मर्कुस 11:3 - देवास राई

³ ओछि कुन्-कुने तोहोरानि ‘यक्‍रालाइ किसा फोकाहोला?’ बाजिहिन् सोर्‌हिबुनेमा, ‘पर्भुलाइ यि चाइल्ह रहेक्ला, आउँ ओहिं तुरुन्ते फर्काइदेहेर्ला’ बाजिहिन् बोल्बेहेरा।”

मर्कुस 11:3 ပူးပေါင်းရင်းမြစ်များ

मर्कुस 11:2

“तोहोराखर्ह्‌वा ओट्‌टे ओर्साकक् गाँओइ जाहा, उ गाँओइ पोस्लोटाकै कख्नुहुँ कुन्हुँ मानुसे नहिंचर्ल्ह एक्टा गाडाहाक् बाच्छा तोहोराखर्ह्‌वाइ भेंटाहोला। ओक्‍रालाइ फोकाइबानाइ यछि लेहिन् आन्बेहेरा।

मर्कुस 11:4

तसौ उखर्ह्‌वा जाइलुहुन्, आउँ उ गाडाहाक् बाच्छा एक्टा घरक् बाहारक् खौलाइ दिहाँरक् आगारि बार्‌हिहिन् धर्ल भेंटालुहुन्, आउँ ओक्‍रालाइ फोक्लाबा ठाल्‍लुहुन्।

मर्कुस 14:15

तसौ ओहिं तोहोरानि उप्‍रक् तालाइ एकदमे राम्‍रोइसम् साजाल एक्टा बर्के कोठा देखाहेर्ला। आउँ ओच्छिहि तोहोलेके हाम्‍रा लागि भोज तियार काराहा।”

प्रेरित 1:24

ओक्‌राक्‌पाछु उखर्ह्‌वाइ यन्हिं बाजिहिन्‌ पाराथ्ना कर्लुहुन्‌, “अ पर्भु, तुँइ जम्मा मानुसक् हिर्‌दायाक् कहिन् थाहा पास्ला उहेसिहिरे यि दुइजेनामध्येमा तुँइ कुनाहाँक्‌लाइ चुन्ल धरस्ला उ हाम्‍रानि देखाउ,

प्रेरित 10:36

तोरानि थाहाय रहेस्ला कि, परमेस्वरे येसुक्‌भटे सान्ति पाइलाहार खुसिक् खभर इस्‍रालिलकक्‌ठालाइ पाठाल धरैस्। उहेय जम्‍माहिंक् पर्भु रहैस्।

प्रेरित 17:25

ओक्‌रानि किच्छु थोकक् खाँचो पोर्लोक् परौ करिहिन् मानुसक् हाथक्‌भटे ओक्‌राक् सेवा भेबा पोर्लाहार बाजहिन् बुन् सोंचोहो। किसाबुने ओहिंय जम्मा मानुसलकलाइ जिबन, पारान आउँ सेब्‌भ्‍रोउ थोक् देइस्।