ ሄመታናዳን ኦድ።

Amoos'a 2:10

ታን ህንተና ግብጼ ጋድያፐ ከሳደ፥ ባዙዋን ኦይታሙ ላይ ካለድ፤ ቃይ አሞረቱ ቢታካ ህንተንቶ ላታ ኦደ እማድ።

Romans 10:12

አይሁዳ አሳነ አይሁዳ ግደና አሳ ግዶን ዱማተይ ባዋ። እት ጾሳይ ኡባ ጎዳ፤ እ ባረና ጼስያ ኡባቶ ዳሮ ኬካ።

Romans 3:29

ዎይ ጾሳይ አይሁዳቱዋ ጻላላዉ ጾሴ? አይሁዳ ግደና አሳዉ ጾሳ ግደኔ? ቱማ፥ አይሁዳ ግደናዋንቶካ እ ቃይ ጾሳ።

Zaaretsuwaa 13:10

እ ሀይቃና ጋካናዉ፥ ሹቻን ጫድተ፤ አያዉ ጎፐ፥ እ ህንተና ግብጼ ጋድያፐ፥ አይለተ ጎልያፐ ከሴዳ መና ጎዳፐ፥ ህንተ ጾሳፐ፥ ህንተና ሻካናዉ ኮዬዳ።

Zaaretsuwaa 15:15

ህንተካ ግብጼ ጋድያን ካሰ አይልያ ግዴዳዋነ መና ጎዳይ ህንተ ጾሳይ ህንተና ያፐ ዎዜዳዋ ዶጎፕተ። ታን ህንተና ሀች አዛዝያዌ ሄዋሳ።

Zaaretsuwaa 20:1

“ህንተ ሞርክያና ኦለታናዉ ብያ ዎደ፥ ኡንቱንቱ ፓራቱ፥ ፓራ ጋረቱነ ኡንቱንቱ ኦላንቻቱ ህንተፐ ዳርና በኢደ፥ ኡንቱንቶ ያዮፕተ፤ አያዉ ጎፐ፥ ህንተና ግብጼፐ ከሴዳ መና ጎዳይ ህንተ ጾሳይ ህንተናና ደኤ።

Zaaretsuwaa 5:15

ኔን ግብጼ ጋድያን አይልያ ግዳደ ደኤዳዋ ዶጎፓ፤ ቃይ መና ጎዳይ ነ ጾሳይ ባረ ዎልቃማ ኩሽያንነ ባረ ምጨቴዳ ቀስያን ያፐ ኔና ከሴዳዋ ዶጎፓ። መና ጎዳይ ነ ጾሳይ ሳምባታ ጋላሳ ኔን ናጋናዳን፥ ኔና አዛዜዳዌካ ሄዋ ግሻሳ።

Zaaretsuwaa 5:6

“ግብጼ ጋድያፐ አይለተ ጎልያፐ ኔና ዎዜዳዌ ታን መና ጎዳ ነ ጾሳ።

Zaaretsuwaa 7:8

ሽን መና ጎዳይ ህንተና ሲቄዳ ግሻዉነ ህንተ ማይዛ አዋቶ ጫቄዳ ጫቁዋ ናጌዳ ድራዉ፥ እ ህንተና አይለተ ጋድያፐ፥ ግብጼ ካትያ ኩሽያፐ፥ ባረ ዎልቃማ ኩሽያን ከሴዳነ ዎዜዳ።

Daannatuwaa 2:1

መና ጎዳ ኪታንቻይ ገልገላፐ ቦክማ ቢደ፥ እስራኤልያ አሳ ሀዋዳን ያጌዳ፤ “ታን ህንተንታ ግብጼፐ ከሳድ፤ በን ህንተንቱ ማይዛ አዋቶ እማና ጋደ ጫቄዳ ጋድያ ህንተንታ ገልሳድ። ህንተንታ ሀዋዳን ያጋድ፤ ‘ታን ህንተናና ጫቀቴዳ ጫቁዋ ኡባካ መንከ፥

Daannatuwaa 6:10

ያታደ ታን ህንተንታ፥ “ታን መና ጎዳ ህንተንቱ ጾሳተነ፤ ህንተንቱ ኡንቱንቱ ጋድያ ላቴዳ አሞራዋናቱዋ ጾሳቶ ጎይኖፕተ” ያጋደ ኦዳድ። ሽን ህንተንቱ ታ ቃላ ስሰናን እጼድታ’ ያጌ” ያጌዳ።