२ तिमोथि 2:21 - देवास राई

²¹ यदि कुन्हुँ मानुसे आफ्निलाइ खाराब कामक्‌भटे सुद्‌ध पारैस् भेनेमा उ बिसेस कामक् लागि एक्टा पात्‍र बनैस्, आउँ घरक् मालिकक् लागि सुद्‌ध, काम लाग्लाहार आउँ जम्मा राम्‍रो कामक् लागि तियार भेइस्।

२ तिमोथि 2:21 ပူးပေါင်းရင်းမြစ်များ

प्रेरित 9:15

तर पर्भुइ ओक्‌रानि बोल्‍लोकुन्, “तुँइ जा, किसाबुने अर्‌जाति मानुसलक्, राजालक् आउँ इस्‍राएलिलकक् माझै मोरा नाउँ पर्चार कर्बाक्नि मुँइ ओक्‌रानि चुन्ल धर्मिना।

१ तिमोथि 6:11

तर तुँइ, परमेस्वरक् मानुस, यि नराम्‍रो कहिनलकेसौ टार्‌हो बस्। आउँ धार्मिकताइ, भक्‍तिमा, बिस्वासै, पेरेमै, स्थिर बस्बाक् आउँ नम्‍र भेबाक् कहिनै आफ्निक् मन लागाउ।

२ तिमोथि 2:16

सन्सारक् मुर्ख कहिनलकक्‌भटे अलग बसह, यहिं ता मानुसलकलाइ परमेस्वरक्‌भटे झन्-झन् टार्‌हो लेगायला।

२ तिमोथि 2:20

कुन्हुँ एक्टा धनि मानुसक् घरै सोनो आउँ चाँरिक् भाँरालक् माटेन् नाभेक्, तर काठ आउँ माटिक् भाँरालक् आको भेला, कुन्हुँ बिसेस कामक् लागि भेने कुन्हुँ साधारन कामक् लागि चालाइजायला।

२ तिमोथि 3:17

ताकि परमेस्वरक् मानुसलके पुरा रुपेसौं राम्‍रो कामलक् कर्बाक् लागि तियार भेउस्।

२ तिमोथि 4:11

अख्‍नि मोरासङ्‌हिं लुका माटेन् रहैस्। तुँइ मोराठालाइ आइलटाकै मर्कुसलाइ आको खोजिहिन् तोरेसङ्‌हिं लेहिन् आहिक्, किसाबुने मोरा सेवाक् कामै ओहिं थुप्‍रोय मदप कर्बा पारैस्।

तितस 3:1

सासकलक् आउँ अधिकारिलकक् अधिनै बस्बा पोर्लाहार, उखर्ह्‌वाक् आग्या मान्बा पोर्लाहार, आउँ सेब्‌भ्‍रोउ थरिक इमान्दार काम कर्बाक्नि जख्नुहुटौ तियार भेबापोर्लाहार बाजिहिन् उखर्ह्‌वालाइ सम्झाहिखान्।

तितस 3:14

हाम्‍रा मानुसलक् राम्‍रो काम करिहिन् आउँ एकदमे खाँचोमा पोर्लोलकलाइ मदप करिहिन् आफ्निक् समइ बिताउस्, तसौ उखर्ह्‌वाक् जिबन फोर फोरालाहार भेट्‌थ्ला।

तितस 3:8

यि सत्य कहिन् हो। मुँइ चाहाम्‍ना कि तुँइ यि कहिनलकै जोर देउ, जैहिं परमेस्वरै बिस्वास कर्ल धरट्‌थ्ला, उखर्ह्‌वाइ राम्‍रो काम कर्बाक् ध्यान देउस्। किसाबुने यि जम्मा कहिनलक् मानुसलकक् लागि राम्‍रो आउँ फाइधा देलाहार कहिन् हो।