Isiyaasa 48:4 - ጌሻ ማጻፋ

⁴ አያዉ ጎፐ፥ ኔን ኦድና ስሰናዋ፥ ነ ሞርጊ ብራታ ማላ ግድያዋ፥ ነ ሶምኢካ ናሃስያ ግያ ብራታዳን ሌቃመናዋ ታን ኤራድ።

Geeshsha Mas'aafaa

⁴ Ayaw gooppe, neeni odina sisennawaa, ne morggii birataa mala gidiyaawaa, ne som"iikka nahaasiyaa giyaa birataadan leek'amennawaa taani eraad.

Isiyaasa 48:4 ပူးပေါင်းရင်းမြစ်များ

2 ካታቱዋ 17:14

ሽን ኡንቱንቱ ስሰናን እጼድኖ። መና ጎዳ ባረንቱ ጾሳ አማነትቤና ባረንቱ አዎቱዋዳን ሞርግያ ምንሴድኖ።

2 Oduwaa 30:8

ህንተንቱ መና ጎዳዉ አዛዘትተፐ አትና፥ ካሰ ህንተንቱ አዎቱዋዳን ህንተንቱ ሞርግያ ጋፍሶፕተ! ጾሳይ መናዉ ጌሼዳ ጌሻ ጎልያ ሃ ዪተ። ጾሳ ሀንቁ ኤጽያዌ ህንተንቱ ቦላፐ ክቻናዳን፥ መና ጎዳዉ፥ ህንተንቱ ጾሳዉ፥ ጎይንተ።

2 Oduwaa 36:13

ሰደቅያስ አማነታናዳን ባረና ጾሳ ሱንን ጫቀዳ ናቡካዳናጾራ ቦላ ማካሌዳ። መና ጎዳኮ እስራኤልያ ጾሳኮ ስምያዋ አጊደ፥ ባረ ሞርግያ ዞዝሴዳ፤ ባረ ዎዛናካ ሙምሴዳ።

Nahimiyaa 9:28

“ሽን ኡንቱንቱ ሸምፑዋ ደሚደ ዛረደ፥ ነ ስንን ናጋራ ኦድኖ። ኔንካ ዛራደ ኡንቱንቱ ሞርከቱዋ ኩሽያን አደ እምና፥ ኡንቱንቱ ሞርከቱ ኡንቱንታ ሞደድኖ። ሽን ሀእካ ኡንቱንቱ ኔኮ ዋስና፥ ኡንቱንቱ ዋሱዋ ሳሉዋን ግዳደ ስሳዳ። ነ ማሮተን ኡንቱንታ ዛራ ዛራደካ አሻ አካዳ።

Mazimuriyaa 75:5

ህንተ ካጭያ ቂስ በሶፕተ፤ ዛቱሪደ ሃሳዮፕተ ያጋይ” ያጌ።

Mazimuriyaa 78:8

ኡንቱንቱ ካሰ ባረንቱ አዎቱዋዳን ዎዛና ሙመነ ማካላንቻ አሳ ግደናዳንነ ጾሳን ኤቀናነ አማነተና የለታ ግደናዳና።

Kessaa 32:9

መና ጎዳይ ሙሳ፥ “ታን ሀ አሳ በኣድ፤ ኡንቱንቱ ሞርጊ ሌፋቴዳ አሳ።

Kessaa 33:3

ማይነ ኤሳይ ጎግያ ሄ ጋድያ ቢተ። ሽን ህንተንቱ ሞርጊ ሌፋቶ አሳ ግዴዳ ድራዉ፥ ታን ህንተንታ ኦግያን ይሳናዉ፥ ህንተናና ቢከ” ያጌዳ።

Kessaa 33:5

አያዉ ጎፐ፥ መና ጎዳይ ሙሳ ሀዋዳን ያግ ዎዳ፤ “እስራኤልያ ሀዋዳን ያጋ፤ ‘ህንተ ሞርጊ ሌፋቶ አሳ። ታን ህንተናና ሀራይ አቶ ጉ ዎድያ ብንቶካ፥ ታን ህንተንታ ይሳና። ሀእ ስም ህንተንቱ አሌቁዋ ከስ ድግተ፤ ያቶፐ ታን ህንተንታ ኦናባ ቃቻና’ ያጋ” ያጌዳ።

Kessaa 9:7

ካቲ ሀ የዉዋ ፓጫናዉ አሳ ኪቲደ፥ እስራኤለቱዋ መህያፐ፥ ሀራይ አቶ፥ እቱነ ሀይቂቤናዋ ኤሬዳ። ግዶፐነ ካትያ ዎዛናይ ዶንጭሎ ሳኣፐ ስመናን እጽና፥ አሳ የደናን ድጌዳ።

Leemisuwaa 29:1

ዳሮ ገደ ሴርና እጺደ፥ ሞርጊ ሌዳ ኡራይ ሀሳየናን መአና፤ ሄ ኡራዉ ፓጹካ ባዋ።

Isiyaasa 30:9

አያዉ ጎፐ፥ ሀዋንቱ ማካላንቻ አሳቱዋነ ዎርዱዋ ናናቱዋ፤ ኡንቱንቱ መና ጎዳይ ኦድያዋ ስሳናዉ ኮየና ናናቱዋ።

Isiyaasa 46:12

“ህንተኖ ዎዛናይ ሙሜዳዋንቶ፥ ጽሎተፐካ ሃኬዳዋንቶ፥ ታን ኦድያዋ ስስተ፤

Ermaasa 19:15

“ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ስስተ፥ ታን ሀ ካታማ ቦላነ አ ሄራን ደእያ ሞቱ ኡባ ቦላ አሀና ጌዳ ኢታባ ኡባ ኡንቱንቱ ቦላ አሀና ሀናይ። አያዉ ጎፐ፥ ኡንቱንቱ ሞርጊ ማካላ ግዲደ፥ ታን ኦዴዳባ ስሰናን እጼድኖ’ ያጌ” ያጌዳ።

Ermaasa 3:3

ሄዋ ድራዉ፥ ባሳይ ተኤቴዳ፤ ባልጉዋ እራይካ ቡከናን አጌዳ። ሄዋ ሀኖፐካ፥ ነዉ ሻርሙጽያ ማላይ ደኤ፤ ኔን ዬላተናን እጻዳ።

Ermaasa 5:3

አቤት መና ጎዳዉ፥ ነ አይፈቱ ቱሙዋ ጼልክኖየ? ኔን ኡንቱንታ ደቻዳ፥ ሽን ኡንቱንታ ሳክቤና። ኔን ኡንቱንታ ክንቼሬዳ፥ ሽን ኡንቱንቱ ሴራ አከናን እጼድኖ። ኡንቱንቱ ባረንቱ ሶምኡዋ ዛላፐ አ ምንሲደ፥ ባረንቱ ናጋራፐ ስመናን እጼድኖ።

Ermaasa 7:26

ሽን ህንተ ታዉ ስሰናን ዎይ ሀይዘናን እጼድታ። ህንተ ሞርግያ ልሴድታነ ህንተ ማይዛ አዎቱዋፐካ አደ፥ ኢታባ ኦድታ።

Hizik'k'eela 2:4

ኡንቱንቱ ዎዛና ሙመነ ዬላይ ባይናዋንታ ግድያ ድራዉ፥ ታን ኔና ኡንቱንቱኮ ኪታይ። ባደ፥ ‘ኡባ ሞድያ መና ጎዳይ ሀዋዳን ያጌ’ ያጋ።

Daaneela 5:20

ሽን እ ኦቶረቴዳ ዎደነ አ ዎዛናይ ሙሜዳ ዎደ፥ ባረ ካዉተ አራታፐ ዎዳ፤ አ ቦንቹካ ቃረቴዳ።

Kiitaa 7:51

“ህንተንቱ አይበ ሞርጊ ምኖ አሴ? ህንተንቱ ዎዛናይ ጾሳ ቃላ አካናዉ አይበ ዳሜዳዌ? ህንተንቱ ሀይይካ ዋን ቱሌዴ? ኡባ ዎደ ጌሻ አያናዉ አዛዘተናን እጺታ።

Romans 2:5

ሽን ህንተንቶ ጉዙማ ዎዛናይነ ናጋራፐ ስመና ዎዛናይ ደኤ፤ ሄዋ ድራዉ፥ ጾሳ ሀንቁነ ጽሎ ፕርዳይ ቆንጭያ ጋላስ፥ ኔን ነ ቦላ ሀንቁዋ ካሰዋፐ ዳርሳሳ።

Zaaretsuwaa 10:16

ሄዋ ድራዉ፥ ህንተ ዎዛና ሾኩዋ ቃጻርተ፤ ቃይ ሀዋፐ ስንናዉ ሞርግያ ዞዛ ግዶፕተ።

Zaaretsuwaa 31:27

ህንተ ዎይሳ ማካላንቼንቶነ ዎይሳ ሞርግያ ሌፈንቶ ታን ኤራይ። በእተ፥ ታ ህንተናና ደኤዳ ላይ ኡባን ህንተ መና ጎዳዉ ኢታ ማካላ፤ ሽን ታን ሀይቃ ክችና፥ ኡባ ዎይሳ ማካላንቴ?

Ibraawe 3:13

ሽን ጾሳይ ህንተንታ ኡባ ጋላስ ሀቼ ጊደ ጼስሽን፥ ህንተፐ ኦናነ ናጋራይ ባለና፥ ዞርያ አከናን እጸና ማላ፥ እቱ እቱዋ ዞርተ።