लुका 16:3 - देवास राई

³ तसौ मालिकक् यरङ् कहिन् सुन्‍नेसौ उ मुल-चाकरेसेहे मनमने यन्हिं सोंच्लोक्, ‘असौ मोरा मालिके मोरालाइ जागिरक्‌भटे निस्कालाहार भेइ। असौ मुँइ किवा कर्बा? खेतिपाति करिहिन् खाम्‍ना बाजौ बुने, खन्‌जोट कर्बाक् बल बोइने, मानुसलकसङ्‌हिं भिख माङिहिन् खाउँ बुने मोरालाइ लाज लागइस्।

लुका 16:3 ပူးပေါင်းရင်းမြစ်များ

मर्कुस 10:46

ओक्‍राक्‌पाछु येसु आफ्निक् चेलालकक्‌सङ्‌हिं यरिहो सहरै आइपुग्लक्। तसौ उ सहरक्‌भटे बाहार निस्किहिन् जाबा ठाल्‍लटाकै उखर्ह्‌वाक्‌सङ्‌हिं थुप्‍रोय मानुसलक् सङ्‌हिं आइलुहुन्। उहे पैंदाक् छेंओइ तिमैक् बेटायक बारतिमै बाज्ल एकजेना अन्धा मानुस भिख माङिबानाइ बस्ल रैल्हक्।

लुका 12:17

तसौ ओहिं मनमने यन्हिं बाज्बा ठाल्‍लक्, ‘मोरा खेत बारिक्‌भरे थुप्‍रोय अन्‍न उब्‍जाउ भेल रहैस्। असौ यि अन्‍न धर्बाक् ठाँओउ बोइने, कच्‍छि धर्बा भेका? असौ मुँइ किस् कर्बा?’

लुका 16:2

उ धनि मानुसे ओक्‌राक् मुल-चाकरिहिकलाइ हाँख्‍राहिन् सोर्ल्होकुन्, ‘तोरा बिसइमा मुँइ यि किवा कहिन् सुन्तिहि रहम्‍ना? तोरा ठालाइ भेल जम्मा हिसाब-किताब आनिहिन् मोरालाइ बुझाउ। अखसौ तोरानि मोरा हिसाब-किताब धर्बा नादेम्।’

लुका 16:20

ओक्‌रिहिक् घरक् दिहाँरइ एक्‌जेना लाजरस बाज्‍ल जिउँभोरि घाउय-घाउ भेल गरिप मानुसलाइ आनिबानाइ धर्थिक्।

लुका 16:22

एक्‌दिन उ गरिप लाजरस मोर्लोक्। तसौ स्वर्गोदुतलके ओक्‌रालाइ लेगाहिन् अब्राहामक् छेउँहिंमा धर्लिहिंक्। तसौ उ धनि मानुस आको मोर्लोक् आउँ गार्लिहिंक्,

लुका 16:4

ह! असौ मुँइ किवा कर्बा पोर्लाहार मुँइ सम्झमिगे। मोरानि जागिरक्‌भटे निस्कायटौ मुँइ सङ्‌लक् बानाहिन् धरिबुने ता उखर्ह्‌वाइ दिठाइहालट्‌थ्ला भेकाते!’

लुका 18:4

कट्‌का दिनसम्‍म ता ओहिं बिध्वाक् कहिने नहिंसुनिदेलकुन्। तर पाछुसे ओहिं आफ्नि मनमने बाज्लक्, ‘मुँइ परमेस्वरक् डर नामानम्। आउँ मानुसुहुँक् वास्ताउ नाहाँकरम्।

प्रेरित 3:2

उहे समइमा मन्‍दिरक् भिट्‌र पोस्बाक् सुन्दर बाज्ल दिहाँरै एकजेना जल्महिंसौ लङरा मानुसलाइ साँद्‍धाउनि बोकिहिन् आनिहिन् धर्टे आइल रैल्हिहिंक्। ओहिं मन्दिरै आइलाहार मानुसलकक्‌सङ्‌हिं भिख माङुस् बाजिहिन् मानुसलके ओक्‌रानि ओछि आनिहिन् धर्थिक्।

प्रेरित 9:6

तर असौ उठिबानाइ सहरै जा, “आउँ तुँइ जेहे काम कर्बा पोर्लाहार उ कहिन् तोरानि बाताइदेस्ला।”

२ थेसलोनिकि 3:11

किसाबुने हामि सुन्ल धरुहुँक्ला, कि तोहोराखर्ह्‌वाक्‌मध्ये काम नहिंकर्लाहार अल्सि मानुसलक् आको रहट्‌थ्ला हँन। उखर्ह्‌वाइ आफ्नि काम किच्‍छुय नाकरथ्, तर ओर्कोक् कामै बेठ्‍ठाहिमा भाँजो हालट्‌थ्ला।