Imbbaak'ooma 1:12 - ጌሻ ማጻፋ

¹² አቤት መና ጎዳዉ፥ ታ ጾሳዉ፥ ታ ጌሻዉ፥ ኔን መናፐ ዶማደ ደእያ መና ጎዳ ግድኪ? ኔን ኑ ዛላ ግድያ ድራዉ፥ ኑን ሀይቆኮ። አቤት ጾሳዉ፥ ባብሎናዌቱዋ ኑ ቦላ ፕርዳ ፖላናዳን፥ ኔን ደንደ ዎልቃካ ኡንቱንቶ እማዳ።

Geeshsha Mas'aafaa

¹² Abeet Med'ina Godaw, ta S'oossaw, ta Geeshshaw, neeni med'inaappe doommaade de'iyaa Med'ina Godaa gidikkii? Neeni nu Zaallaa gidiyaa diraw, nuuni hayk'k'okko. Abeet S'oossaw, Baabloonawetuwaa nu bolla pirddaa polanaadan, neeni dentsaade wolk'k'aakka unttunttoo immaadda.

Imbbaak'ooma 1:12 ပူးပေါင်းရင်းမြစ်များ

Doometsaa 21:33

አብራሃመ በርሳበሄን ታማርስከ ጌተትያ ም ቶኬዳ። ሄዋን ጎዳ፥ መና ጾሳ፥ ሱን ጼሴዳ።

2 ካታቱዋ 19:25

“ ‘ዳሮ ዎድያፐ ካሰ ኔን ግምበቴዳ ካታማቱዋ ቆቆፋደ፥ ሹቻ ኬላ ከሳና ማላ፥ ታን ቆፋ ቃቻ ዎዳዋ ኔን ኤራበይኪ? ታን ሀእ ፖልያ ሀልቾቱዋ በን ሀልቻ ዎድ።

Mazimuriyaa 102:24

ያትና፥ ታን፥ “አቤት ታ ጾሳዉ፥ ታ ላይይ ብሮ ግዶትያ ዎደ፥ ታና አፎፓ” ያጋይ። አቤት ጾሳዉ፥ ኔን የለታፐ የለታ ጋካናዉ ደኣሳ።

Mazimuriyaa 118:17

ታን ሀይቂከ፤ ፓጻ ደአናነ መና ጎዳይ ኦዳዋ አዋያና።

Mazimuriyaa 149:2

እስራኤልያ አሳቱ ባረንታ መዳዋን ናሸትኖ። ጽዮነ አሳቱ ባረንቱ ካትያን ሎይ ናሸትኖ።

Mazimuriyaa 17:13

አቤት መና ጎዳዉ፥ ደንዳ። ታ ሞርከቱዋና ኤቀታደ ጾና፤ ነ ማሻን ኢታቱዋፐ ታና አሻ አካ።

Mazimuriyaa 18:1

አቤት መና ጎዳዉ፥ ታ ዎልቃዉ፥ ታን ኔና ሲቃይ።

Mazimuriyaa 74:12

ግዶፐነ፥ አቤት ጾሳዉ፥ ኔን በንፐካ ታ ካትያ፤ ኔን ቢታ ቦላ አቶተ አሃዳ።

Mazimuriyaa 90:1

ጎዳዉ፥ ኔን የለታ ኡባን፥ ኑን ደእያ ሳኣ ግዳዳ።

Mazimuriyaa 90:2

ደረቱ መታናፐ ካሰ፥ ዎይ ኔን ሳኣ ኦናፐ ካሰ፥ መናፐ መና ጋካናዉካ ኔን ጾሳ።

Mazimuriyaa 93:2

ነ ካዉተ አራታይ በኒደፐ ኤቄዳ፤ ኔን መናደፐ ደኣሳ።

Isiyaasa 31:1

ማዱዋ ኮያናዉ ዱገ ግብጼ ዎያዋንቶነ ፓራን አማነትያዋንቶ አየ አና! ጮራ ግድያ ድራዉ ፓራ ጋረቱዋን፥ ዳሮፐ ምኖ ግድያ ድራዉ ፓራ አሳቱዋን አማነትያዋንቶ አየ አና! ኡንቱንቱ እስራኤልያ ጌሻኮ ጼልክኖ፤ ዎይ መና ጎዳፐ ማዱዋ ኮይክኖ።

Isiyaasa 37:23

ኔን ሸቄዳዌነ ቶቼዳዌ ኦኔ? ኔን ኦ ቦላን ነ ቃላ ቁ ኦደ ሃሳያዲ? ቃይ ኦቶሩዋን ኦና ቁ ጋደ ጼላዲ? ሄዋ ኔን ኦዳዌ ታ ቦላና፥ እስራኤልያ ጌሻ ቦላና ግደኔ!

Isiyaasa 37:26

“ዳሮ ዎድያፐ ካሰ፥ ኔን ግምበቴዳ ካታማቱዋ ቆቆፋደ፥ ሹቻ ኬላ ከሳና ማላ፥ ታን ቆፋ ቃቻ ዎዳዋ ኔን ኤራበይኪ? ታን ሀእ ፖልያ ሀልቾቱዋ፥ በን ሀልቻ ዎድ።

Isiyaasa 40:28

ኤራበይኪ? ስሳበይኪ? መና ጎዳይ መና ጾሳ፤ እ ቢታ ኡባካ መዳዋ። እ ዳቡረና፤ ዎይ ዎልቃይ አዉ ዉረና፤ ኦንነ አ ቆፋ ኤራናዉ ዳንዳየና።

Isiyaasa 43:15

ታን መና ጎዳ፥ ህንተ ጌሻ፥ እስራኤልያ መዳዋ፥ ህንተ ካትያ” ያጌ።

Isiyaasa 49:7

አሳይ ካዳዎ፥ እጼዳዎነ ደርያ ሞድያዋንቶ ቆማዉ፥ መና ጎዳይ፥ እስራኤልያ ዎዝያዌ፥ እስራኤልያ ጌሻይ ሀዋዳን ያጌ፤ “አማነትያ መና ጎዳ ድራዉነ ኔና ዶሬዳ እስራኤልያ ጌሻ ድራዉ ካተቱ በኢደ፥ ደንድ ኤቃና። ደርያ ሞድያዋንቱካ በኢደ ጎይናና” ያጌ።

Isiyaasa 57:15

አያዉ ጎፐ፥ መናዉ ደእያዌ፥ ግታይ፥ ቃን ደእያዌ፥ አ ሱንይካ ጌሻ ጌተትያዌ፥ ሀዋዳን ያጌ፤ “ታን ቁ ጌዳነ ጌሻ ሳኣን ደአይ፤ ግዶፐነ፥ ባረንቱ ኦዳ ናጋራዉ ካዮቲደ ስምያዋንቱናነ ባረና ዝቂ ኦያዋንቱና ደአይ። ያታደ ታን ባረንቱ ኦዳ ናጋራዉ ካዮቲደ ስምያዋንቱ አያናነ ባረና ዝቂ ኦያዋንቱ ዎዛና ኦራጽሳይ።

Ermaasa 30:11

ታን ህንተና አሻናዉ ህንተናና ደአይ። ታን መና ጎዳይ ሀዋ ኦዳይ። ታን ህንተና ላሌዳዋ ኡባ ኡባና ይሳና፤ ሽን ህንተና ኡባና ይስከ። ታን ህንተና ልከ ፕርዳን ሙራና፤ ሙሩዋ ባይናን ህንተና ኡባና ጮ የድከ” ያጌ።

Ermaasa 4:27

መና ጎዳይ ሀዋዳን ያጌ፤ “ሙለ ቢታይ ባያና፤ ሽን ታን አ ዉርሳ ይስከ።

Ermaasa 46:28

ህንተኖ፥ ታ ቆማቶ፥ ያቆባ ዛረቶ፥ ታን መና ጎዳይ ህንተናና ደእያ ድራዉ፥ ያዮፕተ! ታን ህንተና ላሌዳ ካዉተቱዋ ኡባ ኡባና ይሳና፤ ሽን ህንተና ኡባና ይስከ። ታን ህንተና ልከ ፕርዳን ሙራና፤ ሙራይ ባይናን ህንተና ኡባና ጮ የድከ። ጾሳይ ሀዋ ኦዳይ” ያጌ።

Ermaasa 5:18

መና ጎዳይ ኤርማሳ ሀዋዳን ያጌ፤ “ሽን ሄ ጋላሳቱዋን ግዶፐካ፥ ታን ታ አሳ ኡባና ዉርሳ ይስከ።

ኤርማሳ ሴላ 5:19

ሽን አቤት መና ጎዳዉ፥ ኔን መናዉ ካዉታሳ፤ ነ ካዉተ አራታይካ የለታ ኡባ ጋካናዉ ደኤ።

Hizik'k'eela 30:25

ኤ፥ ታን ግብጼ ካትያ ላኡ ቀስያ ዳቡርሳደ፥ ባብሎነ ካትያ ቀስያ ምንና። ታን ባብሎነ ካትያ ታ ማሻ ኦይያ ዎደነ እ ግብጼ ቦላ አ ደንያ ዎደ፥ ግብጼቱ ታን መና ጎዳ ግድያዋ ኤራና።

Mikiyaasa 5:2

መና ጎዳይ ሀዋዳን ያጌ፤ “ኔኖ ኤፍራታ፥ ቤተሌመ ካታማዉ፥ ኔን ይሁዳ ካታማቱዋ ግዶን ጉ፤ ሽን አዉ ደንዱ በንፐ ዶሚደ፥ መናፐ ግዴዳዌ፥ እስራኤልያ አሳ ሞድያዌ ታዉ ኔፐ ከሳና” ያጌ።

Imbbaak'ooma 3:2

አቤት መና ጎዳዉ፥ ኔን ካሰ ኦዳዋ ታን ስሳደ ያያድ። አቤት መና ጎዳዉ፥ ኑ ዎድያንካ ሄ ኦሶቱዋ ዛረደ ኦ፤ ኡንቱንቱ ኑ ዎድያንካ ኤረትኖ። ኔን ሀንቀያ ዎደ ነ ማሮታ ቆፓ።

Imbbaak'ooma 3:6

እ ኤቂደ ቢታ ቃዳ። ቃይ እ ጼሊደ ካዉተቱዋ ኮኮርሴዳ። መናደፐ ደኤዳ ደረቱ መኤረቴድኖ፤ ቃይ እ ኡንቱንቱ ቦላን ሀመትያ በኒደፐ ደኤዳ ደረቱካ ላለቴድኖ።

Milkkiyaasa 3:5

ኡባፐ ዎልቃማ መና ጎዳይ፥ “ሄዋፐ ጉይያን፥ ታን ፕርዳ ፕርዳናዉ ህንተኮ ያደ፥ ሙሩንያዋንቱ ቦላ፥ ዎሹምያዋንቱ ቦላ፥ ዎርዱዋን ጫቂያዋንቱ ቦላ፥ ኦሳንቻቶ በስያ ድርጉዋ እመናን ድግያዋንቱ ቦላ፥ አስናይ ሀይቄዳ አምአቶነ አታ አዉ ሀይቄዳ ናናቱዋ ቱጋይያዋንቱ ቦላ፥ በትያ ፕርዳ ጌላይያዋንቱ ቦላነ ታዉ ያየናዋንቱ ቦላ ኤለካ ማርካታና” ያጌ።

Milkkiyaasa 3:6

ቃይካ ኡባፐ ዎልቃማ መና ጎዳይ፥ “ታን መና ጎዳይ ላመትከ፤ ሄዋ ድራዉ፥ ህንተኖ ያቆባ ዛረቶ፥ ህንተ ይክታ።

Kiitaa 3:14

ሽን ህንተንቱ ጌሻነ ጽሉዋ፥ ‘ኑን አ ኤሮኮ’ ጊደ፥ ሸምፑዋ ዎዳዋ አ ድራ ህንተንቶ ብላናዉ ጵላጾሳ ዎሴድታ።

Zaaretsuwaa 32:4

እ ኑ ዛላቴ፥ አ ኦሱዋን ፖኩ ባዋ፤ አ ኦገ ኡባይካ ሱረ። ኑ ጾሳይ አማነትያዋነ ኢታተይ ባይናዋ፤ እ ቱማንቻነ ሱረ።

Zaaretsuwaa 33:27

መና ጾሳይ ህንተንቶ ደኡዋ፤ አ መና ኩሸቱ ህንተፐ ጋርሳና ደኢኖ። እ ህንተ ስንፐ ህንተ ሞርከቱዋ የደርሴዳ፤ ህንተ ኡንቱንታ ዉርስ ይሳናዳን ህንተንቶ ኦዴዳ።

1 ጽሞቶሳ 1:17

አይፍያን ቤተና መና ጾሳዉ እቶ፥ መና ካተዉ፥ መናፐ መና ጋካናዉ ጋላታይነ ቦንቹ ግዶ። አመንእ!

1 ጽሞቶሳ 6:16

ሀይቀናዌ እት አ ጻላላ። ኦንነ አኮ ሺቃናዉ ዳንዳየና ፖኡዋን ደኤ። ኦንነ አ በእቤና፤ ቃይ በአናዉካ ዳንዳየና። ቦንቹነ መና ዎልቃይ አዉ ግዶ። አመንእ።

Ibraawe 13:8

የሱስ ክርስቶስ ዝኖካ ሀቼካ መናዉካ ላመተና።

ሳፃ ማፃፋ 1:11

ሄ ኮሻይ ታና፥ “ኔን በእያዋ ማጻፋን ጻፋ፤ ኢስያን ደእያ ላፑ ዎሳ ጎለቶ፥ ኤፈሶና፥ ሳምርኔሳ፥ ጰርጋሞና፥ ትያጽሮና፥ ሳርዴሳ፥ ፕላደልፍያ፥ ሎዶቅያ ዎሳ ጎለቶ ዬዳ” ያጌዳ።

ሳፃ ማፃፋ 1:8

ካሰ ደእያዌ፥ ሀእካ ደእያዌ፥ ስንፐካ ያና ጎዳይ፥ ኡባፐ ዎልቃማ ጾሳይ፥ “ኡባባዉ አልፋይነ ኦሜጋይ፥ ኮይሩነ ዉርሰይ ታና” ያጌ።

1 Sammeela 2:2

“መና ጎዳ ማላ ጌሽ እቱነ ባዋ፤ አ ማል እቱነ ባዋ። ኑ ጾሳፐ አትና፥ ሀራ አትያ ዎጋ ዛላይ ባዋ።