लुका 5:1 - देवास राई

¹ एक्‌दिनकोक् कहिन् हो येसु गालिलक् तालावक् छेंओइ ठध्याइबानाइ बस्ल रैल्हक्। थुप्‍रोय मानुसलक् परमेस्वरक् सिच्छा सुन्‍बाक्नि ठेलाम्‌ठेल कर्ते आइलुहुन्।

लुका 5:1 ပူးပေါင်းရင်းမြစ်များ

मर्कुस 3:9

यरङ् धुइरो देखिहिन् मानुसलके आफ्निक्‌ठालाइ ठेलामठेल् कर्बा बुन् आउस् बाजिबानाइ येसुइ चेलालकलाइ एक्टा डोङा आन्बा लागालाहा।

मर्कुस 4:1

ओक्‍राक्‌पाछु येसुइ फेरि तालावक् छेंओइ जाहिन् सिच्छा देबा ठाल्‍लक्। ओक्‍राक् चारौपाखा थुप्‍रोय मानुसलकक् धुइरो लाग्लसिहिरे उ तालावक् छेंओइ रैल्ह एक्टा डोङाइ चर्‌हिहिन् चुटेक् माझक्‌पटि लेगाइबानाइ ओच्छिहि बस्लक्। मानुसलक्‌सेहे तालावक् छेंओइ बस्लुहुन्।

मर्कुस 5:24

ओट्‌का बिम्ति कर्नेसौ येसु ओक्‍राक्‌सङ्‌हिं जाइलक्। आउँ थुप्‍रोय मानुसलक् येसुक् पाछु-पाछु लाग्लुहुन्, तसौ मानुसलक् येसुक् चारौपाखाक्‌भटे ठेलामठेल् कर्बा ठाल्‍लुहुन्।

मर्कुस 6:53

येसु चेलालकक्‌सङ्‌हिं तालाउ कटिबानाइ ओसाक्‌पार गनेसरेत बाज्ल ठाँओइ पुग्नेसौ उखर्ह्‌वाइ डोङा तालावक् पाखाइ धर्लुहुन्।

लुका 12:1

येसुक्‌ठालाइ हाजारौ-हाजार मानुसलक् जम्‍मा भेहिन् ओछि यरङ् सम्मकि एक्‌जेनाइ ओर्कोलाइ खुँर्-खाँर् पार्बाक् भेल रैल्‍लुहुन्। उ बेलाइ येसुइ पैल्हा आफ्निक् चेलाहिकलकलाइ यन्हिं बोल्बा ठाल्‍लाहा, “तोहोलेक फरिसिलकक् पिठाइ मिसाल खमिरक्‌भटे जोगिहिन् बसह! बाज्बाक् अर्थसेहे, उखर्ह्‌वाक् कपटक्‌भरे जोगिहिन् बसह।

लुका 5:2

येसुइ तालावक् छेओमाहा दुइगोटा डोङालक् देख्लक्, मछौर्‌यालक् डोङा छारिबानाइ जाल धोइतिहि रैल्हुहुन्।

लुका 8:22

ओहेरेङ् करिहिन् एक्‌दिन येसु आफ्निक् बार्‌हजेना चेलालकक्‌सङ्‌हिं डोङामा चर्ल्हक्, आउँ उखर्‌हालाइ बोल्‍लाहा, “आहो, असौ हामि तालावक् ओसाक्‌पार जाहुँक्।” तसौ येसु आउँ चेलालक् सङ्‌हिं डोङामा चर्‌हिहिन् जाइहालुहुन्।

लुका 8:23

जाइतिहि-जाइतिहि येसु डोङाहिंमा सुत्लक्। तसौ तालावक् माज्झा-माझि पुग्नेसौ एकास्सि बर्के बिहार-बातास चल्‍बा ठाल्‍लकुन्, आउँ डोङाहुमा पानि पोसिहिन् भोर्बाठाल्‍लकिन्, तसौ उखर्ह्‌वालाइ आपत् पोर्लाहा।

लुका 8:33

तसौ उ मानुसक्‌भटे भुतलक् निस्किहिन् जाइबानाइ सुङ्‌ङुरलकक् भिट्‌रइ पोस्लुहुन् आउँ उ बाथानक् सुङ्‌ङुरलकलाइ भुत लागिहिन् बौलाइबानाइ भिरक्‌पाखा सोहोरा लागिहिन् खसिबानाइ तालावक् पानिमा डुबिबानाइ जम्माय मोर्लोहुन्।

लुका 8:45

तसौ येसुइ, “मोरालाइ कुने छुवक् हाँ?” बाजिहिन् मानुसलकलाइ सोर्ल्होक्, तर जम्माहिं “मुँइ ता बोइने छुइल” बाज्लुहुन्। तसौ पत्‌रुसे बोल्‍लोकुन्, “गुरु, दिठाउना जम्मा मानुसलके तोरालाइ ठेलाम्‌ठेल कर्तिहि रहेस्ला।”