Doometsaa 50:24 - ጌሻ ማጻፋ

²⁴ ሄዋፐ ጉየ ዮሴፎ ባረ እሻቱዋ፥ “ታን ሀያና ሀናይ፤ ሽን ጾሳይ ህንተንታ ማዳናዉ ቱሙ ጾሞሳና፤ እ ህንተንታ ሀ ቢታፐ ከሲደ፥ አብራሃመዉ፥ ይሳቃዉነ ያቆባዉ እማና ጊደ ጫቄዳ ቢታ አፋና” ያጌዳ።

Geeshsha Mas'aafaa

²⁴ Hewaappe guyye Yooseefo bare ishatuwaa, «Taani hayana hanay; shin S'oossay hinttentta maaddanaw tumu s'omoosana; I hinttentta ha biittaappe kessiide, Abrahaamew, Yisaak'awunne Yaak'oobaw immana giide c'aak'k'eedda biittaa afana» yaageedda.

Doometsaa 50:24 ပူးပေါင်းရင်းမြစ်များ

Doometsaa 12:7

ሽን መና ጎዳይ አብራማዉ ቆንጪደ አ፥ “ሀ ጋድያ ታን ነ ዘረዉ እማና” ያጌዳ። እ ባረዉ ቆንጬዳ መና ጎዳዉ ሄ ሳኣን ያርሽያ ሳኣ ኬጺደ ጎይኔዳ።

Doometsaa 13:15

ሀ ኔን ጼልያ ቢታ ኡባ ታን ነዉነ ነ ዛርያዉ መናዉ እማና፤

Doometsaa 13:17

ደንዳ፤ ቢታ ጎምፓን ፑደነ ዱገነ ህንነ ሃነ ሀመታደ በአ፤ አያዉ ጎፐ፥ ታን ሀ ቢታ ነዉ እማና” ያጌዳ።

Doometsaa 15:18

ሄ ጋላስ መና ጎዳይ አብራመና ሀዋዳን ያጊደ ጫቁዋ ጫቀቴዳ፤ “ግብጼ ሻፋፐ ዶሚደ ኤፍራጺሳ ግያ ዎልቃማ ሻፋ ጋካናዉ፥ ሀ ቢታ ታን ነ ዘረዉ እማድ፤

Doometsaa 15:7

መና ጎዳይ ቃይካ አ፥ “ታን ኔን ሀ ቢታ ላታና ማላ ነዉ እማናዉ ኡር ግያ ካላዳዌቱዋ ካታማፐ ኔና ከሳ አሄዳ መና ጎዳቴ” ያጌዳ።

Doometsaa 15:8

ሽን አብራሞ አ፥ “አቤት ኡባ ሞድያ መና ጎዳዉ፥ ታን ሀ ቢታ ላታናዋ አያን ኤሮ?” ያጌዳ።

Doometsaa 17:8

ሀእ ኔን በተ ግዳደ ደእያ ካናነ ቢታይ ኡባይ ነዉነ ኔፐ ጉየ ነ ዘረዉ መናዉ ላታ ግዳና ማላ ታን እማና፤ ቃይ ታን ኡንቱንቱ ጾሳ ግዳና” ያጌዳ።

Doometsaa 21:1

ጾሳይ ባረ ኦዴዳዋዳን ሳርኮ ዬዳ፤ ጾሳይ ሳሮ ባረ ጌዳዋዳን ኦዳ።

Doometsaa 26:3

ሀ ጋድያን አማሬዳዋ ታካሻ፤ ታን ኔናና ግዳና፤ ኔና አንጃና፤ አያዉ ጎፐ፥ ሀ ቢታ ኡባ ታን ነዉነ ነ ዘረዉ እማና፤ ታን ነ አዉዋ አብራሃመዉ ጫቄዳ ጫቁዋ ምንሳና።

Doometsaa 28:13

ጋይያዉ ቦላ ጼራን መና ጎዳይ ኤቂደ አ፥ “ታን መና ጎዳ፥ ነ አዉዋ አብራሃማ ጾሳ፥ ይሳቃ ጾሳ። ሀ ኔን ግሴዳ ቢታ ነዉነ ነ ዘረዉ እማና፤

Doometsaa 3:19

ኔን ቢታዉ ስማና ጋካናዉ፥ ዳቡራን ነ ሶምእ ጫዋትና ኦዳ ነ ቁማ ማና፤ አያዉ ጎፐ፥ ኔን ቢታፐ አከታዳ፤ ኔን ባና፤ ኔን ባናዉ ስማና” ያጌዳ።

Doometsaa 35:12

ታን አብራሃመዉነ ይሳቃዉ እሜዳ ቢታ፥ ቃይ ነዉ እማይ፤ ኔፐ ጉየና ታን ሀ ቢታ ነ ዘረዉ እማና” ያጌዳ።

Doometsaa 46:4

ታን ኔናና እትፐ ግብጼ ባና፤ ቃይ ታን ነ ዘረ ያፐ ከሳና። ዮሴፎ ባረ ኩሽያን ነ አይፍያ ሺሻና” ያጌዳ።

Doometsaa 47:29

እስራኤለ ሀይቂያ ዎዲ ማታትና፥ ባረ ናኣ ዮሴፋ ጼስሲደ ሀዋዳን ያጌዳ፤ “ታን ነ ስንን ሳበቴዳዋ ግዶፐ፥ ነ ኩሽያ ታ ጉልባታን ዎደ፥ አነ ገፓ።

Doometsaa 48:21

ሄዋፐ ጉየ እስራኤሊ ዮሴፎ፥ “ታን ሀያና ሀናይ፤ ሽን ጾሳይ ህንተናና ግዳና፤ ቃይ እ ህንተንቱ አዎቱዋ ጋድያ ህንተንታ ጉየ ዛራና።

Doometsaa 50:5

‘ታ አዉ ታና እት ጫቁዋ ጫቂሴዳ፤ እ ታና፥ “ታን ሀያና ሀናይ፤ ታን ታዉ ካናነ ቢታን ቦኬዳ ጎንጎሎ ዱፉዋን ታና ሞጋ” ያጌዳ። ሄዋ ድራዉ ሀእ ታን ፑደ ባደ ታ አዉዋ ሞጋና ማላ የዳርኪ! ሄዋፐ ጉየ ታን ስማና’ ያግተ” ያጌዳ።

Iyyooba 30:23

አሳዉ ኡባዉ ዉርሰ ግዴዳ ሀይቆ ኔን ታና አደ እምያዋ ታን ኤራይ።

Kessaa 12:41

ሄ ኦይዱ ጼታነ ሀታሙ ላይይ ዉርያ ሄ ዉርሰ ጋላሳን፥ መና ጎዳ ጩጉ ኡባይ ግብጼ ጋድያፐ ከሴዳ።

Kessaa 12:51

ሄ ጋላስካ መና ጎዳይ እስራኤላቱዋ ኡንቱንቱ ጩጉዋን ጩጉዋን ግብጼ ጋድያፐ ከሴዳ።

Kessaa 13:19

ዮሴፎ እስራኤልያ አሳ ጫቀ ዎዳ ድራዉ፥ ሙሴ አ መቀ ባረናና አኪደ ቤዳ፤ ዮሴፎ ኡንቱንታ፥ “ጾሳይ ቱሙፐ ህንተንታ ማዳናዉ ያናዋ፤ ሄ ዎደ ህንተንቱ ታ መቀ ሀ ሳኣፐ ፑደ ህንተናና አኪደ ቢተ” ያጊደ ኦድ ዎዳ።

Kessaa 3:8

ሄዋ ድራዉ፥ ታን ኡንቱንታ ግብጼ ጋድያ አሳቱዋ ኩሽያፐ አሻናዉነ ሄ ጋድያፐ ኡንቱንታ ከሳደ፥ አኮነ ሎኦ ጋድያ አሀናዉ ዎድ። ሄ ጋዲ ማይነ ኤሳይ ጎግያ ቢታ፤ ሄ ጋድያን ካናነቱ፥ ሂተቱ፥ አሞራዋናቱ፥ ፓርዛዋናቱ፥ ሂዌቱነ ያቡሳዋናቱ ሀእ ደኢኖ።

Kessaa 33:1

ሄዋፐ ጉይያን መና ጎዳይ ሙሳ ሀዋዳን ያጌዳ፤ “ኔንነ ኔን ግብጼፐ ከሴዳ አሳይ ሀ ሳኣፐ ደንድተ፤ ‘ታን ህንተንቱ ያራቶ እማና’ ያጋደ ዎዳ ጋድያ ቢተ። ሄ ጋዲ ታን አብራሃመዉ፥ ይሳቃዉነ ያቆባዉ እማና ያጋደ ጫቃ ዎዳ ጋድያ።

Kessaa 4:31

ኡንቱንቱካ አማኔድኖ። መና ጎዳይ ኡንቱንቶ ቆፔዳዋነ ኡንቱንቱ ቱጋ በኤዳዋ ስሴዳ ዎደ፥ ኡንቱንቱ ጉፋኒደ ጎይኔድኖ።

Eranchchaa 12:5

ሄ ዎዲ አሳይ ቃ ሳአቱዋ ከሳናዉነ አኮ ኦገቱዋና ሄመታናዉ ያይያ ዎደ፥ ነ ሁጲ ፑሉምያ ዎደ፥ ኔን ኔና ዳንዳያደ ሄመትያዌ ነዉ እጽያ ዎደ፥ አሞይያባይ አግያ ዎደ ግዳናዋ። ሄ ዎዲ አሳይ ባረ መና ጎልያ ብያ ዎደ፥ ዬክያዋንቱካ አኮ ኦግያና ዬኪደ ዩይያ ዎደ ግዳናዋ።

Eranchchaa 12:7

ቢታይ ካሰ ባረ አከቴዳ ቢታኮ ስመናን፥ ሸምፑካ ባረና እሜዳ ጾሳኮ ስሚደ ቤና ደእሺና፥ ኔና መዳዋ ቆፓ።

Payduwaa 32:11

‘መና ጎዳ ባረንቱ ኩመን ዎዛናፐ ካሌዳ ቀኒዝያ ይፉነ ናኣ ካሌባፐነ ኔዌ ናኣ ኢያሱፐ አትና፥ የለቶደፐ ላታሙ ላይነ ሄዋፐ ቦላና ደእያ አቱማ አሳን ግብጼ ጋድያፐ ከሴዳዋንቱፐ እቱነ፥ ታን አብራሃማዉ፥ ይሳቃዉነ ያቆባዉ እማናዉ ጫቄዳ ቢታ በኤና። አያዉ ጎፐ፥ ኡንቱንቱ ታና ባረንቱ ኩመን ዎዛናፐ ካልበይክኖ’ ያጊደ ጫቄዳ።

Romans 5:12

ሄዋ ድራዉ፥ ናጋራይ ሀ ሳኣ እት አሳ ባጋና ገሌዳ፤ ሄ ናጋራይ ባረናና ሀይቁዋ አሄዳ፤ ሄዋ ጋሱዋን፥ አሳይ ኡባይ አዳማ ባጋና ናጋራ ኦዳ ድራዉ፥ ሀይቁ አሳ ዛርያ ኡባ ጋኬዳ።

Zaaretsuwaa 1:8

በእተ፥ ታን ህንተንቶ ሀ ቢታ እማድ። ቢደ ህንተ አዋቶ፥ አብራሃማዉ፥ ይሳቃዉ፥ ያቆባዉነ፥ ኡንቱንቱፐ ጉይያን፥ ኡንቱንቱ ዛርያዉ እማናዉ መና ጎዳይ ጫቄዳ ቢታ ላትተ’ ያጌዳ” ያጌዳ።

Zaaretsuwaa 6:10

“መና ጎዳይ ህንተ ጾሳይ ህንተንቶ እማና ጊደ ህንተ አዋቶ፥ አብራሃማዉ፥ ይሳቃዉነ ያቆባዉ ጫቄዳ፥ ህንተ ኬጽቤና ግታነ ሎኦ ካታማቱ ኩሜዳ ቢታ እማና። ህንተ ኩንቤና ዱረታይ ኩሜዳ ጎለቱዋ፥ ህንተ ቦክቤና ኦላቱዋ፥ ህንተ ቶክቤና ዎይነቱዋነ ዛይትያ ዎጋራቱዋ ህንተንቶ እምያ ዎደ፥ ህንተካ ሚደ ካሌዳ ዎደ፥

Ibraawe 11:22

ዮሴፎ ሀይቃናዉ ማቲደ፥ እስራኤልያ አሳይ ግብጼፐ ከሳናዋ ሃሳዬዳዌነ ባረ መቀ ኦናባ ኡንቱንታ አዛዜዳዌ አማኑዋና።

Ibraawe 9:27

አሳይ ኡባይ እት ገደ ሀይቃናዉ በሴ፤ ሄዋፐ ጉይያን ጾሳይ አሳ ፕርዳና።

Iyyaasa 24:32

እስራኤልያ አሳይ ግብጼ ጋድያፐ አሄዳ ዮሴፎ መቀ ሰኬማን ሞጌድኖ። ሄ ሳኣ ያቆብ ሸኬማ አዉዋ ሀሞራ ናናቱዋፐ ጼቱ ጻጋራ ብራን ሻሜዳ፤ ጉየፐ ዮሴፎ ዛራቱ ላቴድኖ።