Isiyaasa 26:4 - ጌሻ ማጻፋ

⁴ መና ጎዳን መናዉ አማነትተ፤ አያዉ ጎፐ፥ መና ጎዳይ፥ መና ጎዳይ መና ዛላ።

Geeshsha Mas'aafaa

⁴ Med'inaa Godaan med'inaw ammanetitte; ayaw gooppe, Med'inaa Goday, Med'inaa Goday med'inaa Zaallaa.

Isiyaasa 26:4 ပူးပေါင်းရင်းမြစ်များ

2 Oduwaa 20:20

ኡንቱንቱ ጉራ ጉራን ደንዲደ፥ ታቆአ መላ ቢታ ባናዉ ከሴድኖ፤ ኡንቱንቱ ከሴዳ ዎደ ዮሳፌጸ ደንድ ኤቂደ፥ “ይሁዳንነ የሩሳላመን ደእያ አሳዉ፥ ታን ግያዋ ስስተ። መና ጎዳን፥ ህንተንቱ ጾሳን፥ አማነትተ፤ ህንተንቱ ምናና። ቃይ ትምቢትያ ኦድያዋንቱንካ አማነትተ፤ የዉዋ ኡባይ ህንተንቶ እንጀታናዋ” ያጌዳ።

2 Oduwaa 32:8

አናና አሳ ዎልቃይ ደኤ፤ ሽን ኑናና መና ጎዳይ ኑ ጾሳይ ኑና ማዳናዉነ ኑዉ ኦለታናዉ ደኤ” ያጊደ ኡንቱንታ ምንዳ። ይሁዳ ካቲ ህዝቂያሰ ሃሳዬዳባን አሳይ ምነቴዳ።

Iyyooba 9:19

ዎልቃባ ሃሳዮፐ፥ እ ዎልቃማ። ፕርዳዋ ሃሳዮፐ፥ አ ጼሲደ፥ ፕርዳ ጎለ ሺሻና አሳይ ባዋ።

Mazimuriyaa 125:1

መና ጎዳን አማነትያዋንቱ ቃጻናዉ ዳንዳየና፥ መናዉ ደእያ ጽዮነ ደርያ ማላ።

Mazimuriyaa 18:2

መና ጎዳይ ታዉ ዎጋ ዛላ፤ ታን ኦላፐ ናገትያ ሚጻ፤ እ ታና አሽያዋ። ታ ጾሳይ ታን አኮ ባቃትያ ታ ዎጋ ዛላ። እ ታ ጎንዳልያ፤ እ ታና አሽያ ዎልቃ፤ እ ታን ቆሰታ አትያ ሳኣ።

Mazimuriyaa 46:1

ጾሳይ ኑን ናገት አትያ ሳነ ኑዉ ዎልቃ። ኑና መቱ ጋክያ ዎደ፥ ማዳናዉ እ ኡባ ገደ ማታን ደኤ።

Mazimuriyaa 55:22

ነ ቶኩዋ መና ጎዳን ዎ፤ እ ኔና ዘምፕሳና። ጾሳይ አዉደነ ጽሎቱ ሻባረታናዳን ኦና።

Mazimuriyaa 62:11

ጾሳይ እት ገደ ኦዴዳ፥ ታን ላኡ የዉዋ ስሳድ፤ “ዎልቃይ ጾሳሳ።

Mazimuriyaa 62:8

አሳዉ፥ ኡባ ዎደ ጾሳን አማነትተ፤ እ ኑዉ ጌሱዋ ግድያ ድራዉ፥ ህንተ ዎዛና ቆፋ አዉ ኦድተ።

Mazimuriyaa 62:9

አሳይ ኡባይ እት ገደ ሸምፕያ ጫርኩዋ ማላ፤ ቂና ዝቂና፥ አሳይ መላ። ሚዛንያን ዎናካ ኡንቱንቱ አይነ ዴጽክኖ፤ ኡንቱንቱ እት ገደ ሸምፕያ ጫርኩዋፐካ ካዉሺኖ።

Mazimuriyaa 66:7

እ ባረ ዎልቃን መናዉ ሞዴ። ካዉተቱዋ ባረ አይፍያን ጼሌ፤ ሄዋ ድራዉ፥ ማካልያዋንቱ አ ቦላ ደንዶፕኖ።

Mazimuriyaa 93:1

መና ጎዳይ ካተቴዳ! መና ጎዳይ ቦንቹዋ ማዬዳ፤ ዎልቃ ዳንጬዳ። ሳአይ ምኒደ ኤቄዳ፤ ኡባካ ቃጸና።

Isiyaasa 12:2

“በእተ፥ መና ጎዳይ ታ አቶተ፤ ታን አን አማነታደ፥ ያይከ። አያዉ ጎፐ፥ መና ጎዳይ፥ ታዉ ዎልቃነ የ። እ ታ አቶተ ግዴዳ” ያጋና።

Isiyaasa 17:10

አያዉ ጎፐ፥ ህንተ ህንተና አሽያ፥ ጾሳ ዶጌድታ፤ ህንተ ባቃት አትያ ዎጋ ዛላካ ሀሳይበይክታ። ሄዋ ድራዉ፥ ኔን ሎኦ ምቱዋ ቶኮፐካ፥ ካረ ጋድያፐ ዬዳ ሎኦ አታክልትያ ቶኮፐካ፥

Isiyaasa 30:29

ጌሻ ባላይ ቦንቼትያ ቃማ የጽያዋዳን፥ ህንተ የጻና፤ መና ጎዳ ደርያ እስራኤልያ ዛላኮ ብያ ዎደ፥ ሱሱልያ ፑኒደ የጽያ አሳይ ናሸትያዋዳን፥ ህንተ ናሸታና።

Isiyaasa 32:2

አሳይ ሁጲያን ሁጲያን ጫርኩዋፐ ጌምያ ሳ፥ ጎትያፐ ባቃትያ ሳ ግዳናዋ፤ መላ ሳኣን ጎግያ ሃነ ዞዘትያ ጋድያን ደእያ ዎልቃማ ዛላ ኩዋ ማላ ግዳናዋ።

Isiyaasa 44:8

ያዮፕተ፤ ቃይ ዳጋሞፕተ። ታን ሀዋ ህንተንቶ በንፐ ዶማደ ኦዳበይክታ? ቃይ አዋያበይክታ? ሄዎ ታዉ ህንተ ማርካ። ታፐ አትና፥ ሀራ ጾሳይ ደኢ? ሀራ ዛል ባዋ፤ ታን ኦናነ ኤርከ” ያጌ።

Isiyaasa 45:17

ሽን እስራኤልያ መና ጎዳይ መና አቶተን አሽ ድጌዳ፤ ህንተ መናዉካ ዬላትክታነ ካዉሽክታ።

Isiyaasa 45:24

“ኡንቱንቱ ታዋ ሃሳዪደ፥ ‘ጽሎተይነ ምኖተይ መና ጎዳ ጻላላን ደኤ’ ያጋና” ያጌ። አ እጽያዋንቱ ኡባይ አኮ ዪደ ዬላታና።

Isiyaasa 50:10

ህንተ ግዶፐ መና ጎዳዉ ያይያዌነ አ ቆማ ቃላዉ አዛዘትያዌ ኦኔ? ማን ሀመትያዌነ ፖኡ ባይናዌ እ ኦኔ? ሄ ኡራይ መና ጎዳ ሱንን አማነቶ፤ ባረ ጾሳንካ ዘምፖ።

Isiyaasa 51:5

ታ ጽሎተይ ኤሌሊደ ሺቃና፤ ታ አሹካ ከሲደ፥ ኦግያን ደኤ። ታ ቀሲ አሳ ሞዳና፤ አባ ዶና ቢታቱዋን ደእያ አሳይ ኡባይ ታናን አማነቲደ ናጋና፤ ቃይ ታን ኡንቱንታ ታ ዎልቃን አሻናዋ፥ ናሸቻ ኦደ ናጋና።

Isiyaasa 63:1

ኤዶማ ጋድያን ደእያ ቦጽራ ግያ ካታማፐ ዞኦ ማዩዋ ማዪደ ይያዌ፥ ሄዌ እ ኦኔ? ሀ ፑላና ደእያ ማዩዋ ማዪደ፥ ባረ ዎልቃ ምኖተን ስንዉ ሀመትያዌ ኦኔ? ጾሳይ፥ “ሄዌ ጽሉዋ ሃሳይያዌነ ዎልቃን አሽያዌ ታና ግድክታ!” ያጌ።

Daaneela 3:17

ካትያዉ፥ ኑን ኤጽያ እቶነ ታማ ግዶ ኦለትንቶካ፥ ኑን አዉ ኦያ ጾሳይ ሄ ታማፐ አሻናዉ ዳንዳዬ። ቃይ ካትያዉ፥ እ ኑና ነ ኩሽያፐካ አሻና።

Daaneela 3:28

ሄዋፐ ጉይያን፥ ናቡካዳናጾር ሀዋዳን ያጌዳ፤ “ስድራቃ፥ ምሳቃነ አብዳናጎ ጾሳይ ጋላተቶ! እ ባረ ኪታንቻ ኪቲደ፥ ባረናን አማነቴዳ ባረ ቆማቱዋ አሼዳ። ኡንቱንቱ ካትያ አዛዙዋ እጼድኖ፤ ባረንቱ ጾሳፐ አትና፥ ሀራ ጾሳዉ ኦናፐነ ጎይናናፐ ሀይቃናዋ ዶሴድኖ።

Matthew 28:18

የሱስ ኡንቱንቱኮ ሺቂደ፥ ኡንቱንታ ሀዋዳን ያጌዳ፤ “ማታይ ኡባይ ሳሉዋንነ ሳኣን ታዉ እመቴዳ።

Matthew 6:13

ኑና ኢታባፐ አሻፐ አትን፥ ፓጭያን ገልሶፓ። ካዉተይ፥ ዎልቃይነ ቦንቹ መናዉካ ኔሳ። አመንእ።’

Zaaretsuwaa 32:15

ያኒደ ይሽሩን ኦርዴዳ፤ ማካሌዳ፤ ም ሚደ፥ ቦቦርጬዳ። ባረና መዳ ጾሳ አጌዳ፤ ባረ አቶተ ዛላ ካዳ።

Zaaretsuwaa 32:4

እ ኑ ዛላቴ፥ አ ኦሱዋን ፖኩ ባዋ፤ አ ኦገ ኡባይካ ሱረ። ኑ ጾሳይ አማነትያዋነ ኢታተይ ባይናዋ፤ እ ቱማንቻነ ሱረ።

Zaaretsuwaa 33:27

መና ጾሳይ ህንተንቶ ደኡዋ፤ አ መና ኩሸቱ ህንተፐ ጋርሳና ደኢኖ። እ ህንተ ስንፐ ህንተ ሞርከቱዋ የደርሴዳ፤ ህንተ ኡንቱንታ ዉርስ ይሳናዳን ህንተንቶ ኦዴዳ።

ፕልጵስዮሳ 4:13

ክርስቶስ ታዉ እሜዳ ዎልቃን፥ ኡባባ ኦናዉ ታን ዳንዳያይ።

1 Sammeela 2:2

“መና ጎዳ ማላ ጌሽ እቱነ ባዋ፤ አ ማል እቱነ ባዋ። ኑ ጾሳፐ አትና፥ ሀራ አትያ ዎጋ ዛላይ ባዋ።