१ तिमोथि 6:12 - देवास राई

¹² बिस्वासक् लाराइ राम्‍रोइसौ लर। आउँ अनन्त जिबनलाइ गर्थिहिन् धर। किसाबुने यिहे जिबनक्‌ लागि परमेस्वरे तोरानि हाँख्‍राल रैल्हास्, आउँ तुँइ थुप्‍रोय साछिलकक् आगारि तोरा बिस्वासक् राम्‍रो साछि देल धर्लइ।

१ तिमोथि 6:12 ပူးပေါင်းရင်းမြစ်များ

१ थेसलोनिकि 2:12

हामि तोहोराखर्ह्‌वालाइ परमेस्वरक् मन पोर्लाहार जिबन जिउँबाकलाइ उत्साह, साहास आउँ अर्ति-उपदेस देल रैल्हुहुँक्। जुन् परमेस्वरे तोहोराखर्ह्‌वालाइ ओक्‍राक् राज्जे आउँ महिमा भिट्‌रै पोस्बाक्नि हाँख्‍राल धरैस्।

२ थेसलोनिकि 2:14

यिहे मुक्‍तिक् लागि हामि सुनाल सुसमाचारक्‌भटे हाम्‍रा पर्भु येसु खिरिस्टक् महिमा पाबाक् लागि परमेस्वरे तोहोराखर्ह्‌वालाइ हाँख्‍रालक्।

१ तिमोथि 1:18

मोरा पियारो छाउरा तिमोथि, तोरा बिसइमा धेरे आगारि परमेस्वरक्‌भटे बोल्‍लो अगमबानि अनुसार मुँइ यि आग्या तोरानि देइतिहि रहम्‍ना। यिहेसैर्हे तुँइ उ अगमबानिक्‌भटे पाइल कहिनलाइ बिस्वास आउँ राम्‍रो बिबेकक्‌भटे काम करिहिन् लाराइमा राम्‍रोइसौ आगारि बर्ह।

१ तिमोथि 1:19

तसौ आफ्निक् बिस्वास आउँ राम्‍रो बिबेकलाइ कख्नुहुँ बुन् छार्। कुन्हुँ-कुन्हुँ मानुसे बिबेकलाइ छार्ल सिहिरे उखर्ह्‌वाइ बिस्वासक् जाहाज डुबाल धरट्‌थ्ला।

१ तिमोथि 4:14

तोराठालाइ रैल्ह बरदानलाइ हेलचेक्‍र्‌याइ बुन् कर। उ बरदान एल्डरलके तोरा उप्‍रै उखर्ह्‌वाक् हाथ धर्लटाकै अगमबानि बाजिहिन् तुँइ पाइल धरस्ला।

१ तिमोथि 6:13

सेब्‌भ्‍रोउ थोकलकलाइ जिबन देलाहार परमेस्वर आउँ पन्तियस पिलातसक् आगारि सत्य साछि देलाहार खिरिस्ट येसुक् आगारि,

१ तिमोथि 6:19

यरङ् करिहिन् उखर्ह्‌वाइ आफ्निक् लागि भबिस्यक् राम्‍रोइसौ जग हाल्बा पाउस्, ताकि उखर्ह्‌वाइ उ जिबन गर्थिहिन् धरुस् जुन् सेहे साँच्‍चिहिकक् जिबन हो।

२ तिमोथि 1:9

परमेस्वरे हाम्‍रानि बाँचाहिन् ओक्‍राक् पबित्‌र जिबन जिउँबाक् लागि हाँख्‍रालक्। यि हामि राम्‍रो काम कर्ल सिहिरे बोइने, तर ओक्‍राक् आफ्निक् उदेस्य आउँ अनुग्रहक्‌भटे भेल हो। यि अनुग्रह ता सिरिस्टि भेबाइसौ आगारिय खिरिस्ट येसुक्‌भटे हाम्‍रालाइ देल रैल्हक्।

२ तिमोथि 2:2

थुप्‍रोय जेना मानुसलकक् आगारि तुँइ मोराभटे जेहे कहिनलक् सुन्ल धरस्ला, उ कहिन् तुँइ ओर्कोलकलाइ सिखाबा पार्लाहार बिस्वासयोग्य मानुसलकलाइ सोंपिदेहिखान्।

२ तिमोथि 4:7

मुँइ उत्‍तम लाराइ कर्ल रहम्ना। मुँइ दौर सिधाल धरम्‍ना आउँ मुँइ बिस्वासलाइ बाँचाहिन् धर्ल धरम्‍ना।