२ तिमोथि 2:16 - देवास राई

¹⁶ सन्सारक् मुर्ख कहिनलकक्‌भटे अलग बसह, यहिं ता मानुसलकलाइ परमेस्वरक्‌भटे झन्-झन् टार्‌हो लेगायला।

२ तिमोथि 2:16 ပူးပေါင်းရင်းမြစ်များ

१ तिमोथि 1:9

हामि यि आको जानुहुँक्ला कि नियम राम्‍रो मानुसक् लागि बन्ल बोइने, तर नियम ता आग्या नहिंमान्लाहार, परमेस्वरलाइ नहिंमान्लाहार आउँ पापिलक्, असुद्‌ध आउँ आफ्निक् महँटार-बाप्पोलाइ मार्लाहारलक् आउँ मानुस मार्लाहारलक्,

१ तिमोथि 4:7

तर परमेस्वरलाइ अपमान भेलाहार आउँ पैल्हाकोक् मानुसलके बानाल अर्थय नहिंभेल काथाहालकक्‌भटे टार्‌हो बस्। बरुस आफ्निलाइ भक्‍तिक् जिबनै जिउँबाक्नि तालिम देउ।

१ तिमोथि 6:20

दिठाउ तिमोथि, परमेस्वरे तोरानि जे सोंप्लो धरेस्ला, उ राम्‍रोइसौ रछ्‍या करिहिन् धर। कट्‌कापय मानुसलके सन्सारक् मुर्ख कहिन् आउँ “ग्यान” बाजिहिन् मानट्‌थ्ला, उ झुठ् कहिनक्‌भटे टार्‌हो बस्।

२ तिमोथि 2:14

पर्भुक् आगारि यि कहिन् तोरा मानुसलकलाइ सम्झाहिखान्। आउँ उखर्ह्‌वाइ सब्दलकक् बिसइमा तर्क-बितर्क बुन् करुस्, जैहिं किच्छु फाइधा नाभेक्, तर सुन्लाहार मानुसलकलाइ नास कारायट्‌थ्ला।

२ तिमोथि 2:21

यदि कुन्हुँ मानुसे आफ्निलाइ खाराब कामक्‌भटे सुद्‌ध पारैस् भेनेमा उ बिसेस कामक् लागि एक्टा पात्‍र बनैस्, आउँ घरक् मालिकक् लागि सुद्‌ध, काम लाग्लाहार आउँ जम्मा राम्‍रो कामक् लागि तियार भेइस्।

२ तिमोथि 3:13

तर दुस्ट काम कर्लाहार मानुसलक् आउँ ठघ्लाहार मानुसलके ओर्को मानुसलकलाइ ठघट्‌थ्ला, ओर्कोलाइ ठघ्टे आफ्निऔ ठघिजाहिन् झन्-झन् दुस्ट स्वभाब बर्टे जायट्‌थ्ला।

तितस 1:11

इखर्ह्‌वाक् मुखै बुजा लागाइ देबा पोर्लाहार। किसाबुने उखर्ह्‌वाइ पैसा कामाबाक् लागि सिखाबाय नहिं भेलाहार झुठा सिच्छा सिखाहिन् पुराय घरपरिबारै भाँर-भैलो काराइदेल धरेट्‌थ्ला।

तितस 1:14

तसौ यहुदि दन्त्यकाथाहालक् आउँ सत्यलाइ इन्कार कर्लाहार मानुसलकक् आग्या सुन्बाय बुन् सुनह।

तितस 3:9

तर मुर्ख कहिनक् तर्क-बितर्क, लामो-लामो बङ्‌साबलिक् काथाहालक्, फुट आन्‍लाहार आउँ यहुदि नियमक् बिसइमा झग्‍रा कर्लाहारलकक्‌भटे टार्‌हो बसह। किसाबुने यि काम करिहिन् किच्‍छुय फाइधा नाभेक्। यि ता ब्यर्थक् कहिन् हो।